Category Archives: ກອງປະຊຸມ

ຄະນະໜ່ວຍຊາວໜຸ່ມ ພະແນກການຕ່າງປະເທດ ແຂວງອຸດົມໄຊ ໄດ້ເຂົ້າຮ່ວມພິທີພົບປະແລກປ່ຽນຖອດຖອນບົດຮຽນຄະນະຊາວໜຸ່ມແຮກສ່ຽວ 03 ພະແນກການ

ຕອນແລງຂອງວັນທີ 15 ກັນຍາ 2015 ຄະນະໜ່ວຍຊາວໜຸ່ມ ພະແນກການຕ່າງປະເທດ ແຂວງອຸດົມໄຊ ໄດ້ເຂົ້າຮ່ວມພິທີພົບປະແລກປ່ຽນຖອດຖອນບົດຮຽນຄະນະຊາວໜຸ່ມແຮກສ່ຽວ 03 ພະແນກການ

ພະແນກການຕ່າງປະເທດ ແຂວງອຸດົມໄຊ ໄດ້ເປີດກອງປະຊຸມເຜີຍແຜ່ບັນດາເອກະສານສຳຄັນຂອງພັກ ແລະ ລະບຽບກົດໝາຍຂອງສະຫະພັນກຳມະບານ

ໃນຕອນແລງເວລາ 1:10 ນາທີຂອງວັນທີ 26 ກຸມພາ 2015 ທີ່ຫ້ອງປະຊຸມຂອງພະແນກການຕ່າງປະເທດແຂວງອຸດົມໄຊ ໄດ້ເປີດກອງປະຊຸມເຜີຍແຜ່ເອກະສານສຳຄັນຂອງພັກ ແລະ  ລະບຽບກົດໝາຍຂອງສະຫະພັນກຳມະບານ

 ໂດຍການເປັນປະທານຂອງ ທ່ານ ວັນນາ ແກ້ວສັນຕິ, ເລຂາໜ່ວຍພັກ ຫົວໜ້າພະແນກການຕ່າງປະເທດແຂວງອຸດົມໄຊ ພ້ອມດ້ວຍຄະນະພະແນກ ແລະ ທ່ານ ບຸນແກ້ວ ສຸລິວົງ ຫົວໜ້າໂຄສະນາອົບຮົມສື່ມວນຊົນ ຂອງສະຫະພັນກຳມະບານແຂວງອຸດົມໄຊ ພ້ອມຄະນະທີມງານຂອງສະຫະພັນກຳມະບານແຂວງ. ພະນັກງານ-ລັດຖະກອນ ສັນຍາແຮງງານ, ພະນັກງານອາສາສະໝັກ ແລະ ພະນັກງານຝຶກງານເຂົ້າຮ່ວມທັງໝົດ 21 ສະຫາຍ, ຍິງ06 ສະຫາຍ, ກອງປະຊຸມໄດ້ດຳເນີນເປັນເວລາ 01​ ຕອນ.

vຈຸດປະສົງ:
ກອງປະຊຸມເຜີຍແຜ່ບັນດາເອກະສານທີ່ສຳຄັນຂອງພັກຄັ້ງນີ້ໄດ້ແບ່ງເປັນສອງຂັ້ນຕອນ.

  1. ຄະນະໜ່ວຍພັກ, ຄະນະພະແນກການຕ່າງປະເທດ ໄດ້ພ້ອມກັນເຜີຍແຜ່ເຊື່ອມຊືມເອກະສານສຳຄັນ

  ຕ່າງໆຂອງພັກ-ລັດມີຄື:

     ເອກະສານໂຄສະນາ-ປາຖະກະຖາການກຳເນີດເກີດຂື້ນ ແລະ ການເຕີບໃຫ່ຍຂະຫຍາຍຕົວຂອງອົງຄະ

   ນະພັກແຂວງອຸດົມໄຊ (ໃນເນື່ອງໃນໂອກາດວັນສ້າງຕັ້ງພັກ ຄົບຮອບ 60 ປີ).

ເຜີຍແຜ່ເອກະສານວັນສ້າງຕັ້ງພັກ ຄົບຮອບ 60 ປີ ( 22/ມີນາ/1955-22/ມີນາ/2015 )

2. ທ່ານ ບຸນແກ້ວ ສຸລິວົງ  ຫົວໜ້າຂະແໜງໂຄສະນະອົບຮົມສື່ມວນຊົນ ຂອງສະຫະພັນກຳມະບານແຂວງ.

     ເຜີຍແຜ່ເອກະສານ ກົດໝາຍວ່າດ້ວຍກຳມະບານ, ກົດລະບຽບຂອງສະມາຊິກກຳມະບານ ແລະ ຮູບການເຄື່ອນໄຫວຂອງສະຫະພັນກຳມະບານ.

ງານພົບປະມິດຕະພາບຊາວໜຸ່ມ ODX-LNT

ຊາວ​ໜຸ່ມ​ພະ​ແນ​ກການ​ຕ່າງປະ​ເທດ ​ແຂວງ​ຫຼວງ​ນ້ຳ​ທາ ມາ​ຢ້ຽມຢາມ ​ມິດຕະພາບ​ ກັບ​ ຊາວ​ໜຸ່ມ ພະ​ແນ​ກການ​ຕ່າງປະ​ເທດ​ແຂວງ​ອຸດົມ​ໄຊ ວັນ​ທີ 30 – 31 ພຶດສະພາ 2014

ຕອນ​ແລງ​ຂ​ອງວັນ​ທີ 30 ພຶດສະພາ 2014 ຄະນະ​ທີ​ມງານ​ຊາວ​ໜຸ່ມ​ພະ​ແນ​ກການ​ຕ່າງປະ​ເທດ​ ​ແຂວງ​ຫຼວງ​ນ້ຳ​ທາ ນຳ​ໂດຍ​ ທ່ານ ​ສີພອນ ກອງຈໍາປາ ພ້ອມດ້ວຍຄະນະ ໄດ້ມາຢ້ຽມຢາມມິດຕະພາບກັບຊາວໜຸ່ມພະແນກການຕ່າງປະເທດ​ ​ແຂວງອຸດົມໄຊພິທີຕ້ອນຮັບຢູ່ທີ່ພະແນກການຕ່າງປະເທດ​ ​ແຂວງອຸດົມໄຊນຳໂດຍ​ ທ່ານວັນນາ ​ແກ້ວສັນຕິ ພ້ອມດ້ວຍຄະນະ.

ພະແນກການຕ່າງປະເທດ ແຂວງອຸດົມໄຊ ໄດ້ເປີດກອງປະຊຸມເພື່ອສະຫຼຸບຜົນງານດີເດັ່ນຂອງສົກປີ 2013 – 2014 ແລະ ເຜີຍແຜ່ບັນດາເອກະສານຕ່າງໆ

ເວລາ 8 ໂມງ 00 ນາທີ ຂອງວັນທີ 06 ກຸມພາ 2015 ພະແນກການຕ່າງປະເທດ ແຂວງອຸດົມໄຊ ໄດ້ເປີດກອງປະຊຸມ​ເພື່ອ​ສະຫຼຸບ​ຜົນງານ​ດີ​ເດັ່ນ​ຂອງ​ສົກ​ປີ 2013  2014 ​ແລະ ​ເຜີຍ​ແຜ່​ບັນດາ​ເອກະສານ​ຕ່າງໆ, ຢູ່​ທີ່​ຫ້ອງ​ປະຊຸມ​ຂອງ​ພະ​ແນ​ກການ​ຕ່າງປະ​ເທດ,​ໂດຍການ​ເປັນ​ປະທານຂອງ ທ່ານ ວັນນາ ແກ້ວສັນຕິ ​ເລຂາ​ໜ່ວຍ​ພັກ, ຫົວໜ້າພະແນກການຕ່າງປະເທດແຂວງອຸດົົມໄຊ,ເຊິ່ງມີບັນດາຄະນະພະແນກ ແລະ ສະມະຊິກພະນັກງານໃນພະແນກເຂົ້າຮ່ວມທັງໝົດມີ: 23 ສະຫາຍ, ຍິງ 06 ສະຫາຍ.