ພິທີປະກາດການແຕ່ງຕັ້ງຮອງຫົວໜ້າພະແນກການຕ່າງປະເທດແຂວງອຸດົມໄຊ

ໃນຕອນເຊົ້າຂອງວັນທີ 18 ພະຈິກ 2016, ເວລາ 9:00 ນາທີ, ພະແນກການຕ່າງປະເທດແຂວງອຸດົມໄຊ ໄດ້ຈັດໄດ້ພິທີປະກາດ, ການແຕ່ງຕັ້ງ
ຮອງຫົວໜ້າພະແນກການຕ່າງປະເທດແຂວງ ຂື້ນທີ່ຫ້ອງປະຊຸມພະແນກການຕ່າງປະເທດແຂວງ, ໂດຍການເປັນປະທານຂອງ ທ່ານ ພົນຈັດຕະວາ ຈັນທະວອນ ໄຊຍະຜົງ ຄະນະປະຈໍາພັກແຂວງ ຫົວໜ້າກອງບັນການທະຫານແຂວງ ແລະ ບັນດາແຂກເຊີນຈາກພະແນກການອ້ອມຂ້າງແຂວງ ແລະ ພະນັກງານເຂົ້າຮ່ວມ
ທັງໝົດ 22 ຄົນ, ຍີງ 03 ຄົນ; ພິທີໄດ້ດໍາເນີນ ແລະ ຜ່ານຂໍ້ຕົກລົງຂອງທ່ານເຈົ້າວ່າດ້ວຍການແຕ່ງຕັ້ງ,

 ຮອງຫົວໜ້າພະແນກການຕ່າງປະເທດແຂວງອຸດົມໄຊ ສະບັບ ເລກທີ 859/ຈຂ.ອຊ ລົງວັນທີ 28 ຕຸລາ 2016; ແຕ່ງຕັ້ງ ທ່ານ ນ. ອໍາໄພວອນ ປັນຍາລັກ ຫົວໜ້າຫ້ອງການບໍລິຫານ ແລະ ພິທີການ ຂື້ນ ເປັນຮອງຫົວໜ້າພະແນກການຕ່າງປະເທດແຂວງອຸດົມໄຊຄົນໃໝ່ ດໍາລົງຕໍາແໜ່ງບໍລິຫານປະເພດ 4.

ເວລາດຽວກັນນັ້ນ ທ່ານ ພົນຈັດຕະວາ ຈັນທະວອນ ໄຊຍະຜົງ ຫົວໜ້າກອງບັນການທະຫານແຂວງ ກໍ່ໄດ້ມີຄໍາໂອ້ລົມ ແລະ ທິດຊີ້ນໍາຄື: ດ້ານການປະຕິບັດໜ້າທີ່ວຽກງານຕ້ອງໃຫ້ໄປຕາມລະບົບ, ຕາມການແຕ່ງຕັ້ງ ແລະ ຕາມການມອບໝາຍຈາກຂັ້ນເທີງ, ຕ້ອງເອົາໃສ່ຢ່າງຈືງຈັງໃນນາມເປັນເສນາທິການໃຫ້ການນໍາແຂວງ, ຕ້ອງປະສານງານ ແລະ ລົງໃກ້ສິດຕິດແທດຢ່າງແທ້ຈືງ,ຕ້ອງເພີ່ມທະວີຄວາມເຂັ້ມແຂງແຫ່ງຄວາມສາມັກຄີພາຍໃນໝູ່ຄະນະໃຫ້ແໜ້ນແຟ້ນຕື່ມ, ການຮັບຜິດຊອບໜ້າທີ່ການງານທີ່ໄດ້ມອບໝາຍຕາມແນວທາງນະໂຍບາຍຂອງຂັ້ນເທີງລະບຽບຂອງພັກກົດໝາຍຂອງລັດ, ແບບແຜນວິທີການເຮັດວຽກ ແລະ ເອົາໃຈໃສ່ພົວພັນການດໍາລົງຊີວິດດ້ານຕ່າງໆ.

        ຫຼັງຈາກນັ້ນທ່ານນ.ອໍາໄພວອນປັນຍາລັກຮອງຫົວໜ້າພະແນກການຕ່າງປະເທດແຂວງອຸດົມໄຊຄົນໃໝ່ກໍ່ໄດ້ຂື້ນກ່າວຮັບຕໍາແໜ່ງໄດ້ສັນຍາຕົນເອງວ່າຈະສືບຕໍ່ນໍາເອົາຄໍາໂອ້ລົມ ແລະ ທີດຊີ້ນໍາທີ່ອັນຫາປາບບໍ່ໄດ້ຈາກຄະນະປະທານພິທີທີ່ໄດ້ຮັບການມອບໝາຍຈາກຂັ້ນເທີງ, ເພື່ອນໍາມາຜັນຂະຫຍາຍ ແລະ ປະຕິບັດໃຫ້ປະກົດຜົນເປັນຈິງ, ພິທີປະກາດການແຕ່ງຕັ້ງຮອງຫົວໜ້າພະແນກການຕ່າງປະເທດແຂວງໄດ້ດໍາເນີນຮອດ ເວລາ 10:15 ນາທີ, ພິທີກ່າວປິດລົງຢ່າງມີປະສິດທິຜົນສູງ.