Category Archives: ການເຄື່ອນໄຫວວຽກງານກັບຕ່າງປະເທດ

ການລາດຕະເວນຊາຍແດນຮ່ວມ ລາວ-ຈີນ ຄັ້ງທີ່ II

ການລາດຕະເວນຊາຍແດນຮ່ວມ ລາວ-ຈີນ ຄັ້ງທີ່ II ໄດ້ຈັດຂື້ນໃນລະຫວ່າງວັນທີ 13-14 ພະຈິກ 2019 ທີ່ ເມືອງລ້າ, ກິ່ງແຂວງ ສິບສອງພັນນາ ສປ ຈີນ ເຊິ່ງມີພາກສ່ວນຕ່າງໆເຂົ້າຮ່ວມຄື: ພຕທ ແຂວງອຸດົມໄຊ, ພຕທ ຫລວງນ້ຳທາ ແລະ ພຕທ ຜົ້ງສາລີ. ໃນນີ້, ພຕທ ແຂວງບໍ່ແກ້ວ ໄດ້ເຂົ້າຮວ່ມໃນຖານະຜູ້ສັງເກດການ. ຝ່າຍຈີນປະກອບມີ: ຫ້ອງການພົວພັນຕ່າງປະເທດ ແຂວງ ຢຸນນານ, ຫ້ອງການພົວພັນຕ່າງປະເທດ ກິ່ງແຂວງ ສິບສອງພັນນາ ແລະ ພາກສ່ວນທີ່ກ່ຽວຂ້ອງຈຳນວນຫນື່ງ.

ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ແຂວງຫຼວງພະບາງ ມາຢ້ຽໃຢາມ ແລະ ເຮັດວຽກຢູ່ແຂວງອຸດົມໄຊ

ລະຫວ່າງ ວັນທີ 09-12/11/2019 ທ່ານ ວູ້ດັ່ງແໝັງ ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ແຂວງຫຼວງພະບາງ ພ້ອມດ້ວຍພັນລະຍາ, ໄດ້ເດີນທາງມາຢ້ຽມຢາມ ແລະ ອໍາລາຕໍາແໜ່ງ ການນໍາແຂວງອຸດົມໄຊ

ຕອນແລງຂອງວັນທີ 09/11/2019 ທີ່ຜ່ານມາ ທ່ານ ວູ້ດັ່ງແໝັງ ກົງສູນໃຫຍ່ ແຫ່ງ ສສ ຫວຽດນາມ ປະຈໍາພາກເໜືອລາວ ທີ່ແຂວງຫຼວງພະບາງ ພ້ອມດ້ວຍພັນລະຍາ ແລະ ທີມງານ 04 ທ່ານ, ໄດ້ເດີນທາງມາຢ້ຽມຢາມ ແລະ ຂໍ່ານັບ ການນໍາແຂວງອຸດົມໄຊ ພິທີຕ້ອນຮັບຢ່າງເປັນທາງການ ທີ່ໂຮງແຮມມິດຕະພາບ ໃຫ້ກຽດຕ້ອນຮັບໂດຍ ທ່ານ ບຸນທັນ ສຸລິຍະວົງ ກໍາມະການພັກແຂວງ, ຫົວໜ້າພະແນກການຕ່າງປະເທດແຂວງອຸດົມໄຊ ພ້ອມດ້ວຍທີມງານ 10 ທ່ານ, ດ້ວຍຄວາມອົບອຸ່ນ.

ຄະນະຜູ້ແທນ ສປ ຈີນ ນໍາໂດຍ: ທ່ານ ຈຽງ ຈ້າຍຕົ່ງ ເອກອັກຄະລັດຖະທູດ ແຫ່ງ ສປ ຈີນ ປະຈຳ ສປປ ລາວ

ໃນລະຫວ່າງວັນທີ 29-30 ກັນຍາ – 1 ຕຸລາ 2019 ຄະນະຜູ້ແທນ ສປ ຈີນ ນໍາໂດຍ: ທ່ານ ຈຽງ ຈ້າຍຕົ່ງ ເອກອັກຄະລັດຖະທູດ ແຫ່ງ ສປ ຈີນ ປະຈໍາ ສປປ ລາວ ພ້ອມດ້ວຍຄະນະ 8 ທ່ານ ຍິງ 2 ທ່ານ ແລະ ທ່ານ ຫຼີ ຈື້ກົງ ສະຖານກົງສູນໃຫຍ່ ສປ ຈີນ ປະຈໍາແຂວງຫຼວງພະບາງ ພ້ອມດ້ວຍຄະນະ 7 ທ່ານ; ຍິງ 5 ທ່ານ  ມາຢ້ຽມຂໍ່ານັບການນໍາແຂວງ ແລະ ວາງພວງມາລາ ຢູ່ທີ່ສຸສານນັກຮົບຈີນ, ບ້ານທ້ຽວ, ເມືອງໄຊ ແລະ ເມືອງນາໝໍ້ ແຂວງອຸດົມໄຊ.

ຄະນະຜູ້ແທນຂັ້ນສູງແຂວງອຸດົມໄຊ ເດີນທາງເຂົ້າຮ່ວມງານມະຫາກໍາໂຍນໝາກຄອນ 03 ປະເທດ ຄັ້ງທີ 5 ທີ່ ເມືອງຈຽງເຊີນ ແຂວງຢຸນນານ ນະຄອນຟູເອີ ແຫ່ງ ສປ ຈີນ ລະຫວ່າງ ວັນທີ 29 ທັນວາ 2017 – ວັນທີ 02 ມັງກອນ 2018

        ຄະນະຜູ້ແທນຂັ້ນສູງແຂວງອຸດົມໄຊ ນໍາໂດຍ ທ່ານ ໂອວາດ ຈັນທະວົງ ຄະນະປະຈໍາພັກແຂວງ ປະທານແນວລາວສ້າງຊາດ ປະຈໍາແຂວງອຸດົມໄຊ ພ້ອມດ້ວຍຄະນະ ຈຳນວນ 08 ທາ່ນ, ເດີນທາງເຂົ້າຮ່ວມງານມະຫາກໍາໂຍນໝາກຄອນ 03 ປະເທດ ຄື:  ສປ ຈີນ – ສປປ ລາວ  ແລະ ສສ ຫວຽດນາມ ຄັ້ງທີ 5, ທີ່ ເມືອງຈຽງເຊີນ ແຂວງຢຸນນານ ນະຄອນຟູເອີ ແຫ່ງ ສປ ຈີນ, ໃຫ້ກຽດມາຕ້ອນຮັບໂດຍທ່ານ ຮອງເຈົ້າເມືອງ ເມືອງຈຽງເຊີນ ແລະ ພິທີຕ້ອນຮັບຢ່າງເປັນທາງການທີ່ ໂຮງແຮມສາກົນທຽນຮາວ ເມືອງຈຽງເຊີນ ນໍາໂດຍ ທ່ານ ສີວມິງ ເລຂາພັກເມືອງຈຽນເຊີນ ພ້ອມດ້ວຍຄະນະທີມງານຫ້ອງການປົກຄອງເມືອງ ແລະ ຫົວໜ້າການພົວພັນຕ່າງປະເທດປະຈໍາເມືອງ, ໃນເມື່ອກ່ອນພົວພັນ, ພົບປະຖອດຖອນບົດຮຽນກັບບັນດາແຂວງ, ເມືອງທີ່ມີຊາຍແດນຕິດຈອດ ແລະ ເມືອງທີ່ໄກ້ຄຽງກັບ ສປ ຈີນ ແລະ ສປປ ລາວ ເວົ້າລວມ, ເວົ້າສະເພາະ ແຂວງອຸດົມໄຊ     ແຫ່ງ

ຄະນະຜູ້ແທນຂັ້ນສູງແຂວງນາມດີ້ງ ແຫ່ງ ສສ ຫວຽດນາມ ມາຢ້ຽມຢາມ ແລະ ເຮັດວຽກນໍາການນໍາແຂວງອຸດົມໄຊ

ເວລາ 18:30 ນາທີ ຂອງວັນທີ 2 ສິງຫາ 2017, ຄະນະຜູ້ແທນຂັ້ນສູງແຂວງນາມດີ້ງ ແຫ່ງ ສສ ຫວຽດນາມ ນໍາໂດຍ ສະຫາຍ ຟ້າມດິງຫງິ, ຮອງເລຂາພັກແຂວງ, ເຈົ້າແຂວງ, ແຂວງນາມດິ້ງ ພ້ອມດ້ວຍຄະນະ 11 ສະຫາຍ, ຍິງ 0 ສະຫາຍ; ໄດ້ມາຢ້ຽມຢາມ ແລະ ເຮັດວຽກຢູ່ແຂວງອຸດົມໄຊ ພິທີຕ້ອນຮັບຢ່າງເປັນທາງການທີ່ໂຮງແຮມມິດຕະພາບແຂວງອຸດົມໄຊ ນໍາໂດຍ ສະຫາຍ ບຸນລອດ ອ່ອນພະຈັນ, ຮອງເລຂາພັກແຂວງ, ປະທານສະພາປະຊາຊົນແຂວງອຸດົມໄຊ ພ້ອມດ້ວຍການນໍາແຂວງ ແລະ ພະນັກງານລັດຖະກອນອ້ອມຂ້າງແຂວງເຂົ້າຮ່ວມ ທັງໝົດ 25 ສະຫາຍ, ຍີງ 06 ສະຫາຍ ເຕັມໄປດ້ວຍບັນຍາກາດອົບອຸ່ນ.

ບົດບັນທຶກຊ່ວຍຈຳ ລະຫວ່າງ ຄະນະວິຊາການ ແຂວງອຸດົມໄຊ (ແຫ່ງ ສປປ ລາວ) ກັບ ຄະນະວິຊາການ ແຂວງດຽນບຽນ (ແຫ່ງ ສສ ຫວຽດນາມ)

ໂດຍປະຕິບັດຕາມບົດບັນທຶກຊ່ວຍຈຳ ລະຫວ່າງ ຄະນະຜູ້ແທນພັກ, ອຳນາດການປົກຄອງແຂວງອຸດົມໄຊ (ຄະນະແຂວງອຸດົມໄຊ)ແຫ່ງ ສປປ ລາວ ແລະຄະນະຜູ້ແທນພັກ, ອຳນາດການປົກຄອງແຂວງດຽນບຽນ (ຄະນະແຂວງດຽນບຽນ) ແຫ່ງ ສສ ຫວຽດນາມ (ຂຽນຫຍໍ້

ທ່ານ ມີຄາອິນ ບາລານົບ ເອອັກຄະລັດຖະທູດຜູ້ມີອໍານາດເຕັມ ແຫ່ງສະຫະພັນລັດເຊຍ ປະຈຳລາວ ເຂົ້າພົບທ່ານ ເພັດສາຄອນ ຫຼວງອາໄພ ເລຂາພັກແຂວງ, ເຈົ້າແຂວງອຸດົມໄຊ

ຕອນເຊົ້າ ວັນທີ 16 ພະຈິກ 2016 ທ່ານ ມີຄາອິນ ບາລານົບ ເອອັກຄະລັດຖະທູດຜູ້ມີອໍານາດເຕັມ ແຫ່ງ ສະຫະພັນລັດເຊຍ ປະຈຳລາວ ເຂົ້າພົບທ່ານ ເພັດສາຄອນ ຫຼວງອາໄພ ເລຂາພັກແຂວງ, ເຈົ້າແຂວງອຸດົມໄຊ ການຢຽມຢາມແຂວງອຸດົມໄຊໃນຄັ້ງນີ້ຂອງທ່ານ ທ່ານ ມິຄາອິນ ບາລານົບ ແມ່ນເພື່ອສົ່ງເສີມຄວາມສຳພັນມິດຕະພາບລະຫວ່າງ ລາວ – ລັດເຊຍ ໃນຍຸກໃໝ່ ໃຫ້ເຕີບໃຫຍ່ຂະຫຍາຍຕົວ ແລະ ການຮ່ວມມືທາງດ້ານເສດຖະກິດ, ການລົງທືນ, ການສຶກສາລະຫວ່າງສອງປະເທດໂດຍທາງລັດເຊຍຈະຮັບເອົານັກສຶກສາລາວໄປຮຽນຢູ່ລັດເຊຍ, ການເປີດສາຍການບິນກົງລະຫວ່າງລາວ-ລັດເຊຍ, ລັດ-ເຊຍລາວ ແລະ ຍັງມີນະໂຍບາຍວີຊາດ້ວຍກັນເພື່ອໃຫ້ປະຊາຊົນທັງສອງຊາດໄປມາຢຽມຢາມກັນ ແລະ ດົນເຖີງ 30 ວັນໂດຍບໍ່ມີວີຊາ ນອກນີ້

ຄະນະຜູ້ແທນຂັ້ນສູງແຂວງອຸດົມໄຊໄປຢ້ຽມຢາມ ແລະ ເຮັດວຽກຢຸ່ບັນດາແຂວງພາກເໜືອຂອງ ສສ ຫວຽດນາມ

ໃນໂອກາດເດີນທາງໄປຢ້ຽມຢາມ ແລະ ເຮັດວຽກຢຸ່ບັນດາແຂວງພາກເໜືອຂອງ ສສ ຫວຽດນາມ ມາໃນລະຫວ່າງ ວັນທີ 7-8 ພະຈິກ ນີ້ ຄະນະຜູ້ແທນຂັ້ນສູງແຂວງອຸດົມໄຊ ສປປ ລາວ ເຊິ່ງນຳໂດຍ ທ່ານ ເພັດສາຄອນ ຫລວງອາໄພ ກຳມະການສູນກາງພັກເລຂາພັກແຂວງ, ເຈົ້າແຂວງອຸດົມໄຊ ພ້ອມຄະນະພັກອົກການປົກຄອງແຂວງກໍໄດ້ໄປຢ້ຽມຢາມມິດຕະພາບກັບຄະນະຜູ້ແທນຂັ້ນສູງແຂວງເຊີນລາ ແຫ່ງ ສສ ຫວຽດນາມ ໂອກາດດັ່ງກ່າວກໍໄດ້ຮັບການຕ້ອນຮັບຢ່າງອົບອຸ່ນຈາກທ່ານ ຮ່ວງວັນເຈິດ ເລຂາພັກແຂວງ ປະທານສະພາປະຊາຊົນແຂວງເຊີນລາ ພ້ອມດ້ວຍການນຳ ພັກ-ລັດ ແຂວງເຊີນລາ,ໃນການຢ້ຽມຢາມຂອງຄະນະຜູ້ແທນຂັ້ນສູງແຂວງອຸດົມໄຊ ກ່ອນອື່ນຄະນະຜູ້ແທນກໍໄດ້ລົງເບິ່ງພື້ນຖານ ການຜະລິດພາຍໃນແຂວງເຊີນລາວ ເປັນຕົ້ນແມ່ນ ເບິ່ງການລ້ຽງງົວນົມ ແລະໂຮງງານປຸງແຕ່ງນົມງົວຢ້ຽມຢາມເຂື່ອນໄຟຟ້ານ້ຳລາ ຫລັງຈາກນັ້ນ ຄະນະຜູ້ແທນຂັ້ນສູງແຂວງອຸດົມໄຊ ແຫ່ງ ສສ ຫວຽດນາມກໍໄດ້ເຂົ້າພົບປະກັບຄະນະຜູ້ແທນຂັ້ນສູງແຂວງເຊີນລາຢູ່ທີຫ້ອງປະຊຸມຂອງ
ແຂວງເຊີນລາ. 

ຄະນະຜູ້ແທນຂັ້ນສູງ ແຂວງເຊີນລາ ແຫ່ງ ສສ ຫວຽດນາມ ມາຢ້ຽມຢາມ ແລະ ເຮັດວຽກກັບ ຄະນະຜູ້ແທນຂັ້ນສູງ ແຂວງອຸດົມໄຊ ລະຫວ່າງວັນທີ 20 – 22 ກໍລະກົດ 2016

ຕອນເຊົ້າເວລາ 9:30 ນາທີ ຂອງວັນທີ 20 ກໍລະກົດ 2016 ຄະນະຮັບຕ້ອນແຂກ ນໍາໂດຍ ສະຫາຍ ສົມຈິດ ປັນຍາສັກ ຄະນະປະຈໍາພັກແຂວງ ຮອງເຈົ້າແຂວງ, ຫົວໜ້າພະແນກການເງິນ ແຂວງອຸດົມໄຊ ເປັນຫົວໜ້າຄະນະ ພ້ອມດ້ວຍຄະນະລວມ 12 ສະຫາຍ, ໄດ້ອອກເດີນທາງໄປຕ້ອນຮັບຄະນະຜູ້ແທນຂັ້ນສູງແຂວງເຊີນລາ ນຳໂດຍສະຫາຍ ຮວ່າງວັນເຈິດ ເລຂາພັກແຂວງ, ປະທານສະພາປະຊາຊົນແຂວງເຊີນລາ ພ້ອມດ້ວຍຄະນະ ລວມ 43 ສະຫາຍ, ຍິງ 06 ສະຫາຍ ຢູ່ທີ່ຂົວນໍ້າແພງ ( ຊາຍແດນອຸດົມໄຊ-ຫຼວງນໍ້າທາ )ແລະ ພິທີການຕ້ອນຮັບຢ່າງເປັນທາງທີ່ໂຮງແຮມມິດຕະພາບ ນໍາໂດຍສະຫາຍ ຄໍາພຽງ ຢາຈົງວາ ຮອງເລຂາພັກແຂວງ, ຮອງເຈົ້າແຂວງ,  ພ້ອມດ້ວຍພາກສ່ວນທີ່ກ່ຽວຂ້ອງອ້ອມຂ້າງແຂວງເຂົ້າຮ່ວມຕ້ອນຮັບດ້ວຍບັນຍາກາດເຕັມໄປດ້ວຍຄວາມສາມັກຄີມິດຕະພາບແບບພິເສດອັນອົບອຸ່ນ.

 ເວລາ 08:00 ນາທີ ຂອງວັນທີ  21  ກໍລະກົດ 2016 ຄະນະຜູ້ແທນຂັ້ນສູງທັງສອງຝ່າຍເຂົ້າຮ່ວມພິທີພົບປະ ແລະ ເຮັດວຽກທີ່ຫ້ອງປະຊຸມຊັ້ນ 3 ຫ້ອງວ່າການປົກຄອງແຂວງ, ຄະນະຜູ້ແທນຂັ້ນສູງ ແຂວງອຸດົມໄຊ ນໍາໂດຍສະຫາຍ ຄໍາພຽງ ຢາຈົງວາ ຮອງເລຂາພັກແຂວງ ຮອງເຈົ້າແຂວງ, ແຂວງອຸດົມໄຊ ພ້ອມດ້ວຍຄະນະລວມ 27 ສະຫາຍ, ຍິງ 02 ສະຫາຍ; ຄະນະຜູ້ແທນຂັ້ນສູງ ແຂວງເຊີນລາ ນຳໂດຍສະຫາຍ ຮວ່າງວັນເຈິດ ເລຂາພັກແຂວງ ປະທານສະພາປະຊາຊົນແຂວງເຊີນລາ ພ້ອມດ້ວຍຄະນະລວມ 29 ສະຫາຍ, ຍິງ 06, ສະຫາຍ, ມີບັນດາການຳຂອງທັງສອງຝ່າຍເຂົ້າຮ່ວມຢາງພ້ອມພຽງ.

ພິທີພົບປະລະຫວ່າງຄະນະຜູ້ແທນຂັ້ນສູງແຂວງອຸດົມໄຊ ແຫ່ງ ສປປ ລາວ ກັບຄະນະຜູ້ແທນຂັ້ນສູງແຂວງເຊິນລາ ແຫ່ງ ສສ ຫວຽດນາມ ເນື້ອໃນການພົບປະຄະນະຜູ້ທັງສອງຝ່າຍໄດ້ຜັດປ່ຽນກັນແຈ້ງສະພາບ, ຈຸດພິເສດຂອງແຂວງ ແລະ ການພັດທະນາເສດຖະກິດ – ສັງຄົມ, ວຽກງານ ປກຊ – ປກສ, ວຽກງານຊີ້ນໍາ-ນໍາພາທັງສອງແຂວງໃຫ້ ກັນ ແລະ ກັນ ຮັບຊາບ, ພ້ອມກັນສະຫຼຸບຕີລາຄາສະພາບການຮ່ວມມືໃນຊຸມປີຜ່ານມາປຶກສາຫາລືທິດທາງການຮ່ວມມືໃນຕໍ່ໜ້າ ແລະ ພ້ອມກັນປະຕິບັດຕາມບົດບັນທຶກຊ່ວຍຈໍາລະ ຫວ່າງ ແຂວງອຸດົມໄຊ – ແຂວງເຊີນລາໃຫ້ປະກົດຜົນເປັນຈິງ ແລະ ຈະເລີນງອກງາມຕະຫຼອດໄປ; ກອງປະຊຸມໄດ້ດໍາເນີນໄປເປັນເວລາ 01 ຕອນ.

ຕອນທ່ຽງຄະນະຮັບຜິດຊອບໄດ້ນໍາພາແຂກໄປທ່ຽວຊົມສະຖານທີແຫຼ່ງທ່ອງທ່ຽວຕາດນໍ້າກັດ ແລະ ຮັບປະທານອາຫານທ່ຽງທີ່ນັ້ນ.

ເວລາ 14:00 ນາທີ ຄະນະຜູ້ແທນຂັ້ນສູງທັງສອງຝ່າຍໄດ້ເຂົ້າຮ່ວມພິທີວາງສີລາລຶກໂຄງການກໍ່ສ້າງໂຮງຮຽນ ແລະ ຫ້ອງການຂອງສະມາຄົມຊາວຫວຽດນາມປະຈໍາແຂວງອຸດົມໄຊ, ມີ: ອາຄານຮຽນ 02 ຊັ້ນ, 16 ຫ້ອງຮຽນ, ແລະ ຫ້ອງການ, ຫ້ອງປະຊຸມ, ສະໂມສອນ 02 ຊັ້ນ, ຮົ້ວກໍ່າແພງ, ຫ້ອງນໍ້າ, ລວມເປັນມູນຄ່າກໍ່ສ້າງທັງໝົດ 9.475.106.000 ກີບ; ໂຄງການໄດ້ເລີ່ມ 12 ກໍລະກົດ 2016 ໂດຍກໍານົດເວລາການກໍ່ສ້າງ 03 ປີ.

ເວລາ 8:00 ນາທີ ຂອງວັນທີ 22 ກໍລະກົດ 2016 ພິທີສົ່ງຄະນະຜູ້ແທນຂັ້ນສູງຢ່າງເປັນທາງການຢູ່ທີ່ໂຮງແຮມມິດຕະພາບ ນໍາໂດຍສະຫາຍ ຄໍາພຽງ ຢາຈົງວາ ຮອງເລຂາພັກແຂວງ, ຮອງເຈົ້າແຂວງ, ແຂວງອຸດົມໄຊ ພ້ອມດ້ວຍ ພາກສ່ວນທີ່ກ່ຽຂ້ອງອ້ອມຂ້າງແຂວງ ສົ່ງຄະນະເດີນທາງໄປຢ້ຽມຢາມ ແລະ ເຮັດວຽກຢູ່ແຂວງຜົ້ງສາລີດ້ວຍຄວາມສະຫວັດດີພາບ.

ການຕ້ອນຮັບແຂກຄະນະຜູ້ແທນຈາກ ແຂວງພະເຍົາ ແຫ່ງ ຣາຊະອານາຈັກໄທ ທີ່ມາຢ້ຽມຢາມ ແລະ ເຮັດວຽກຢູ່ແຂວງອຸດົມໄຊ.

ຕອນແລງ, ເວລາ 2:00 ນາທີ ຄະນະຕ້ອນຮັບແຂກ ນໍາໂດຍ ທ່ານ ວິໄສ ອິນດາລາ ຮອງຫົວໜ້າພະແນກການຕ່າງປະເທດ ແຂວງອຸດົມໄຊ ພ້ອມດ້ວຍທີມງານອອກເດີນທາງຕ້ອນຮັບຄະນະຜູ້ແທນຈາກ ແຂວງພະເຍົາ ແຫ່ງ ຣາຊະອານາຈັກໄທ ນໍາໂດຍ ສະຫາຍ ນິມີດ ວັນໄຊຖະນະວົງ ຮອງເຈົ້າແຂວງ, ແຂວງພະເຍົາ ພ້ອມດ້ວຍທີມງານ 08 ທ່ານ, ຍິງ 05 ທ່ານ ຢູ່ທີ່ສີ່ແຍກຫ້ວຍຂຸມ.

       ເວລາ 2: 15 ນາທີ, ພິທີການຕ້ອນຮັບຢ່າງເປັນທາງການ ທີ່ໂຮງແຮມງາມລາວ ນໍາໂດຍ ສະຫາຍ ສົມຈິດ ປັນຍາສັກ ຄະນະປະຈໍາພັກແຂວງ ຫົວໜ້າພະແນກການເງິນແຂວງ ພ້ອມດ້ວຍພະແນກການທີ່ກ່ຽວຂ້ອງ 10 ທ່ານ ເຂົ້າຮ່ວມຕ້ອນຮັບບັນຍາກາດເຕັມໄປດ້ວຍຄວາມອົບອຸ່ນ.

          ເວລາ3:00 ນາທີ ຄະນະຜູ້ແທນທັງສອງຝ່າຍ ອຸດົມໄຊ – ພະເຍົາ ໄດ້ເຂົ້າຮ່ວມພິທີພົບປະ ແລະ ເຮັດວຽກທີ່ຫ້ອງປະຊຸມ ພະແນກການຕ່າງປະເທດ ແຂວງອຸດົມໄຊມີຈຳນວນຜູ້ເຂົ້າຮ່ວມທັງໝົດ 18 ທ່ານ ; ຍິງ 06 ທ່ານ ( ສ່ວນຫຼາຍຈະເປັນຝ່າຍລັດຖະບານ ).

ເນື້ອໃນການພົບປະແລກປ່ຽນປືກສາຫາລືຂອງຄະນະຜູ້ແທນທັງສອງຝ່າຍເຊັ່ນ: ແລກປ່ຽນຂໍ້ມູນຂ່າວສານກ່ຽວກັບການພັດທະນາທາງດ້ານເສດຖະກິດ, ວັດທະນາທໍາ  ແລະ ສັງຄົມປຶກສາຫາລືກ່ຽວກັບການຮ່ວມມືທາງດ້ານວິຊາການກໍ່ຄືການພັດທະນາບຸກຄະລາກອນ ແລະ ຍົກສູງຄຸນນະພາບທາງດ້ານສີມືແຮງງານ, ດ້ານກະສິກໍາ ແລະ ການພະລິດເປັນສິນຄ້າສ້າງຕະຫຼາດນັດຮ່ວມກັນຂອງສອງແຂວງ ອຸດົມໄຊ – ພະເຍົາ; ( ພະເຍົາ – ອຸດົມໄຊ ) ຕະຫຼອດຮອດການຄ້າຂາຍ ແລະ ຮ່ວມມືທາງດ້ານການຜະລີດເປັນສິນຄ້າ, ໄດ້ປຶກສາຫາລືທຶນດ້ານການສຶກສາຊັ້ນປະລິນຍາຕີ, ໂທ, ເອກ, ຈາກມາຫາໄລພະເຍົາ ແຫ່ງ ຣາຊະອານາຈັກໄທ.

          – ນອກນັ້ນ, ຍັງໄດ້ປຶກສາຫາລືແລກປ່ຽນກັນກ່ຽວການຍົກລະດັບດ້ານເຕັກນິກການສິດສອນຂອງຄູອາຈານ, ຄະນະຜູ້ແທນສອງຝ່າຍໄດ້ປຶກສາຫາລືກັນຍາກໃຫ້ສອງແຂວງ ອຸດົມໄຊ – ພະເຍົາ ສ້າງບົດບັນທຶກຮ່ວມກັນດ້ານການຮ່ວມມື, ການພົງພັນຫຼາຍໆວຽກໃນຕໍ່ໜ້າໄດ້ຍົກສູງດ້ານການລົງທຶນ ແລະ ການທ່ອງທ່ຽວຢູ່ແຂວງອຸດົມໄຊ, ຜັດປ່ຽນການຢ້ຽມຢາມຂອງສອງຄະນະຜູ້ແທນ ອຸດົມໄຊ – ພະເຍົາ( ພະເຍົາ-ອຸດົມໄຊ).

       ຜົນຂອງການພົບປະປຶກສາຫາລືຮ່ວມກັນ:ແຂວງພະເຍົາເຫັນດີພ້ອມທີ່ຈະນໍາເອົາຂໍ້ສະເໜີ ທັງ 07 ບັນຫາທີ່ກ່າວມາເທີງນີ້ເພື່ອໄປພິຈາລະນາຊອກຫາແຫຼ່ງທືນ ແລະ ສະເໜີຕໍ່ຂັ້ນເທີງເພື່ອສຶບຕໍ່ພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ.

   – ທ່ານ ສົມຈິດ ປັນຍາສັກ ຍັງໄດ້ກ່າວຕື່ມອີກວ່າ: ຢາກທຸກພາກສ່ວນ, ທຸກຂະແໜງການທີ່ກ່ຽວຂ້ອງ, ທີ່ໄດ້ປຶກສາຫາລືກັນແລ້ວຕ້ອງໄດ້ເອົາໃຈໃສ່ສຶບຕໍ່ພົວພັນຢ່າງແທ້ຈິງເພື່ອໃຫ້ຜົນການປຶກສາຫາລືໃນຄັ້ງນີ້ໃຫ້ປະກົດຜົນເປັນຈິງ  ກອງປະຊຸມໄດ້ປືກສາຫາລືການເຊື່ອມຄວາມສໍາພັນ ລະຫວ່າງ ແຂວງອຸດົມໄຊ – ແຂວງພະເຍົາ ໃຊ້ເວລາ 1 ຕອນ ຮອດເວລາ 16:30 ນາທີ ພິທີກອງປະຊຸມກໍ່ໄດ້ກ່າວປິດລົງຢ່າງເປັນທາງການດ້ວຍຜົນສຳເລັດອັນຈົບງາມ.

          ²ວັນທີ 14 ມີຖຸນາ 2016.

            ເວລາ 8:00 ນາທີ ພິທີສົ່ງຄະນະຜູ້ແທນຈາກ ແຂວງພະເຍົາ ໄປແຂວງຫຼວງພະບາງ ຢ່າງເປັນທາງການ ນໍາໂດຍ ທ່ານ ສົມຈິດ ປັນຍາສັກ ຄະນະປະຈໍາພັກແຂວງ ຫົວໜ້າພະແນກການເງິນແຂວງ ພ້ອມດ້ວຍຄະນະທິມງານໄດ້ຈັດສົ່ງຢູ່ທີ່ໂຮງແຮມງາມລາວດ້ວຍຄວາມສະຫັວດດີພາບ.