ພະແນກການຕ່າງປະເທດ ແຂວງອຸດົມໄຊ ໄດ້ເປີດກອງປະຊຸມເພື່ອສະຫຼຸບຜົນງານດີເດັ່ນຂອງສົກປີ 2013 – 2014 ແລະ ເຜີຍແຜ່ບັນດາເອກະສານຕ່າງໆ

ເວລາ 8 ໂມງ 00 ນາທີ ຂອງວັນທີ 06 ກຸມພາ 2015 ພະແນກການຕ່າງປະເທດ ແຂວງອຸດົມໄຊ ໄດ້ເປີດກອງປະຊຸມ​ເພື່ອ​ສະຫຼຸບ​ຜົນງານ​ດີ​ເດັ່ນ​ຂອງ​ສົກ​ປີ 2013  2014 ​ແລະ ​ເຜີຍ​ແຜ່​ບັນດາ​ເອກະສານ​ຕ່າງໆ, ຢູ່​ທີ່​ຫ້ອງ​ປະຊຸມ​ຂອງ​ພະ​ແນ​ກການ​ຕ່າງປະ​ເທດ,​ໂດຍການ​ເປັນ​ປະທານຂອງ ທ່ານ ວັນນາ ແກ້ວສັນຕິ ​ເລຂາ​ໜ່ວຍ​ພັກ, ຫົວໜ້າພະແນກການຕ່າງປະເທດແຂວງອຸດົົມໄຊ,ເຊິ່ງມີບັນດາຄະນະພະແນກ ແລະ ສະມະຊິກພະນັກງານໃນພະແນກເຂົ້າຮ່ວມທັງໝົດມີ: 23 ສະຫາຍ, ຍິງ 06 ສະຫາຍ.

​ຈຸດປະສົງກອງ​ປະຊຸ​ມດັ່ງກ່າວ​ແມ່ນ​ເຜີຍ​ແຜ່​ບັນດາເອກະສານສຳ​ຄັນ​ຕ່າງໆ​ເຊັ່ນ:​ເຜີຍ​ແຜ່​ເຊື່ອມ​ຊືມ​ເອກະສານ​ນຳພາ​ແນວ​ຄິດກ່ຽວ​ກັບ​ການ​ນຳ​ໃຊ້​ສື່​ສັງຄົມ​ອອນ​ລາຍ (ອິນ​ເຕີ​ເນັດ​), ​ເຜີຍ​ແຜ່​ເອກະສານ​ປ້ອງ​ກັນ​ຄວາມ​ສະຫງົບ ​ແລະ ​ເຜີຍ​ແຜ່​ເອກະສານ​ວັນ​ສ້າງ​ຕັ້ງ​ກຳມະບານ​ລາວ​ຄົບຮອບ 59 ປີ ; ພ້ອມ​ດຽວ​ກັນ​ນັ້ນ​ໃນ​ສົກ​ປີ 2012  2013 ມີພະນັກງານລັດຖະກອນພະ​ແນ​ກການ​ຕ່າງປະ​ເທດ​ໄດ້​ຮັບ​ໃບ​ຍ້ອງຍໍ​ຜົນງານ​ທີ່​ດີ​ເດັ່ນ​ຂອງ ທ່ານ ​ເຈົ້າ​ແຂວງ ​ແຂວງ​ອຸດົມ​ໄຊ ຈຳນວນ  08 ສະຫາຍ, ຍິງ 02 ສະຫາຍ ​ແລະ ປີ 2013 – 2014 ມີ:  08 ສະຫາຍ ຍິງ 02 ສະຫາຍ ​ໄດ້​ຮັບ​ໃບ​ຍ້ອງຍໍ​ຜົນງານ​ທີ່​ດີ​ເດັ່ນ​ຂອງ ທ່ານ ​ເຈົ້າ​ແຂວງ ​ແຂວງ​ອຸດົມ​ໄຊ ​ແລະ ​ໃບ​ຍ້ອງຍໍ​ຂອງ​ພະ​ແນ​ກການ​ຕ່າງປະ​ເທດ​ໃນ​ສົກ​ປີ 2013-2014 ມີ​ຄື: ປີ 2013 ມີ: 05 ສະຫາຍ, ຍິງມີ: 03 ສະຫາຍ ປີ 2014 ມີ: 03 ສະຫາຍ ທີ່​ມີ​ຜົນງານ​ທີ່​ດີ​ເດັ່ນ.

ຕອນ​ທ້າຍ ທ່ານ ປະທານ​ກອງ​ປະຊຸມ​ຍັງ​ໄດ້​ໃຫ້ທັດສະນະ​ຕິກ​ເຕືອນ​ສຶກສາ​ອົບຮົມ​ທາງ​ແນວ​ຄິດການ​ເມືອງ ​ແລະ ຍັງ​ໃຫ້​ທິດ​ຊີ້​ນຳ​ໃນ​ການຈັດ​ຕັ້ງ​ປະຕິບັດ​ໜ້າ​ທີ່​ວຽກ​ງານ​ການ​ຕ່າງໆ ​ໂດຍທ່ານ​ໄດ້​ເໜັ້ນໜັກ​ໃຫ້​ປະຕິບັດ​ຕາມ​ແນວທາງ​ນະ​ໂຍບາຍ​ວຽກ​ງານ​ຕ່າງປະ​ເທດ​ຂອງ​ພັກ, ​ເປັນ​ເສນາ​ທິການ​ທີ່​ເຂັ້ມ​ແຂງ​ໃນ​ການ​ພົວພັນ​ກັບ​ຕ່າງປະ​ເທດ​, ສ້າງ​ບຸກຄະລາ​ກອນ​ສະມາຊິກ​ພະນັກງານ​ໃຫ້​ມີ​ຫຼັກ​ໜັ້ນທາງ​ດ້ານ​ການ​ເມືອງ, ຄວາມ​ຮູ້​ຄວາມ​ສາມາດ ​ແລະ ມີ​ທັດສະນະ​ຮູ້​ກ້ວາງ​ມອງ​ໄກ​ເພື່ອ​ຮັບປະກັນ​ໃນ​ການ​ກ້າວ​ເຂົ້າ​ສູ່​ປະຊາ​ຄົມ​ເສດຖະກິດ​ອາ​ຊຽນ​ໃນ​ທ້າຍ​ປີ 2015.

ກອງ​ປະຊຸມ​ໄດ້​ດຳ​ເນີນ​ມາ​ຮອດ​ເວລາ 12 ​ໂມງ​ປາຍ 35 ນາທີ ​ກໍ່​ໄດ້​ປິດ​ລົງ​ດ້ວຍ​ຜົນສຳ​ເລັດ​ອັນ​ຈົບງາມ.