ພິທີ ພົບປະຢ້ຽມຢາມ ແລະ ແລກປ່ຽນຖອດຖອນບົດຮຽນວຽກ​ງານ​ຊາວ​ໜຸ່ມ ​ແລະ ວຽກ​ງານ​ການ​ຕ່າງປະ​ເທດ​ ຄະນະໜ່ວຍຊາວໜຸ່ມ ພຕທ ແຂວງຫຼວງນໍ້າທາ ກັບ ຄະນະໜ່ວຍ​ຊາວ​ໜຸ່ມ​ ພຕທ ແຂວງອຸດົມໄຊ

ເພື່ອປະຕິບັດຕາມບົດບັນທຶກການຮ່ວມມືລະຫວ່າງໜ່ວຍຊາວພະແນກການຕ່າງປະເທດອຸດົມໄຊ-ໜ່ວຍຊາວໜ່ວຍພະແນກການຕ່າງປະເທດແຂວງຫຼວງນໍ້າທາ, ໝູນວຽນຝັດປ່ຽນກັນເປັນເຈົ້າພາບຈັດກອງປະຊຸມພົບ ແລະ ແລກປ່ຽນຖອດຖອນບົດຮຽນນໍາກັນ.

 ໃນເວລາ  14:00 ນາທີ ຂອງວັນທີ 25 ພະຈິກ  2016 ຢູ່ທີ່ຫ້ອງປະຊຸມ ພຕທ ແຂວງອຸດົມໄຊ ໄດ້ມີພິທີພົບປະແລກປ່ຽນຖອດຖອນບົດຮຽນວຽກ​ງານ​ຊາວ​ໜຸ່ມ ​ແລະ ວຽກ​ງານ​ການ​ຕ່າງປະ​ເທດ ຄັ້ງທີ່ II ຂື້ນຢ່າງເປັນທາງການ,​ ເຊີ່ງໃຫ້​ກຽດ​ເຂົ້າ​​ຮ່ວມ​ໂດຍ​ ທ່ານ ວິໄສ ອິນດາລາ ຮອງຫົວໜ້າພະແນກການຕ່າງປະເທດແຂວງອຸດົມໄຊ ​ແລະ ທ່ານ ນາງ ຄໍາຫຼ້າ ລໍ​ວັນ​ຮິດ ຮອງ​ຫົວໜ້າ​ພະ​ແນ​ກການ​ຕ່າງປະ​ເທດແຂວງ​ຫຼວງ​ນ້ຳທາ ​ຝ່າຍຄະນະໜ່ວຍຊາວໜຸ່ມ ພຕທ ແຂວງອຸດົມໄຊ ນໍາໂດຍ​​​ ສະຫາຍ ບຸນມີນາ ຂັນທະຍົງທອງ ​ເລຂາ​ໜ່ວຍ​ຊາວ​ໜຸ່ມ​  ພຕທ ແຂວງອຸດົມໄຊ, ຝ່າຍຄະນະໜ່ວຍຊາວໜຸ່ມ ພຕທ ​ແຂວງ​ຫຼວງ​ນ້ຳ​ທາ ນໍາໂດຍ ສະຫາຍ ແອ໋ໃຫຍ່ ລໍຄໍາແພງ ​ເລຂາ​ໜ່ວຍ​ຊາວ​ໜຸ່ມ ພຕທ ແຂວງຫຼວງນໍ້າທາ;, ພ້ອມດ້ວຍແຂກເຊີນສອງແຂວງຄື: ແຂວງຜົ້ງສາລີ, ແຂວງຫຼວງພະບາງ ​ ແລະ ສະມາຊິກຊາວໜຸ່ມ​ທັງ​ສອງ​ຝ່າຍ​​ເຂົ້າ​ຮ່ວມທັງ​ໝົດລວມ ຈຳນວນ 26 ສະຫາຍ, ຍິງ 04 ສະຫາຍ; ທັງ​ສອງ​ຝ່າຍກໍ່​ໄດ້ແຈ້ງສະພາບການເຄື່ອນໄຫວວຽກງານຊາວໜຸ່ມ ແລະ ວຽກງານການຕ່າງປະເທດໃຫ້ກັນຊາບດ ພ້ອມທັງສະຫຼູບໝາກຜົນໃນການຮ່ວມໃນໄລຍະ 01 ປີ ທີ່ຜ່ານມາ​ ແລະ ພ້ອມກັນປະກອບຄໍາເຫັນໃສ່ບົດບັນທຶກເພື່ອໃຫ້ກາຍເປັນບົດບັນທຶກທີ່ສົມບຸນ, ໃນນັ້ນ ໜ່ວຍຊາວນໜຸ່ມ ພຕທ ແຂວງອຸດົມໄຊຍັງໄດ້ເປີດກວ້າງການເຄື່ອນໄຫວວຽກງານຊາວໜຸ່ມໄປຍັງແຂວງອ້ອມຂ້າງເພື່ອເສີມຂະຫຍາຍສາຍພົວພັນວຽກງານຊາວໜຸ່ມ, ວຽກງານຂະບວນການກໍ່ຄືວຽກງານການຕ່າງປະເທດ, ພ້ອມ​ດຽວ​ກັນ​ນັ້ນ​ກໍ່​ໄດ້​​ແລກປ່ຽນ​ບົດຮຽນ, ຂໍ້ມຸນຂ່າວສານ​ເຊີ່ງກັນ ​​ແລະ ກັນ ທາງ​ດ້ານ​ວຽກງານ​ຊາວ​ໜຸ່ມ ​ແລະ​ ດ້ານ​ວຽກ​ງານ​ການ​ຕ່າງປະ​ເທດ ຢ່າງ​ກົງ​ໄປ​ກົງ​ມາ ຫຼັງ​ຈາກ​ນັ້ນ​ກໍ່​ໄດ້​ເຊັນ​ບົດ​ບັນທຶກ​ການເຮັດວຽກພົບປະ ໄດ້ດໍາເນີນໄປຮອດ 16:00 ນາທີ ກໍ່ໄດ້ກ່າວປິດລົງຢ່າງເປັນທາງການດ້ວຍຄວາມສາມັກຄີໄມຕີຣຈິດ.

          ຫຼັງ​ຈາກ​ສຳ​ເລັດ​ພິທີການພົບປະແລກປ່ຽນຖອດຖອນບົດຮຽນ ແລະ ເຮັດ​ວຽກ​ຮ່ວມ​ກັນ​ແລ້ວ ກໍ່​ຍັງ​ມີ​ການ​ເຄືອ​ນ​ໄຫວ​​ກິລາ​ແບບມິດຕະພາບ​ຮ່ວມ​ກັນ ​ເຊັ່ນ: ກິລາ​ບານ​ເຕະ  ແລະ ກິດຈະກໍາພົບປະອື່ນໆອີກຈໍານວນໜຶ່ງ.