ພະແນກການຕ່າງປະເທດແຂວງອຸດົມໄຊ ເຂົ້າຮ່ວມສ້າງຂະບວນການກິລາ ບານສົ່ງ ຮ່ວມກັບບໍລິສັດຮ່ວມມືສາກົນ 705 ແລະ ກອງປະຕິບັດງານພິເສດ ທະຫານເຂດ 02

ວັນທີ 27 / 7 /2017, ເວລາ 16:30 ນາທີ ພະແນກການຕ່າງປະເທດແຂວງອຸດົມໄຊ ນໍາໂດຍ ທ່ານ ວິໄສ ອິນດາລາ ຮັກສາການຫົວໜ້າພະແນກການຕ່າງປະເທດ ພ້ອມດ້ວຍພະນັກງານຈໍານວນ 18 ທ່ານ, ຍິງ 06 ທ່ານແລະ ກອງປະຕິບັດງານພິເສດ ທະຫານເຂດ 02 ຫວຽດນາມທີ່ບ້ານບໍ່, ເມືອງໄຊແຂວງອຸດົມໄຊ ເພື່ອການສະເຫຼີມສະຫຼອງ 02 ວັນປະຫວັດສາດ ລາວ-ຫວຽດນາມ,  ເຊິ່ງຂະບວນການກິລາດັ່ງກ່າວເຕັມໄປດ້ວຍບັນຍາກາດຟົດຟື້ນ ແລະ ມ່ວນຊື່ນ.

ໃນການສ້າງຂະບວນການກິລາຄັ້ງນີ້ຍັງເປັນການເພີ່ມສາຍພົວພັນສາມັກຄີແບບພິເສດອ້າຍນ້ອງ, ການຮ່ວມມືຮອບດ້ານ ລະຫວ່າງ ພະແນກການຕ່າງປະເທດແຂວງອຸດົມໄຊ ກັບ ອ້າຍນ້ອງບໍລິສັດຮ່ວມມືສາກົນ 705 ແລະ ກອງປະຕິບັດງານພິເສດ ທະຫານເຂດ 02 ຫວຽດນາມ ນໍາອີກ.