ໜ່ວຍຊາວໜຸ່ມພະແນກການຕ່າງປະເທດແຂວງອຸດົມໄຊ ໄດ້ນໍາເອົາອຸປະກອນການຮຽນ ແລະ ເຄື່ອງນຸ່ງຮົ່ມໄປຊ່ວຍເຫຼືອນ້ອງຊາວໜຸ່ມ-ເຍົາວະຊົນຜູ້ດ້ອຍໂອກາດ ແລະ ທຸກຍາກ

ຕອນແລງຂອງວັນທີ 24/10/2019 ທີ່ຫ້ອງປະຊຸມ 4 ອົງການຈັດຕັ້ງມະຫາຊົນ ໜ່ວຍຊາວໜຸ່ມພະແນກການຕ່າງປະເທດແຂວງອຸດົມໄຊ ໄດ້ນໍາເອົາອຸປະກອນການຮຽນ ແລະ ເຄື່ອງນຸ່ງຮົ່ມ ຈໍານວນໜື່ງ ເປັນມູນຄ່າ 1,200,000 ກີບ, ໄປມອບໃຫ້ຄະນະບໍລິຫານງານຊາວໜຸ່ມແຂວງ ເພື່ອເປັນການສ້າງຂະບວນການຂໍ່ານັບຕ້ອນຮັບກອງປະຊຸມໃຫຍ່ ຜູ້ແທນຊາວ ໜຸ່ມທົ່ວແຂວງອຸດົມໄຊ ຄັ້ງທີ VIII ແລະ ເປັນການປະຕິບັດກິດຈະກໍາປົກກະຕິຄື: (ກິດຈະກໍາຊ່ວຍເຫຼືອນ້ອງຊາວໜຸ່ມ-ເຍົາວະຊົນຜູ້ດ້ອຍໂອກາດ ແລະ ທຸກຍາກ) ເປັນກຽດຕາງໜ້ານໍາໂດຍ: ສະຫາຍ ບຸນມີນາ ຂັນທະຍົງທອງ ເລຂາໜ່ວຍຊາວ ພ້ອມດ້ວຍສະມາຊິກ ຮັບໂດຍ: ສະຫາຍ ຄໍາແບ່ງ ຈັນມະນີ ຮອງເລຂາບໍລິຫານງານຊາວນຸ່ມແຂວງ ມີສໍາມະຊິກເຂົ້າຮ່ວມທັງໝົດ 15 ສະຫາຍ ຍິງ 5 ສະຫາຍ.

 

ພິທີດັ່ງກ່າວ, ສະຫາຍ ຄໍາແບ່ງ ຈັນມະນີ ຮອງເລຂາຄະນະບໍລິຫານງານຊາວໜຸ່ມແຂວງອຸດົມໄຊ ກໍ່ໄດ້ກ່າວຍ້ອງຍໍຊົມເຊີຍຕໍ່ໜ່ວຍຊາວໜຸ່ມພະແນກການຕ່າງປະເທດອຸດົມໄຊ ທີ່ໄດ້ມີນໍ້າຈິດ, ນໍ້າໃຈຈາກການປຸກລະດົມພາຍໃນໜ່ວຍຊາວໜຸ່ມພະແນກການຕ່າງປະເທດ, ນອກຈາກນັ້ນ ສະຫາຍຍັງໄດ້ໂອ້ລົມເພື່ອປະຕິບັດກິດຈະກໍາສ້າງຂະບວນການປົກກະຕິ ແລະ ໃຫ້ສືບຕໍ່ປຸກລະດົມໃນການຊ່ວຍເຫຼືອຕື່ມ.