ພິທີໃຫ້ທິດໂອ້ລົມຂອງທ່ານເພັດສາຄອນ ຫຼວງອາໄພ ເຈົ້າແຂວງ ແຂວງອຸດົມໄຊ

ຕອນເຊົ້າເວລາ 9:00 ນາທີຂອງວັນທີ 4 ສີງຫາ 2016 ພະແນກການຕ່າງປະເທດແຂວງອຸດົມໄຊ ໄດ້ເຂົ້າຮ່ວມ ພິທີໃຫ້ທິດໂອ້ລົມຂອງ ທ່ານເພັດສາຄອນຫຼວງອາໄພເລຂາພັກແຂວງ, ເຈົ້າແຂວງ, ແຂວງອຸດົມໄຊຕໍ່ກັບສະມາຊີກພັກ – ພະນັກງານລັດຖະກອນພະແນກການຕ່າງປະເທດ ພິທີດັ່ງກ່າວມີຜູ້ເຂົ້າຮ່ວມທັງໝົດ 31 ສະຫາຍ, ຍີງ  9 ອ່ານເພີ່ມເຕີມ »

ພີທີ ມອບຮັບໜ້າທີໃຫ້ແກ່ຄະນະບໍລິຫານງານພັກແຂວງຜູ້ເກົ່າ-ຜູ້ໃໝ່,ຫົວໜ້າພະແນກການ, ອົງການອ້ອມຂ້າງແຂວງຈຳນວນໜຶ່ງ

ທີມອບ-ຮັບຄະນະບໍລິຫານງານພັກແຂວງ, ຫົວໜ້າພະແນກ ແລະ ອົງການຈັດຕັ້ງ ໄດ້ໄຂຂື້ນໃນຕອນແລງຂອງວັນທີ 14 ມີນາ 2016 ທີ່ຫ້ອງປະຊຸມຫ້ອງວ່າການປົກຄອງແຂວງອຸດົມໄຊ ໃຫ້ກຽດເປັນປະທານໂດຍ ທ່ານ ເພັດສາຄອນ ຫຼວງອາໄພ ກຳມະການສູນກາງພັກ, ເລຂາພັກແຂວງ ເຈົ້າແຂວງໆອຸດົມໄຊ. ອ່ານເພີ່ມເຕີມ »

ອວຍພອນຄະນະກອງບັນຊາການທະຫານແຂວງເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 67 ປີ

    ເວລາ 2: 30 ນາທີ ຂອງວັນທີ 19 / 01 / 2016  ອ່ານເພີ່ມເຕີມ »

ຄະນະ ພຕທ ເຂົ້າຮ່ວມເນື່ອງໃນໂອກາດການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ 20 ມັງກອນຢູ່ກອງຮ້ອຍ ຄໍ 141 ທະຫານຊາຍແດນທີ່ເມືອງນາໝໍ້

​            ໃນ​ຕອນ​ເຊົ້າ​ຂອງ​ວັນ​ທີ 23 / 01 / 2015 ຄະ​ນະ​ແນ​ກການ​ຕ່າງປະ​ເທດ​ ​ແຂວງອຸດົມ​ໄຊ ພ້ອມ​ດ້ວຍ​ພະນັກ​ງານ​ວິຊາ​ການ​ໄດ້​ເດີນທາງ​ໄປ​​ຮ່ວມ​​ການສະ​ເຫຼີ​ມສະຫຼອງວັນສ້າງຕັ້ງກອງທັບປະຊາຊົນລາວ ອ່ານເພີ່ມເຕີມ »

ໜ່ວຍງານຄົ້ນຄ້ວາແຜນຍຸດທະສາດການພັດທະນາເສດຖະກິດມອບເຄື່ອງໃຫ້ກອງ ບັນຊາການ ປກຊ ແຂວງອຸດົມໄຊ

     ໃນວັນທີ 22 ມີນາ 2014 ໜ່ວຍງານຄົ້ນຄ້ວາແຜນຍຸດທະສາດການພັດທະນາເສດ ຖະກິດສູນກາງໄດ້ມອບເຄື່ອງໃຊ້ຫ້ອງການມອບໂດຍທ່ານບົວສອນ ບຸບຜາວັນ ແລະ ຕາງໜ້າຮັບໂດຍທ່ານ ພົຈວ ຈັນທະວອນໄຊຍະຜົງ ຫົວໜ້າກອງບັນຊາ ການ ອ່ານເພີ່ມເຕີມ »

ພີທີ ມອບຮັບໜ້າທີໃຫ້ແກ່ຄະນະບໍລິຫານງານພັກແຂວງຜູ້ເກົ່າ-ຜູ້ໃໝ່,ຫົວໜ້າພະແ …

ທີມອບ-ຮັບຄະນະບໍລິຫານງານພັກແຂວງຫົວໜ້າພະແນກ ແລະ ອົງການຈັດຕັ້ງ ໄດ້ໄຂຂື້ນໃນຕອນແລງຂອງວັນທີ 14 ມີນາ 2016 ທີ່ຫ້ອງປະຊຸມຫ້ອງວ່າການປົກຄອງແຂວງອຸດົມໄຊ ໃຫ້ກຽດເປັນປະທານໂດຍ ທ່ານ ເພັດສາຄອນ ຫຼວງອາໄພ ກຳມະການສູນກາງພັກເລຂາພັກແຂວງ ເຈົ້າແຂວງໆອຸດົມໄຊ. ມີຄະນະປະຈຳພັກແຂວງກຳມະການພັກແຂວງຫົວໜ້າ ແລະ ຮອງຫົວໜ້າພະແນກເລຂາແລະ ຮອງເລຂາພັກເມືອງ ແລະ ພະນັກງານລັດຖະກອນເຂົ້າຮ່ວມ.

            ການມອບ-ຮັບໜ້າທີ່ຄັ້ງນີ້ມີດັ່ງນີ້: ມອບຮັບຫົວໜ້າຫ້ອງວ່າການປົກຄອງແຂວງລະຫວ່າງ ທ່ານ ຄຳເພົ້າ ສີລິສຸກ ຫົວໜ້າຫ້ອງວ່າການຜູ້ເກົ່າ ແລະ ທ່ານ ວັນນາ ແກ້ວສັນຕິ ເປັນຫົວໜ້າຫ້ອງວ່າການປົກຄອງແຂວງຜູ້ໃໝ່ມອບຮັບປະທານແນວລາວສ້າງຊາດແຂວງ ລະຫວ່າງທ່ານ ຄຳເສົາ ຈັນທະປັນຍາ ຜູ້ເກົ່າ ແລະ ທ່ານ ໂອວາດ ຈັນທະວົງ ເປັນປະທານແນວລາວສ້າງຊາດຜູ້ໃໝ່

ແຕ່ງຕັ້ງ ທ່ານ ຈັນແພງ ແກ້ວສີວັນ ເປັນຫົວໜ້າຄະນະຈັດຕັ້ງແຂວງຜູ້ໃໝ່ມອບຮັບຫົວໜ້າພະແນກຊັບພະຍາກອນທຳມະຊາດ ລະຫວ່າງທ່ານ ຈັນແພງ ແກ້ວສີວັນ ຜູ້ເກົ່າ ແລະ ທ່ານ ສົມແກ້ວ ມະນີວັນ ເປັນຫົວໜ້າພະແນກຊັບພະຍາກອນທຳມະຊາດແຂວງຜູ້ໃໝ່ແຕ່ງຕັ້ງ ທ່ານ ໄມ່ວອງ ຍອດມະນີ ເປັນຫົວໜ້າຫ້ອງການພັດທະນາຊົນນະບົດແຂວງ ແລະ ແຕ່ງຕັ້ງທ່ານ ວິແກ້ວ ບຸບຜາວັນ ເປັນຫົວໜ້າພະແນກການຕ່າງປະເທດແຂວງ ພີທີດັ່ງກ່າວໄດ້ດຳເນີນໄປເປັນເວລາໜຶ່ງຕອນ.

ໜ່ວຍສະຫະພັນແມ່ຍິງຂອງພະແນກການຕ່າງປະເທດແຂວງອຸດົມໄຊ ໄປແລກປ່ຽນຖອດຖອນບົດ …

ລະຫວ່າງ​ວັນ​ທີ 03 – 05 ມີນາ 2016,ຄະນະໜ່ວຍສະຫະພັນແມ່ຍິງພະແນກການຕ່າງປະເທດແຂວງ ອຸດົມໄຊ ນໍາໂດຍ ທ່ານ ວັນນາ ແກ້ວສັນຕິ, ກໍາມະການພັກແຂວງ, ຫົວໜ້າພະແນກການຕ່າງປະເທດແຂວງ, ຜູ້ຊີ້ນໍາ ໜ່ວຍສະຫະພັນແມ່ຍິງພະແນກການຕ່າງປະເທດແຂວງ ພ້ອມດ້ວຍຄະນະ ລວມ 10 ທ່ານ, ຍິງ 08 ທ່ານ ໄດ້ໄປແລກປ່ຽນຖອດຖອນບົດຮຽນການເຄື່ອນໄຫວວຽກງານການຕ່າງປະເທດ ກັບ ໜ່ວຍສະຫະພັນແມ່ຍິງຫ້ອງການພົວ ພັນຕ່າງປະເທດກິ່ງແຂວງສິບສອງພັນນາ ແຂວງຢູນນານ ແຫ່ງ ສປ ຈີນ ໄດ້ຮັບການຕ້ອນຮັບຢ່າງເປັນທາງການ ນໍາໂດຍ ທ່ານ ອ້າຍຈືນ, ຫົວໜ້າຫ້ອງການພົວພັນຕ່າງປະເທດກິ່ງແຂວງສິບສອງພັນນາ ​ພ້ອມ​ດ້ວຍ​ຄະນະພະນັກງານຫ້ອງການພົວພັນຕ່າງປະເທດກິ່ງແຂວງສິບສອງພັນນາ ດ້ວຍບັນຍາກາດອັນອົບອຸ່ນ ແລະ ໄມຕຣີຈິດມິດຕະພາບຖານບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ ແລະ ຄູ່ຮ່ວມມືທີ່ດີ.

ຕອນເຊົ້າ ເວລາ 09 : 00 ນາທີ ຂອງວັນທີ 04 ມີນາ  2016 ຄະນະຜູ້ແທນສອງໜ່ວຍສະຫະພັນແມ່ຍິງພະແນກການຕ່າງປະເທດແຂວງອຸດົມໄຊ – ກິ່ງແຂວງສິບສອງພັນນາ ແຂວງຢູນນານ ເຂົ້າຮ່ວມພິທີພົບປະແລກປ່ຽນວຽກງານການເຄື່ອນໄຫວພົວພັນຕ່າງປະເທດ ຢູ່ທີ່ຫ້ອງປະຊຸມຫ້ອງວ່າການປົກຄອງກິ່ງແຂວງສິບສອງພັນນາ ແຂວງ ຢູນນານ ໂດຍການເປັນປະທານຂອງ ທ່ານ ວັນນາ ແກ້ວສັນຕິ, ກໍາມະການພັກແຂວງ, ຫົວໜ້າພະແນກການຕ່າງປະ ເທດແຂວງອຸດົມໄຊ, ຜູ້ຊີ້ນໍາໜ່ວຍສະຫະພັນແມ່ຍິງຂອງພະແນກ.

ຄະນະຜູ້ແທນຝ່າຍໜ່ວຍສະຫະພັນແມ່ຍິງຂອງພະແນກການຕ່າງປະເທດ​​ແຂວງ​ອຸດົມ​ໄຊ ນໍາ​ໂດຍ​ທ່ານນາງ ຈັນທະລາ ອິນສົມພອນ, ຄະນະໜ່ວຍສະຫະພັນແມ່ຍິງຂອງພະແນກ ພ້ອມ​ດ້ວຍ​ສະມາຊິກສະຫະພັນແມ່ຍິງ ທີ່ຖືກ ແຕ່ງຕັ້ງເຂົ້າຮ່ວມ  ລວມທັງໝົດ  08 ທ່ານ.

ຄະນະ​ຜູ້​ແທນ​ຝ່າຍ​ໜ່ວຍສະຫະພັນແມ່ຍິງຫ້ອງການພົວພັນຕ່າງປະເທດກິ່ງແຂວງສິບສອງພັນນາ ນໍາ​ໂດຍ ທ່ານ ນາງ ໝ່າເສີນຫຼີນ, ຮອງຫົວໜ້າຫ້ອງການພົວພັນຕ່າງປະເທດກິ່ງແຂວງສິບສອງພັນນາ, ຜູ້ຊີ້ນໍາໜ່ວຍສະຫະພັນແມ່ຍິງຫ້ອງການພົວພັນຕ່າງປະເທດພ້ອມ​ດ້ວຍ​ສະມາຊິກສະຫະພັນແມ່ຍິງແມ່ຍລວມທັງໝົດ  03 ທ່ານ.

         ພິທີ​ພົບປະ​, ຜູ້ຕາງໜ້າຄະນະ​ຜູ້​ແທນສະຫະພັນແມ່ຍິງທັງ​ສອງ​ຝ່າຍ​ໄດ້​ຜັດປ່ຽນກັນ​ ແຈ້ງສະພາບຂອງແຂວງ, ການເຄື່ອນໄຫວວຽກງານການຕ່າງປະເທດ ແລະ ວຽກງານອົງການຈັດຕັ້ງມະຫາຊົນ ໂດຍສະເພາະແມ່ນວຽກງານໜ່ວຍສະຫະພັນແມ່ຍິງຂອງສອງຝ່າຍ​ເວົ້າ​ລວມ, ​ເວົ້າ​ສະ​ເພາະ​ແມ່ນໜ່ວຍງານລະຫວ່າ​ງສອງແຂວງ​ອຸດົມ​ໄຊ -​​ ກິ່ງແຂວງສິບສອງພັນນາ ​ໃນ​ໄລຍະ​ຜ່ານ​ມາ ​ແລະ ຈະສືບ​ຕໍ່​ສົ່ງ​ເສີມ​ສາຍ​ພົວພັນ​ສາມັກຄີ​ມິດຕະພາບ​ທີ່​ດີ​ທີ່ມີ​ມາ​ກ່ອນ​ແລ້ວ​ນັ້ນ ໃຫ້ຈະ​ເລີ​ນງອກ​ງາມ ​ແລະ ຍາວ​ນານ​ຕະຫຼອດ​ໄປ; ໃນການພົບປະຄັ້ງນີ້ ໄດ້ຕົກລົງເຫັນດີສືບຕໍ່ຜັດປ່ຽນກັນແລກປ່ຽນຖອດຖອນບົດຮຽນລະຫວ່າງສອງໜ່ວຍສະຫະພັນແມ່ຍິງນໍາກັນ ເຫັນດີ 01 ຄັ້ງ ຕໍ່ປີ ແລະ ຜັັດປ່ຽນກັນເປັນເຈົ້າພາບ.

ໃນການພົບປະຄັ້ງນີ້, ທ່ານ ວັນນາ ແກ້ວສັນຕິ, ກໍາມະການພັກແຂວງ, ຫົວໜ້າພະແນກການຕ່າງປະເທດ ແຂວງອຸດົມໄຊ, ຜູ້ຊີ້ນໍາໜ່ວຍສະຫະພັນແມ່ຍິງຂອງພະແນກ ຍັງໄດ້ເຊື້ອເຊີນຫ້ອງການພົວພັນຕ່າງປະເທດກິ່ງແຂວງສິບສອງພັນນາ ໃນນາມໜ່ວຍສະຫະພັນແມ່ຍິງຫ້ອງການ ໄປຢ້ຽມຢາມ ແລະ ເຮັດວຽກ ກັບໜ່ວຍສະຫະພັນແມ່ຍິງພະແນກການຕ່າງປະເທດແຂວງອຸດົມໄຊ ຕາມເວລາອັນເໝາະສົມ, ກອງປະຊຸມໄດ້ສີ້ນສຸດ ເວລາ 11:30 ນາທີ; ຫຼັງຈາກນັ້ນ, ທ່ານ ນາງ ໝ່າເສີນຫຼີນ, ຮອງຫົວໜ້າຫ້ອງການພົວພັນຕ່າງປະເທດກິ່ງແຂວງສິບສອງພັນນາ, ຜູ້ຊີ້ນໍາໜ່ວຍສະຫະພັນແມ່ຍິງຫ້ອງການ ໄດ້ນໍາພາຄະນະໄປຢ້ຽມຢາມບ້ານຫັດຖະກໍາ ບ້ານຊ້າງຂອງຊົນເຜົ່າລື້ ຢູ່ເຂດເມືອງຢາງ ເຊິ່ງມີຜະລິດຕະພັນການປັ້ນ, ຈັກສານ, ຖັກແສ່ວ, ງານສີມື ແລະ ອື່ນໆ; ນອກຈາກນັ້ນ ກໍ່ໄດ້ໄປທ່ຽວຊົມທິວທັດທໍາມະຊາດ ແລະ ການພັດທະນາຂອງຕົວເມືອງນະຄອນຊຽງຮຸ່ງ.

         ເວລາ 09 : 00 ນາທີ ຂອງວັນທີ 05 ມີນາ 2016 ພິທີ​ສົ່ງ​ຄະນະຢ່າງ​ເປັນ​ທາງ​ການຢູ່ທີ່ໂຮງແຮມຕາຍຢວນ ນຳ​ໂດຍ​ທ່ານ ນາງ ໝ່າ ເສີນຫຼີນ, ຮອງຫົວໜ້າຫ້ອງການພົວພັນຕ່າງປະເທດກິ່ງແຂວງສິບສອງພັນນາ, ຜູ້ຊີ້ນໍາໜ່ວຍສະ ຫະພັນແມ່ຍິງຫ້ອງການ ພ້ອມ​ດວ້ຍຄະນະ​ຮັບຜິດຊອບ​  ໄດ້​​ສົ່ງ​ຄະນະ​ໜ່ວຍສະຫະພັນແມ່ຍິງພະແນກການຕ່າງປະ ເທດແຂວງອຸດົມໄຊ ເດີນທາງກັບຄືນປະເທດ ດ້ວຍຄວາມປອດໄພ ແລະ ສະຫວັດດີພາບ.

ທ່ານ ລີ ປາວກວ່າງ ກົງສູນໃຫຍ່ ແຫ່ງ ສປ ຈີນ ປະຈໍາພາກເໜືອລາວທີ່ແຂວງຫຼວງພະບາງ …

     ເວລາ 12:30 ນາທີ ຂອງວັນທີ 23/02/2016 ນໍາໂດຍທ່ານ ລີ ປາວກວ່າງ ກົງສູນໃຫຍ່ ແຫ່ງ ສປ ຈີນ ປະຈໍາພາກເໜືອລາວທີ່ແຂວງຫຼວງພະບາງ ໄດ້ເດີນທາງມາຮອດ ແຂວງອຸດົມໄຊ ແລະ ຮັບປະທານອາຫານທ່ຽງທີ່ ຫ້ອງອາຫານໂຮງແຮມເຊີງຊ່າງພ້ອມດ້ວຍຄະນະ ໃຫ້ກຽດຕ້ອນຮັບໂດຍ ທ່ານ ວິແກ້ວ ບຸບຜາວັນ ຮອງຫົວໜ້າ ພະແນກການຕ່າງປະເທດ ແຂວງອຸດົມໄຊ ແລະ ນັກທຸລະກິດຈີນຈໍານວນໜື່ງ, ຫຼັງຈາກນັ້ນ ທ່ານ ລີ ປາວກ່ວາງ ກໍໄດ້ລົງຢ້ຽມຢາມບັນດາ ໂຮງຮຽນມິດຕະພາບ  ລາວ – ຈີນ, ໂຮງຮຽນລຽວເປີ້ຍ ແລະ ພົບປະກັບສະພາການຄ້າຈີນ ( ສະມາຄົມນັກທຸລະກິດຈີນ ).

           ເວລາ 17:30 ນາທີ ທ່ານ ລີ ປາວກວ່າງ ກົງສູນໃຫຍ່ແຫ່ງ ສປ ຈີນ ປະຈໍາພາກເໜືອລາວທີ່ ແຂວງຫຼວງພະບາງ ໄດ້ເຂົ້າຢ້ຽມ ທ່ານ ເພັດສາຄອນ ຫຼວງອາໄພ ເລຂາພັກແຂວງ ເຈົ້າແຂວງອຸດົມໄຊ ແລະ ຄະນະການນໍາແຂວງ, ໃນເວລາພົບປະທັງສອງຝ່າຍໄດ້ມີການລາຍງານແລກປ່ຽນບົດຮຽນນໍາກັນກ່ຽວກັບດ້ານການພັດທະນາ ເສດຖະກິດ – ສັງຄົມ ແລະ ສະພາບບັນຫາຫຍຸ້ງຍາກຕ່າງໆຂອງບັນດານັກທຸລະກິດ – ນັກລົງທຶນຊາວຈີນ ທີ່ມາລົງທຶນ ແລະ ດໍາເນີນທຸລະກິດຢູ່ທີ່ ແຂວງອຸດົມໄຊ ເຊີ່ງ ທ່ານ ລີ ປາວກວ່າງ ກົງສູນໃຫຍ່ ແຫ່ງ ສປ ຈີນ ປະຈໍາພາກເໜືອລາວທີ່ ແຂວງຫຼວງພະບາງ ໄດ້ສະເໜີບາງບັນຫາດັ່ງນີ້:

  1. ບັນດານັກລົງທຶນຊາວຈີນທີ່ມາລົງທຶນກ່ຽວກັບການກະສິກໍາຢູ່ບັນດາເມືອງ,ທີ່ພົບກັບບັນຫາຖືກລັກອຸປະກອນກະສິກໍາ ແລະ ສິນຄ້າກະສິກໍາຕ່າງໆ, ແຕ່ເວລາໄປແຈ້ງຕໍ່ເຈົ້າໜ້າທີພັດບໍ່ໄດ້ຮັບຄວາມຮ່ວມມືເທົ່າທີຄວນ.
  2. ການຂົນສົ່ງສິນຄ້າໂດຍສະເພາະສິນຄ້າກະສິກໍາເຄື່ອນຍ້າຍໄປຍັງ ສປ ຈີນ ຍັງພົບຄວາມຫຍຸ້ງຍາກ ແລະ ຊັກຊ້າຫຼາຍ, ໂດຍສະເພາະແມ່ນຢູ່ຕາມດ່ານຊາຍແດນ.
  3. ເລື່ອງການອອກໃບພັກເຊົາ່ ແລະ ເອກະສານຕ່າງໆໃຫ້ແກ່ຊາວຈີນແມ່ນຍັງຊັກ.

ນອກຈານນີ້ທາງ ທ່ານ ລີ ປາວກວ່າງ ກົງສູນໃຫຍ່ແຫ່ງ ສປ ຈີນ ປະຈໍາພາກເໜືອລາວທີ່ ແຂວງຫຼວງພະບາງ ກໍ່ໄດ້ຕັ້ງຄໍາຖາມບາງຂໍ້ເພື່ອແລກປ່ຽນກັບ ທ່ານ ເພັດສາຄອນ ຫຼວງອາໄພ ກໍາມະການສູນກາງພັກ ເລຂາພັກແຂວງ ເຈົ້າແຂວງອຸດົມໄຊ ດັ່ງນີ້:

  1. ການຈະເຂົ້າມາຂອງແຮງງານຊາວຈີນຈຳນວນຫລາຍໃນໂຄງການກໍ່ສ້າງເສັ້ນທາງລົດໄຟ ລາວ – ຈີນ ນີ້ທ່ານຈະມີ ການກຽມພ້ອມຮັບມືມີຄືແນວໃດແດ່ ?
  2. ຖ້າມີການສົ່ງພະນັກງານໄປສຶກສາ ແລະ ຝຶກອົບຢູ່ທີ່ ສປ ຈີນ ທ່ານຈະເຫັນດີຫຼືບໍ່ ?

ນອກຈາກນັ້ນທັງສອງຝ່າຍກໍ່ຍັງມີການແນະນໍາແນວທາງການແກ້ບັນຫາທີ່ກ່າວມາ ແລະ ກໍ່ໄດ້ເນັ້ນໜັກການສົ່ງເສີມຂະຫຍາຍສາຍພົວພັນຮ່ວມມື ລາວ – ຈີນ ນັບມື້ນັບຂະຫຍາຍຕົວນັບມື້ນັບດີຂື້ນເລື້ອຍໆ.

            ເວລາ 18:30 ນາທີ ແຂວງໄດ້ຈັດພາເຂົ້າຕ້ອນຮັບຄະນະທີມງານກົງສູນໃຫຍ່ ແຫ່ງ ສປ ຈີນ ປະຈໍາພາກ

ເໜືອລາວທີ່ ແຂວງຫຼວງພະບາງ ທີ່ ຫ້ອງອາຫານໂຮງແຮມເຊີງຊ່າງ ເຊີງໃຫ້ກຽດເຂົ້າຮ່ວມໂດຍ ທ່ານ ເພັດສາຄອນ ຫຼວງອາໄພ ເລຂາພັກແຂວງ ເຈົ້າແຂວງອຸດົມໄຊ ແລະ ຄະນະນໍາຂອງ ພະແນກການຕ່າງປະເທດ ແຂວງອຸດົມໄຊ.ເຊີງກໍ່ໄດ້ດໍາເນີນໄປຢ່າງອົບອຸ່ນ ແລະ ເຕັມໄປດ້ວຍຄວາມເບີກບານມ່ວນຊື່ນ.

ອວຍພອນຄະນະກອງບັນຊາການທະຫານແຂວງເນື່ອງໃນໂອກາດວັນສ້າງຕັ້ງກອງທັບປະຊາຊົ …

    ເວລາ 2: 30 ນາທີ ຂອງວັນທີ 19 / 01 / 2016  ພະແນກການຕ່າງປະເທດ ແຂວງອຸດົມໄຊ ນໍາໂດຍ:  ທ່ານ ໄມວອງ ຍອດມະນີ ຮອງພະແນກ ພ້ອມດ້ວຍຄະນະ ແລະ ພະນັກງານທັງໝົດ 15 ທ່ານ,   ຍີງ:  04 ທ່ານ,  ໄດ້ນໍາເອົາກະຕ່າຂອງຂວັນໄປອວຍພອນຄະນະກອງບັນຊາການທະຫານແຂວງ, ຢູ່ທີ່ສະໂມສອນກອງບັນຊາການທະຫານແຂວງ, ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ໝູນວຽນມາບັນຈົບ ຄົບຮອບ 67 ປີ  ( 20/01/1949  20 / 01 /2016 ) ຕ່າງໜ້າຄະນະກອງບັນຊາການທະຫານແຂວງ ນໍາໂດຍທ່ານ ພັນເອກ ບຸນຍົງ ໜໍ່ແກ້ວ ຄະນະປະຈໍາພັກ ຮອງຄະນະກອງບັນຊາການ ພ້ອມດ້ວຍອ້າຍ, ເອື້ອຍ, ນ້ອງນາຍທະຫານກອງບັນຊາການທະຫານແຂວງ.

ໂອກາດນີ້, ທ່ານ ໄມວອງ ຍອດມະນີ ຮອງພະແນກ ໃນນາມຕາງໜ້າຄະນະ ພຕທ ໄດ້ຕີລາຄາສູງຕໍ່ກໍາລັງປ້ອງກັນປະເທດເຊີ່ງເປັນກໍາລັງຫຼັກໃນການປົກປັກຮັກສາປະເທດຊາດພ້ອມທັງກ່າວຄໍາອວຍພອນໃຫ້ຄະນະນໍາ, ຄະນະບັນຊາການ, ນາຍ ແລະ ພົນທະຫານທະຫານທົ່ວກອງທັບເວົ້າລວມ, ເວົ້າສະເພາະ, ແມ່ນນາຍ ແລະ ພົນທະຫານພາຍໃນແຂວງອຸດົມໄຊ ເນື່ອງໃນໂອກາດ ວັນສ້າງຕັງກອງທັບໄດ້ໝູນວຽນມາ ຄົບຮອບ 67 ປີ, ຈົ່ງມີແຕ່ຄວາມສຸກກາຍສະບາຍໃຈ, ມີຄວາມຜາສຸກໃນຊີວີດສ່ວນຕົວ, ຄອບຄົວ ແລະ ສໍາເລັດໃນໜ້າທີ່ການງານທຸກປະການ.

  ໂອກາດດຽວກັນ ທ່ານ ພັນເອກ ບຸນຍົງ ໜໍ່ແກ້ວ ຄະນະປະຈໍາພັກ ຮອງຄະນະກອງບັນຊາການທະຫານ ແຂວງອຸດົມໄຊ ກໍ່ໄດ້ກ່າວສະແດງຄວາມຂອບອົກຂອບໃຈຕໍ່ຄະນະແນກ,​​ ພ້ອມດ້ວຍພະນັກງານພະແນກການຕ່າງປະເທດ ແຂວງອຸດົມໄຊ ທີ່ໄດ້ເຫັນຄວາມສໍາຄັນຕໍ່ພາລະກິດ ແລະ ໜ້າທີ່ອັນສໍາຄັນຂອງກອງທັບປະຊາຊົນລາວ ພ້ອມທັງໄດ້ກ່າວອວຍພອນໃຫ້ຄະນະພະແນກພ້ອມດ້ວຍພະນັກງານໝົດທຸກຄົນຂອງ ພຕທ ຈົ່ງມີແຕ່ຄວາມຜາສຸກທຸກປະການ, ມີພານາໄມສົມບຸນສໍາເລັດທຸກໜ້າທີ່ວຽກງານ.  

ກອງປະຊຸມເຜີຍແຜ່ວຽກງານການຕ່າງປະເທດ 09 ແຂວງພາກເໜືອລາວ

ໃນລະຫວ່າງວັນທີ 09 – 11 ທັນວາ 2015, ກະຊວງ​ການ​ຕ່າງປະ​ເທດ​​ໄດ້ຈັດ​ກອງ​ປະຊຸມ​ເຜີ​ຍ​ແຜ່​ວຽກ​ງານ​ການ​ຕ່າງປະ​ເທດ ປະຈຳປີ 2015 ​ໃຫ້​ແກ່​ບັນດາ​ພະນັກງານ​ພະ​ແນ​ກການ​ຕ່າງປະ​ເທດ​​  09 ແຂວງພາກເໜືອ ແລະ ບັນດາພະແນກການ, ຫ້ອງການ, ອົງການທຽບເທົ່າ ແລະ ສອງກອງບັນຊາການ ປກສ-ປກຊທີ່ແຂວງອຸດົມ​ໄຊຊຶ່ງໃຫ້ກຽດເຂົ້າຮ່ວມໃນພິທີເປີດກອງປະຊຸມດັ່ງກ່າວໂດຍ ​ທ່ານ ​ແສງ​ເພັດ​ ຮຸ່ງ​ບຸນ​ຍວງຮອງຄະນະພັກກະຊວງລັດຖະມົນຕີ​ຊ່ວຍ​ວ່າການ​ກະຊວງ​ການ​ຕ່າງປະ​ເທດ ແລະທ່ານ ຄຳພຽງ ຍາຈົງວາຮອງເລຂາພັກແຂວງ​ມີ​ພະນັກງານ​ຈາກ​ຫ້ອງ​ວ່າການ​ປົກຄອງ​ແຂວງ ​​ແລະ ພະ​ແນ​ກການ​ຕ່າງປະ​ເທດ​ແຂວງ​ອຸດົມໄຊ​ແຂວງຜົ້ງ​ສາລີ​ຫຼວງ​ນ້ຳ​ທາ​​ບໍ່​ແກ້ວ​ຫົວພັນ​​ຫຼວງ​ພະ​ບາງ​​ໄຊ​ຍະ​ບູລີ​​ຊຽງ​ຂວາງ, ​ຫຼວງພະບາງ ​ແລະ ແຂວງໄຊສົມບຸນ ເຂົ້າ​ຮ່ວມປະມານ 150 ທ່ານ, ຍີງ: 20

ທ່ານ;ມີວິທະຍາກອນຈາກບັນດາກົມຂອງກະຊວງການຕ່າງປະເທດ ເຜີຍແຜ່ວຽກງານທີ່ກ່ຽວຂ້ອງ ກັບພາລະບົດບາດ ແລະ ໜ້າທີ່ຂອງກົມ, ຈຸດປະສົງໃນການຈັດກອງປະຊຸມຄັ້ງນີ້ ແມ່ນເພື່ອສືບຕໍ່​ຜັນ​ຂະຫຍາຍ​​ແນວທາງນະໂຍບາຍ​ການ​ຕ່າງປະ​ເທດ ຂອງ ສປປ ລາວ ​​ຄື: ສັນຕິພາບ ​ເອກະລາດ ມິດຕະພາບ ​ແລະ ການ​ຮ່ວມ​ມືພ້ອມທັງແນ່ໃສ່ຍົກ​ລະດັບ​ຄວາມຮູ້​ ກ່ຽວ​ກັບ ວຽກ​ງານ​ການ​ຕ່າງປະ​ເທ​ດ​ ໃຫ້​ແກ່​ພະນັກງານ​ພະ​ແນ​ກການ​ຕ່າງປະ​ເທດ, ທຸກອົງການທີ່ກ່ຽວຂ້ອງ​ຂອງບັນດາແຂວງໃນພາກເໜືອຂອງລາວໃຫ້​ມີຄວາມ​ເຂົ້າ​ໃຈ​ເລິກ​ເຊິ່ງ​ກວ່າເກົ່າເຮັດໃຫ້ການເຄື່ອນໄຫວວຽກ​ງານ​ການ​ຕ່າງປະ​ເທດ ໄປໃນທິດທາງດຽວກັນ ທັງຢູ່ສູນກາງ ແລະ ທ້ອງຖິ່ນ ​ແລະ ເປັນ​ການ​ກະກຽມ​ຄວາມພ້ອມໃນ​ການ​ເຂົ້າ​ເປັນ​ປະຊາ​ຄົມເສດຖະກິດ​ອາ​ຊຽນ ໃນປີ 2015 ແລະ ການເປັນປະທານອາຊຽນ ຂອງ ສປປ ລາວ ປີ 2016 ນີ້.

ບັນດາຫົວ​ຂໍ້​ທີ່ຄະນະວິທະຍາກອນຂອງ​ກະຊວງ​ການ​ຕ່າງປະ​ເທດ​ ​​ເຜີຍ​ແຜ່ຕໍ່ກອງປະຊຸມຄັ້ງນີ້ ປະກອບ​ດ້ວຍ 08 ຫົວຂໍ້ ຄື: ວຽ​ກງານ​ກົງສຸນວຽກງານ​ພິທີການ​ທູດວຽກ​ງານ​ຄຸ້ມ​ຄອງ​ອົງການ​ຈັດ​ຕັ້ງ​ສາກົນວຽກງານຄຸ້ມຄອງອົງການ ຈັດຕັ້ງສັງຄົມວຽກ​ງານ​ຄຸ້ມຄອງສື່ມວນຊົນຕ່າງປະເທດວຽກງານ​ພົວພັນ​ຄົນ​ເຊື້ອ​ຊາດ​ລາວ​ຢູ່​ຕ່າງປະ​ເທດວຽກງານຈັດຕັ້ງ ແລະ ພະນັກງານວຽກງານຄຸ້ມຄອງ CSO ​ແລະ ວຽກ​ງານ​ຫ້ອງການ​ຊຶ່ງທັງໝົດເຫຼົ່ານັ້ນລ້ວນແລ້ວແຕ່ເປັນວຽກທີ່ສໍາຄັນ ທີ່ພະນັກງານຮັບຜິດຊອບວຽກງານການຕ່າງປະເທດຈະຕ້ອງໄດ້ເຂົ້າໃຈຢ່າງເລິກເຊິ່ງແລ້ວນຳໄປປະຕິບັດຢ່າງຖືກຕ້ອງໃນການເຄື່ອນໄຫວໜ້າທີ່ວຽກງານຂອງຕົນໃນຕໍ່ໜ້າ

ຄະນະໜ່ວຍຊາວໜຸ່ມ ພະແນກການຕ່າງປະເທດ ແຂວງອຸດົມໄຊ ໄດ້ເຂົ້າຮ່ວມພິທີພົບປະແ …

ຕອນແລງຂອງວັນທີ 15 ກັນຍາ 2015 ຄະນະໜ່ວຍຊາວໜຸ່ມ ພະແນກການຕ່າງປະເທດ ແຂວງອຸດົມໄຊ ໄດ້ເຂົ້າຮ່ວມພິທີພົບປະແລກປ່ຽນຖອດຖອນບົດຮຽນຄະນະຊາວໜຸ່ມແຮກສ່ຽວ 03 ພະແນກການ

ຄະນະຜູ້ແທນ ເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈໍາ ສປປ ລາວ ມາຢ້ຽມຢາມ ແລ …

ຕອນແລງ ເວລາ 14:35 ນາທີ ຂອງວັນທີ 03 ກັນຍາ 2015  ຄະນະຜູ້ແທນ ເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈໍາ ສປປ ລາວ ມາຢ້ຽມຢາມ ແລະ ເຮັດວຽກຢູ່ ແຂວງອດົມໄຊ ສປປ ລາວ  ນໍາໂດຍ ທ່ານ ພິດສະນຸ ຈັນວິທັນ ເອກອັກຄະຣາຊະທູດໄທ ປະຈໍາ ສ ປປ ລາວ ພ້ອມດ້ວຍຄະນະ   14  ທ່ານ, ຍິງ 03 ທ່ານ ພິທີການຕ້ອນຮັບທາງການຢູ່ທີ່ໂຮງແຮມງາມລາວນໍາໂດຍ ທ່ານ ສົມດີ ສີລາທອດ ຮອງຫົວໜ້າພະແນກສຶກສາທິການ ແລະ ກິລາ ພ້ອມດ້ວຍຄະນະການຕ້ອນຮັບແຂກ ແລະ ອາຈານ, ນັກຮຽນສາມັນກິນນອນຊົນເຜົ່າ ແຂວງອຸດົມໄຊ ຈໍານວນໜຶ່ງດ້ວຍບັນຍາກາດອົບອຸ່ນຖານບ້ານໃກ້ເຮືອນຄຽງ.

ເວລາ 15:00 ນາທີ ທ່ານ ເອກອັກຄະຣາຊະທູດ ແຫ່ງ ຣາຊະອານາຈັກໄທ ພ້ອມດ້ວຍຄະນະ ເຂົ້າຢ້ຽມຂໍ່ານັບ ທ່ານ ຄໍາແພງ ຈິດຕະວົງ ຮອງເຈົ້າແຂວງ, ແຂວງອຸດົມໄຊ ທັງສອງຝ່າຍໄດ້ຜັດປ່ຽນກັນສົນທະນາຂໍ້ມູນຂ່າວສານເຊິ່ງກັນ ແລະ ກັນ ທັງດ້ານການພັດທະນາເສດຖະກິດ, ຜະລິດຕະພັນເປັນສິນຄ້າພາຍໃນແຂວງ.

ເວລາ 15:30  ນາທີ ເອກອັກຄະຣາຊະທູດໄທ  ພ້ອມດ້ວຍຄະນະ ເດີນທາງໄປເຂົ້າຮ່ວມພິທີເຊັນບົດບັນທຶກ ກັບ ບໍລິສັດກະດີງກໍ່ສ້າງ, ໂຄງການກໍ່ສ້າງຕຶກອາຄານຮຽນສອງຊັ້ນ ແລະ ຫ້ອງນ້າໜຶງຫຼັງ  ມູນຄ່າ   7.723.289 ບາດ, ( ໂດຍທຶນຂອງສົມເດັດພະເທບ ) ໃຫ້ໂຮງຮຽນສາມັນກິນນອນຊົນເຜົ່າ ແຂວງອຸດົມໄຊ, ໂດຍການປະທານຮ່ວມຂອງ ທ່ານ ຄໍາແພງ ຈິດຕະວົງ ຮອງເຈົ້າແຂວງ ແຂວງອຸດົມໄຊ, ຫຼັງຈາກນັ້ນໄດ້ໄປຮ່ວມພິທີເທປູນການກໍ່ສ້າງ, ແລ້ວເຂົ້າຊົມການສະແດງສິນລະປະວັນນະຄະດີຂອງນ້ອງນັກຮຽນ, ໂຮງຮຽນສາມັນກິນນອນຊົນເຜົ່າ ແລະ ຢ້ຽມຊົມສະຖານທີ່ຕ່າງໆໂຮງຮຽນສາມັນກິນນອນຊົນເຜົ່າ ແຂວງອຸດົມໄຊ.

ຄະນະຜູ້ແທນຂັ້ນສູງ ແຂວງເຊີນລາ ແຫ່ງ ສສ ຫວຽດນາມ ມາຢ້ຽມຢາມ ແລະ ເຮັດວຽກກັບ ຄະ …

ຄະນະຜູ້ແທນຂັ້ນສູງ ແຂວງເຊີນລາ ແຫ່ງ ສສ ຫວຽດນາມ ມາຢ້ຽມຢາມ ແລະ ເຮັດວຽກກັບ ຄະນະຜູ້ແທນຂັ້ນສູງ ແຂວງອຸດົມໄຊ ລະຫວ່າງວັນທີ 03  04  ສິງຫາ 2015.

ຕອນເຊົ້າເວລາ 8:00 ນາທີ ຂອງວັນທີ 03 ສິງຫາ 2015 ແຂວງອຸດົມໄຊ ຄະນະຮັບຕ້ອນແຂກ ນໍາໂດຍ ສະຫາຍ ບຸນລອດ ອ່ອນພະຈັນ ປະທານຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງທີ່ 04 ແຂວງອຸດົມໄຊ ເປັນຫົວໜ້າຄະນະ ພ້ອມດ້ວຍຄະນະລວມ 04 ສະຫາຍ, ໄດ້ອອກເດີນທາງໄປຕ້ອນຮັບຄະນະຜູ້ແທນຂັ້ນສູງແຂວງເຊີນລາ ນຳໂດຍສະຫາຍ ຮວ່າງວັນເຈິດ ເລຂາພັກແຂວງ, ປະທານສະພາປະຊາຊົນແຂວງເຊີນລາ ພ້ອມດ້ວຍຄະນະ ລວມ 39 ສະຫາຍ, ຍິງ 09 ສະຫາຍ ຢູ່ທີ່ຂົວຫ້ວຍໝ້ຽງ ( ຊາຍແດນອຸດົມໄຊ ) ແລະ ພິທີການຕ້ອນຮັບຢ່າງເປັນທາງທີ່ໂຮງແຮມມິດຕະພາບ ນໍາໂດຍສະຫາຍ ຄໍາຫຼ້າ ລິ້ງນະສອນ ກໍາມະການສູນກາງພັກ, ເລຂາພັກແຂວງ, ເຈົ້າ ແຂວງ ແຂວງອຸດົມໄຊ ພ້ອມດ້ວຍຄະນະປະຈໍາພັກແຂວງ, ກໍາມະການພັກແຂວງ, ຫົວໜ້າພະແນກ, ເຈົ້າເມືອງ ແລະຈາກບັນດາພາກສ່ວນທີ່ກ່ຽວຂ້ອງອ້ອມຂ້າງແຂວງ ເຂົ້າຮ່ວມຕ້ອນຮັບດ້ວຍບັນຍາກາດເຕັມໄປດ້ວຍຄວາມສາມັກຄີມິດຕະພາບແບບພິເສດອັນອົບອຸ່ນ.

1      ຕອນເຊົ້າເວລາ 7:30 ນາທີ  ຂອງວັນທີ 04 ສິງຫາ 2015ຄະນະຜູ້ແທນຂັ້ນສູງທັງສອງຝ່າຍ ອຸດົມໄຊ-ເຊີນລາ ໄດ້ເຂົ້າວາງພວງມາລາທີ່ ອານຸສາວະລີນ້ໍາໃຈສາມັກຄີສູ້ຮົບ ລາວ-ຫວຽດນາມ ບ້ານມອນໃຕ້ ເມືອງໄຊ.

      ເວລາ 08:00 ນາທີ ຂອງວັນທີ 04 ສິງຫາ 2015 ຄະນະຜູ້ແທນຂັ້ນສູງທັງສອງຝ່າຍເຂົ້າຮ່ວມພິທີພົບປະ ແລະ ເຮັດວຽກທີ່ຫ້ອງປະຊຸມຊັ້ນ 3 ຫ້ອງວ່າການປົກຄອງແຂວງ, ຄະນະຜູ້ແທນຂັ້ນສູງ ແຂວງອຸດົມໄຊ ນໍາໂດຍສະຫາຍ ຄໍາຫຼ້າ ລິ້ງນະສອນ ກໍາມະການສູນກາງພັກ ເລຂາພັກແຂວງ ເຈົ້າແຂວງ, ແຂວງອຸດົມໄຊ ພ້ອມດ້ວຍຄະນະລວມ 27 ສະຫາຍ, ຍິງ 03 ສະຫາຍ ( ມາຈາກພາກສ່ວນທີ່ກ່ຽວຂ້ອງຕ່າງໆອ້ອມແຂວງ ), ຄະນະຜູ້ແທນຂັ້ນສູງ ແຂວງເຊີນລາ ນຳໂດຍສະຫາຍ ຮວ່າງວັນເຈິດ ເລຂາພັກແຂວງ ປະທານສະພາປະຊາຊົນແຂວງເຊີນລາ ພ້ອມດ້ວຍຄະນະລວມ 25 ສະຫາຍ, ຍິງ 05, (ມາຈາກພາກສ່ວນທີ່ກ່ຽວຂ້ອງຕ່າງໆ)

       ພິທີພົບປະ, ຕາງໜ້າຄະນະຜູ້ແທນສອງຝ່າຍໄດ້ຜັດປ່ຽນກັນແຈ້ງສະພາບ, ຈຸດພິເສດຂອງແຂວງ ແລະ ການພັດທະນາເສດຖະກິດ – ສັງຄົມ, ວຽກງານ ປກຊ-ປກສ, ວຽກງານຊີ້ນໍາ, ນໍາພາພັດທະນາເສດຖະກິດ-ສັງຄົມ ເຊິ່າກັນ ແລະ ກັນ ໃຫ້ສອງຝ່າຍຮັບຮູ້, ພ້ອມກັນສະຫຼຸບຕີລາຄາສະພາບການຮ່ວມມືໃນຊຸມປີຜ່ານມາ 2013 – 2015, ໄດ້ເອກະພາບກັນທິດທາງການຮ່ວມມື ປີ 2015 – 2017 ແລະ ພ້ອມກັນປະຕິບັດຕາມບົດບັນທຶກຊ່ວຍຈໍາລະ ຫວ່າງແຂວງອຸດົມໄຊ – ແຂວງເຊີນລາ ໃຫ້ປະກົດຜົນເປັນຈິງ ແລະ ຈະເລີນງອກງາມຕະຫຼອດໄປ.
ການພົບປະປືກສາຫາລືຄັ້ງນີ້ ສອງແຂວງອຸດົມໄຊ-ເຊີນລາ ໄດ້ເຊັນບົດບັນທຶກຊົງຈໍາຮ່ວມກັນ,ໃນການມາເຮັດວຽກຄັ້ງນີ້, ແຂວງເຊີນລາ ແຫ່ງ ສສ ຫວຽດນາມ ໄດ້ມອບເງິນຊ່ວຍເຫຼືອໃນການກໍ່ສ້າງ 01 ໂຄງການໃຫ້ ແຂວງອຸດົມໄຊ ຈຳນວນ 5.000.000.000 ຕີື້ດົງ (ຫ້າຕື້ດົງ), ການປະຕິບັດໂຄງການ ສອງປີ ( 2015 – 2016 ) ແລະ
ມອບເງິນຊ່ວຍເຫຼືອເຄື່ອງອຸປະກອນຮັບໃຊ້ຫ້ອງການ ໃຫ້ຫ້ອງວ່າການປົກຄອງແຂວງ ແລະ ພະແນກການຕ່າງປະເທດແຂວງອຸດົມໄຊ ຈໍານວນມູນຄ່າ 100 ລ້ານດົງ, ພິທີພົບປະດໍາເນີນຮອດ ເວລາ 10: 15 ນາທີ ກໍ່ໄດ້ກ່າວປິດລົງຢ່າງເປັນທາງການເຕັມໄປດ້ວຍອັນບັນຍາກາດໄມຕີຣຈິດ, ມິດຕະພາບແບບພິເສດອັນອົບອຸ່ນ.

       ເວລາ 12:00 ນາທີ ພິທີສົ່ງຄະນະຜູ້ແທນຂັ້ນສູງຢ່າງເປັນທາງການຢູ່ທີ່ໂຮງແຮມມິດຕະພາບ ນໍາໂດຍສະຫາຍ ຄໍາຫຼ້າ ລິ້ງນະສອນ ກໍາມະການສູນກາງພັກ ເລຂາພັກແຂວງ ເຈົ້າແຂວງ, ແຂວງອຸດົມໄຊ ພ້ອມດ້ວຍຄະນະ ທຸກພາກສ່ວນທີ່ກ່ຽຂ້ອງອ້ອມຂ້າງແຂວງ ເປັນຈໍານວນຫຼວງຫຼາຍເຕັມໄປດ້ວຍອັນບັນຍາກາດໄມຕີຣຈິດ, ມິດຕະພາບແບບພິເສດສົດຊື່ນ.  

                                                                                            

          

ເຂົ້າຮ່ວມກອງປະຊຸມທາບທາມ ແລະ ພິທີເປີດງານສະແດງ ແລະ ຈໍາໜ່າຍສິນຄ້າຊາຍແດນ ຢ …

ຕອນແລງຂອງວັນທີ 6 / 5 / 2015 ຄະນະທິມງານໄດ້ເດີນທາງຈາກ ແຂວງອຸດົມໄຊ ແລະ ໃນເວລາ 4 ໂມງ ແລງຂອງວັນທີ 7 / 5 / 2015  ຄະນະທິມງານ ແຂວງອຸດົມໄຊ ໄດ້ຮັບການຕ້ອນຮັບໂດຍ ທ່ານ ຣອງສຸວິຊາ ແກ້ວມະນີ ຮອງເຈົ້າແຂວງ ແລະ ທ່ານ ນ. ວະນິດາ ທີບສັກ ຫົວໜ້າ ພະແນກ ການຄ້າ ແຂວງພະເຍົາ ພ້ອມດ້ວຍຄະນະ ແລະ ທິມງານດ້ວຍຄວາມອົບອຸ່ນ.

          ຕອນເຊົ້າຂອງວັນທີ 08 ພືດສະພາ  2015 ເວລາ 9: 00 ນາທີ ຄະນະຜູ້ແທນ ວິຊາການ ແຂວງອຸດົມໄຊຈຳນວນ 07 ທ່ານ ໄດ້ເຂົ້າຢ້ຽມຄໍານັບ  ທ່ານ ຊູຊາດ ກິລາແປງ ເຈົ້າແຂວງ ແຂວງພະເຍົາ ພ້ອມດ້ວຍຄະນະ ທີ່ຫ້ອງຮັບແຂກ ສາລາກາງ ແຂວງພະເຍົາ ເພື່ອແຈ້ງຈຸດປະສົງໃນການມາຢ້ຽມຢາມ ແລະ ເຮັດວຽກໃນຄັ້ງນີ້, ຈາກນັ້ນ ເວລາ 9:50 – 12:20 ນາທີ ຄະນະທິມງານວິຊາການຝ່າຍລາວໄດ້​​ເຂົ້າພົບປະແລກປ່ຽນບົດຮຽນດ້ານວິຊາການກັບ ຄະນະທິມງານຝ່າຍໄທ ຢູ່ທີ່ຫ້ອງປະຊຸມ ສາລາກາງ. ໄດ້ຮັບກຽດເປັນ ປະທານ ໂດຍທ່ານ ຣອງສຸວິຊາ ແກ້ວມະນີ ຮອງເຈົ້າແຂວງ ແຂວງພະເຍົາ ມີຈຳນວນຜູ້ເຂົ້າຮ່ວມທັງໝົດ 31 ທ່ານ ; ຍິງ 11 ທ່ານ ( ສ່ວນຫຼວງຫຼາຍຈະເປັນເຈົ້າໜ້າທີ່ຝ່າຍລັດຖະບານ ).

         ເນື້ອໃນກອງປະຊຸມທັງສອງຝ່າຍ ປືກສາຫາລື ແລກປ່ຽນກັນມີດັ່ງນີ້:

  1. ແລກປ່ຽນຂໍ້ມູນຂ່າວສານກ່ຽວກັບການພັດທະນາທາງດ້ານເສດຖະກິດ,ວັດທະນາທໍາ
  2. ປຶກສາຫາລືກ່ຽວກັບການຮ່ວມມືທາງດ້ານວິຊາການກໍ່ຄືການພັດທະນາບຸກຄະລາກອນ ແລະ ຍົກສູງຄຸນນະພາບທາງດ້ານສີມືແຮງງານ, ການພະລິດເປັນສິນຄ້າ ແລະ ທາງດ້ານກະສິກໍາ.
  3. ການວາງສະແດງຕະຫຼາດນັດສິນຄ້າຮ່ວມກັນຂອງສອງແຂວງ ຫຼື່ ຫຼາຍກວ່ານັ້ນ.( ອຸດົມ
  4. ຂົງເຂດການສຶກສາ, ສາທາລະນະສຸກ ແລະ ການສຶກສາ ຊັ້ນສູງ.
  5. ການແລກປ່ຽນຄະນະຜູ້ແທນຂັ້ນສູງ ແຂວງອຸດົມໄຊ ແລະ ແຂວງພະເຍົາ..
  • ຜົນຂອງການພົບປະແລກປ່ຽນບົດຮຽນ

ແຂວງພະເຍົາເຫັນດີພ້ອມທີ່ຈະຮ່ວມມືຊ່ວຍເຫຼື່ອເຊິ່ງກັນ ແລະ ກັນ ທັງ 05 ບັນຫາ ທີ່ກ່າວມາຂ້າງເທີງນີ້. ໂດຍທີ່ຝ່າຍວິຊາການ ແຂວງອຸດົມໄຊ ຈະໄດ້ນຳສະເໜີຕໍ່ການນຳຂັ້ນສູງຂອງແຂວງ, ຖ້າວ່າເຫັນດີແລ້ວ ກໍ່ມອບໃຫ້ຂະແໜງການທີ່ກ່ຽວຂ້ອງທັງສອງແຂວງສືບຕໍ່ພົວພັນຮ່ວມມືຊ່ວຍເຫຼືອເຊິ່ງ ແລະ ກັນ.

          ກອງປະຊຸມໄດ້ປືກສາຫາລືການເຊື່ອມຄວາມສໍາພັນ ລະຫວ່າງ ແຂວງອຸດົມໄຊ – ແຂວງພະເຍົາ ໃຊ້ເວລາ 1 ຕອນ ຮອດເວລາ 12: 20 ນາທີ ພິທີກອງປະຊຸມກໍ່ໄດ້ກ່າວປິດລົງຢ່າງເປັນທາງການດ້ວຍຜົນສຳເລັດອັນຈົບງາມ.

ຈາກນັ້ນກໍ່ໄດ້ຮັບການລ້ຽງອາຫານທ່ຽງຈາກ ທ່ານ ຣອງສຸວິຊາ ຮອງເຈົ້າແຂວງ ແຂວງພະເຍົາ ຜູ້ຊີ້ນຳວຽກງານຂົງເຂດ ວັດທະນາທຳ ແລະ ສັງຄົມ

ກອງປະຊຸມຄະນະກໍາມະການຊາຍແດນຮ່ວມ ລາວ-ຈີນ ຄັ້ງທີ XIII

           ກອງປະຊຸມຄະນະກໍາມະການຊາຍແດນຮ່ວມ ລາວ-ຈີນ ຄັ້ງທີ XIII ໄດ້ຈັດຂຶ້ນໃນລະຫວ່າງວັນທີ 11-15 ພຶດສະພາ 2015, ທີ່ນະຄອນຫຼວງວຽງຈັນ, ໂດຍການເປັນປະທານຮ່ວມຂອງ ສະຫາຍ ແພງສະຫວັນ ແກ້ວປະເສີດ,​ ຫົວໜ້າຫ້ອງການຄະນະກໍາມະການຊາຍແດນແຫ່ງຊາດ, ກະຊວງການ ຕ່າງປະເທດ ແຫ່ງ ສປປ ລາວ, ​ທັງເປັນຫົວໜ້າຄະນະກໍາມະການຊາຍແດນຮ່ວມ ລາວ-ຈີນ ແລະ ສະຫາຍ ເຫີ ເຫວີ່ຍ, ຮອງຫົວໜ້າກົມກິດຈະການຊາຍແດນ ແລະ ທະເລ, ກະຊວງການຕ່າງປະເທດ ແຫ່ງ ສປ ຈີນ, ທັງເປັນຫົວໜ້າຄະນະກໍາມະການຊາຍແດນຮ່ວມ ຈີນ-ລາວ.ໃນກອງປະຊຸມຄັ້ງນີ້, ສອງຝ່າຍໄດ້ສະແດງຄວາມປິຕິຍິນດີ ຕໍ່ສາຍພົວພັນອັນດີງາມຂອງທັງສອງ ປະເທດທີ່ໄດ້ມີ​ການຂະຫຍາຍຕົວຂຶ້ນສູ່ລະດັບສູງ ໂດຍສະເພາະຢ່າງຍິ່ງ ແມ່ນການ​​ແລກປ່ຽນຢ້ຽມ ຢາມຢ່າງເປັນທາງການ​ເຊິ່ງກັນ ​ແລະ ກັນ​ ຂອງ​ຄະນະ​ຜູ້​ແທນ​ຂັ້ນ​ສູງ​ຂອງ​ພັກ​-ລັດ.
        ໃນ​ກອງ​ປະຊຸ​ມຄັ້ງນີ້ສອງຝ່າຍ ໄດ້ພ້ອມກັນສັງເກດຕີລາຄາຄືນ ຜົນການຈັດຕັ້ງປະຕິບັດເນື້ອໃນບົດ ບັນທຶກກອງປະຊຸມຄະນະກໍາມະການຊາຍແດນຮ່ວມ ລາວ-ຈີນ ຄັ້ງທີ XII ໃນໄລຍະຜ່ານມາ, ເຊິ່ງທັງສອງຝ່າຍໄດ້ເຫັນດີເປັນເອກະພາບກັນວ່າ ສະພາບຕາມບໍລິເວນຊາຍແດນ ແມ່ນມີຄວາມ ສະຫງົບໂດຍພື້ນຖານ, ​ໄດ້​ມີການຮ່ວມມື, ຄຸ້ມຄອງ ແລະ ປະຕິບັດກົດໝາຍ​ເປັນ​ຢ່າ​ງດີ. ການຮ່ວມ ມືຂັ້ນສູນກາງ ແລະ ທ້ອງຖິ່ນຂອງ ທັງສອງຝ່າຍກໍໄດ້ມີການຂະຫຍາຍຕົວ​ສູງ, ໄດ້​ມີ​ການພົບ ປະກັນຢ່າງເປັນປົກກະຕິ, ໄດ້ຮ່ວມສະກັດກັ້ນ ແລະ ແກ້ໄຂປະກົດການຫຍໍ້ທໍ້, ເປັນຕົ້ນແມ່ນ ການຄ້າຂາຍເຖື່ອນ, ການຄ້າຂາຍຢາເສບຕິດ, ຊຶ່ງໄດ້ຮັບໝາກຜົນຂຶ້ນເທື່ອລະກ້າວ. ນອກຈາກນັ້ນ, ສອງຝ່າຍຍັງໄດ້ມີ​ການ​ຊ່ວຍ​ເຫຼືອ​ເຊິ່ງກັນ ​ແລະ ​ກັນ, ​ໄດ້ຮ່ວມກັນຊຸກຍູ້ສົ່ງເສີມທາງ​ດ້ານເສດ ຖະກິດ, ການຄ້າ ແລະ ສົ່ງເສີມການທ່ອງທ່ຽວ ຕາມບໍລິເວນຊາຍແດນໃຫ້ນັບມື້ນັບມີ​ການຂະຫຍາຍຕົວ ຢ່າງບໍ່ຢຸດຢັ້ງ. ສອງຝ່າຍໄດ້ເປັນເອກະພາບກັນ ກ່ຽວກັບມາດຕະການສະກັດກັ້ນບັນຫາປະກົດການ ຫຍໍ້ທໍ້ ທີ່ເກີດຂຶ້ນຕາມບໍລິເວນຊາຍແດນ ລາວ-ຈີນ ໃຫ້ທັນການ ແລະ ມີປະສິດທິຜົນຫຼາຍກວ່າເກົ່າ. ພ້ອມກັນນັ້ນ, ສອງຝ່າຍ ຍັງ​ໄດ້ປຶກສາ​ຫາລືປັບປຸງກົນໄກການເຮັດວຽກຢູ່ດ່ານສາກົນ ບໍ່ເຕັນ-ບໍ່ຫານ ​ເພື່ອ​ອໍານວຍ​ຄວາມ​ສະດວກ​ໃຫ້ການເຂົ້າ-ອອກ ຂອງຄົນ ​ແລະພາຫະນະໃຫ້ມີຄວາມສະດວກ.
        ຜົນສໍາເລັດຂອງກອງປະຊຸມຄັ້ງນີ້ ເປັນການປະກອບສ່ວນອັນສໍາຄັນ​ເຂົ້າໃນການເພີ່ມທະວີສາຍ ພົວພັນມິດຕະພາບ ແລະ ການຮ່ວມມືຖານບ້ານໃກ້ເຮືອນຄຽງ ທີ່ມີມູນເຊື້ອອັນດີງາມ ລະຫວ່າງ ສອງປະເທດທີ່ມີມາແຕ່ບູຮານນະການ, ທັງເປັນການປະກອບສ່ວນເຂົ້າໃນການປົກປັກຮັກສາ ​ແລະ ສ້າງເສັ້ນຊາຍແດນຂອງສອງປະເທດ ໃຫ້ກາຍເປັນເສັ້ນຊາຍແດນແຫ່ງ ສັນຕິພາບ, ມິດຕະພາບ ແລະ ການຮ່ວມມືອັນຍາວນານຕະຫຼອດການ.