ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ແຂວງຫຼວງພະບາງ ມາຢ້ຽໃຢາມ ແລະ ເຮັດວຽກຢູ່ແຂວງອຸດົມໄຊ

ລະຫວ່າງ ວັນທີ 09-12/11/2019 ທ່ານ ວູ້ດັ່ງແໝັງ ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ແຂວງຫຼວງພະບາງ ພ້ອມດ້ວຍພັນລະຍາ, ໄດ້ເດີນທາງມາຢ້ຽມຢາມ ແລະ ອໍາລາຕໍາແໜ່ງ ການນໍາແຂວງອຸດົມໄຊ

ຕອນແລງຂອງວັນທີ 09/11/2019 ທີ່ຜ່ານມາ ທ່ານ ວູ້ດັ່ງແໝັງ ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ແຂວງຫຼວງພະບາງ ພ້ອມດ້ວຍພັນລະຍາ ແລະ ທີມງານ 04 ທ່ານ, ໄດ້ເດີນທາງມາຢ້ຽມຢາມ ແລະ ຂໍ່ານັບ ການນໍາແຂວງອຸດົມໄຊ ພິທີຕ້ອນຮັບຢ່າງເປັນທາງການ ທີ່ໂຮງແຮມມິດຕະພາບ ໃຫ້ກຽດຕ້ອນຮັບໂດຍ ທ່ານ ບຸນທັນ ສຸລິຍະວົງ ກໍາມະການພັກແຂວງ, ຫົວໜ້າພະແນກການຕ່າງປະເທດແຂວງອຸດົມໄຊ ພ້ອມດ້ວຍທີມງານ 10 ທ່ານ, ດ້ວຍຄວາມອົບອຸ່ນ.

ທ່ານ ວູ້ດັ່ງແໝັງ ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ແຂວງຫຼວງພະບາງ ພ້ອມດ້ວຍພັນລະຍາ ແລະ ທີມງານຕິດຕາມໄດ້ເຂົ້າຢ້ຽມຢາມຂໍ່ານັບ ທ່ານ ປອ ຄໍາພັນ ເຜີຍຍະວົງ ກໍາມະການສູນກາງພັກ, ເລຂາພັກແຂວງ ເຈົ້າແຂວງອຸດົມໄຊ ຢູ່ຊັ້ນລຸ່ມຫ້ອງວີໄອພີຂອງຫ້ອງວ່າການແຂວງ, ໃນນີ້ ທ່ານ ວູ້ດັ່ງແໝັງ ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ແຂວງຫຼວງພະບາງ ກໍ່ໄດ້ກ່າວອໍາລາຕໍາແໜ່ງທີ່ໄດ້ໝົດສະໄໝປະຈໍາການຢູ່ກົງສູນໃຫຍ່ ເພື່ອຈະໄດ້ກັບຄືນປະເທດ ຮັບໜ້າທີ່ໃໝ່, ຕາງໜ້າການນໍາແຂວງອຸດົມໄຊ ທ່ານ ປອ ຄໍາພັນ ເຜີຍຍະວົງ ກໍາມະການສູນກາງພັກ, ເລຂາພັກແຂວງ ເຈົ້າແຂວງອຸດົມໄຊ ກໍ່ໄດ້ກ່າວຍ້ອງຍໍຊົມເຊີຍຕໍ່ຜົນງານອັນພົ້ນເດັ່ນໃນການປະຕິບັດໜ້າທີ່ການທູດຂອງທ່ານ ກົງສູນໃຫຍ່ ແລະ ທ່ານ ປອ ຄໍາພັນ ເຜີຍຍະວົງ ກໍາມະການສູນກາງພັກ, ເລຂາພັກແຂວງ ເຈົ້າແຂວງອຸດົມໄຊ ຍັງໄດ້ເນັ້ນໜັກສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມື ລາວ-ຫວຽດນາມ(ຫວຽດນາມ-ລາວ) ທີ່ມີມູນເຊື້ອມາແຕ່ດົນນານ.


ນອກຈາກເຂົ້າການເຂົ້າຂໍ່ານັບທ່ານ ເຈົ້າແຂວງ, ທ່ານ ວູ້ດັ່ງແໝັງ ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ແຂວງຫຼວງພະບາງ ຍັງໄດ້ລົງເຮັດວຽກ ແລະ ກ່າວອໍາລາຕໍາແໜ່ງ ກັບ ສະມາຄົມຄົມຊາວຫວຽດນາມ ແລະ ບັນດາຫົວໜ່ວຍທຸລະກິດຂອງຊາວຫວຽດນາມ ຢູ່ແຂວງອຸດົມໄຊ.

ໃນວະລະທ້າຍຂອງການຢ້ຽມຢາມ ການນໍາແຂວງອຸດົມໄຊ ໄດ້ຈັດພິທີບາສີສູ່ຂັວນ ແລະ ງານລ້ຽງ ຮັບ-ສົ່ງ ຢ່າງເປັນທາງການຢູ່ທີ່ຫ້ອງອາຫານໂຮງແຮມມິດຕະພາບ ເປັນກຽດເຂົ້າຮ່ວມງານດັ່ງກ່າວໂດຍ ທ່ານ ປອ ຄໍາພັນ ເຜີຍຍະວົງ ກໍາມະການສູນກາງພັກ, ເລຂາພັກແຂວງ ເຈົ້າແຂວງອຸດົມໄຊ, ຄະນະປະຈໍາພັກແຂວງ, ບັນດາຫົວໜ້າພະແນກການອ້ອມຂ້າງແຂວງ ແລະ ແຂກເຊີນຈໍານວນໜຶ່ງທີ່ເຕັມໄປດ້ວຍບັນຍາກາດເບີກບານມ່ວນຊື່ນ ແລະ ຄວາມຜຸກພັນສະນິດແໜ້ນຖານອ້າຍນ້ອງ.