ພິທີໃຫ້ທິດໂອ້ລົມຂອງທ່ານເພັດສາຄອນ ຫຼວງອາໄພ ເຈົ້າແຂວງ ແຂວງອຸດົມໄຊ

ຕອນເຊົ້າເວລາ 9:00 ນາທີຂອງວັນທີ 4 ສີງຫາ 2016 ພະແນກການຕ່າງປະເທດແຂວງອຸດົມໄຊ ໄດ້ເຂົ້າຮ່ວມ ພິທີໃຫ້ທິດໂອ້ລົມຂອງ ທ່ານເພັດສາຄອນຫຼວງອາໄພເລຂາພັກແຂວງ, ເຈົ້າແຂວງ, ແຂວງອຸດົມໄຊຕໍ່ກັບສະມາຊີກພັກ – ພະນັກງານລັດຖະກອນພະແນກການຕ່າງປະເທດ ພິທີດັ່ງກ່າວມີຜູ້ເຂົ້າຮ່ວມທັງໝົດ 31 ສະຫາຍ, ຍີງ  9 ອ່ານເພີ່ມເຕີມ »

ພີທີ ມອບຮັບໜ້າທີໃຫ້ແກ່ຄະນະບໍລິຫານງານພັກແຂວງຜູ້ເກົ່າ-ຜູ້ໃໝ່,ຫົວໜ້າພະແນກການ, ອົງການອ້ອມຂ້າງແຂວງຈຳນວນໜຶ່ງ

ທີມອບ-ຮັບຄະນະບໍລິຫານງານພັກແຂວງ, ຫົວໜ້າພະແນກ ແລະ ອົງການຈັດຕັ້ງ ໄດ້ໄຂຂື້ນໃນຕອນແລງຂອງວັນທີ 14 ມີນາ 2016 ທີ່ຫ້ອງປະຊຸມຫ້ອງວ່າການປົກຄອງແຂວງອຸດົມໄຊ ໃຫ້ກຽດເປັນປະທານໂດຍ ທ່ານ ເພັດສາຄອນ ຫຼວງອາໄພ ກຳມະການສູນກາງພັກ, ເລຂາພັກແຂວງ ເຈົ້າແຂວງໆອຸດົມໄຊ. ອ່ານເພີ່ມເຕີມ »

ອວຍພອນຄະນະກອງບັນຊາການທະຫານແຂວງເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 67 ປີ

    ເວລາ 2: 30 ນາທີ ຂອງວັນທີ 19 / 01 / 2016  ອ່ານເພີ່ມເຕີມ »

ຄະນະ ພຕທ ເຂົ້າຮ່ວມເນື່ອງໃນໂອກາດການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ 20 ມັງກອນຢູ່ກອງຮ້ອຍ ຄໍ 141 ທະຫານຊາຍແດນທີ່ເມືອງນາໝໍ້

​            ໃນ​ຕອນ​ເຊົ້າ​ຂອງ​ວັນ​ທີ 23 / 01 / 2015 ຄະ​ນະ​ແນ​ກການ​ຕ່າງປະ​ເທດ​ ​ແຂວງອຸດົມ​ໄຊ ພ້ອມ​ດ້ວຍ​ພະນັກ​ງານ​ວິຊາ​ການ​ໄດ້​ເດີນທາງ​ໄປ​​ຮ່ວມ​​ການສະ​ເຫຼີ​ມສະຫຼອງວັນສ້າງຕັ້ງກອງທັບປະຊາຊົນລາວ ອ່ານເພີ່ມເຕີມ »

ໜ່ວຍງານຄົ້ນຄ້ວາແຜນຍຸດທະສາດການພັດທະນາເສດຖະກິດມອບເຄື່ອງໃຫ້ກອງ ບັນຊາການ ປກຊ ແຂວງອຸດົມໄຊ

     ໃນວັນທີ 22 ມີນາ 2014 ໜ່ວຍງານຄົ້ນຄ້ວາແຜນຍຸດທະສາດການພັດທະນາເສດ ຖະກິດສູນກາງໄດ້ມອບເຄື່ອງໃຊ້ຫ້ອງການມອບໂດຍທ່ານບົວສອນ ບຸບຜາວັນ ແລະ ຕາງໜ້າຮັບໂດຍທ່ານ ພົຈວ ຈັນທະວອນໄຊຍະຜົງ ຫົວໜ້າກອງບັນຊາ ການ ອ່ານເພີ່ມເຕີມ »

ຄະນະຜູ້ແທນຂັ້ນສູງ ແຂວງລາຍເຈົ່າ ແຫ່ງ ສສ ຫວຽດນາມ ມາຢ້ຽມຢາມ ແລະ ເຮັດວຽກກັ …

ຕອນເຊົ້າ ເວລາ 08:00 ຂອງວັນທີ 28 ເມສາ 2015 ຄະນະຜູ້ແທນຂັ້ນສູງທັງສອງຝ່າຍເຂົ້າຮ່ວມພິທີພົບປະ ແລະ ເຮັດວຽກທີ່ຫ້ອງປະຊຸມຊັ້ນ 3 ຫ້ອງວ່າການປົກຄອງແຂວງ.

ຄະນະຜູ້ແທນຂັ້ນສູງ ແຂວງອຸດົມໄຊ ນຳໂດຍທ່ານ ຄຳພຽງ ຍາຈົງວາ ຮອງເລຂາພັກແຂວງ ປະທານກວດກາພັກ – ລັດແຂວງ ພ້ອມດ້ວຍຄະນະລວມ 22 ສະຫາຍ. (ມາຈາກພາກສ່ວນທີ່ກ່ຽວຂ້ອງຕ່າງໆ).

ຄະນະຜູ້ແທນຂັ້ນສູງ ແຂວງລາຍເຈົ່າ ນຳໂດຍທ່ານ ໂດ໊ຫງ໋ອກອ່ານ ຮອງເລຂາຜູ້ປະຈຳການພັກແຂວງລາຍເຈົ່າ ພ້ອມດ້ວຍຄະນະລວມ 15 ສະຫາຍ. (ມາຈາກພາກສ່ວນທີ່ກ່ຽວຂ້ອງຕ່າງໆ).

ພິທີພົບປະ, ຕາງໜ້າຄະນະຜູ້ແທນສອງຝ່າຍໄດ້ຜັດປ່ຽນກັນແຈ້ງສະພາບ, ຈຸດພິເສດຂອງແຂວງ ແລະ ການພັດທະນາເສດຖະກິດ – ສັງຄົມໃນຊຸມປີຜ່ານມາ, ພ້ອມກັນປະຕິບັດຕາມບົດບັນທຶກຊ່ວຍຈໍາລະຫວ່າງ ແຂວງອຸດົມໄຊ – ແຂວງລາຍເຈົ່າ ໃຫ້ປະກົດຜົນເປັນຈິງ ແລະ ຈະເລີນງອກງາມຕະຫຼອດໄປ.
ບັນຍາກາດການພົບປະ:

  

ການພົບປະປືກສາຫາລືຄັ້ງນີ້ມີບັນຍາກາດເຕັມໄປດ້ວຍໄມຕີຣຈິດມິດຕະພາບດ້ວຍຈິງໃຈລາຍງານສູ່ກັນຟັງ, ຜູ້ແທນທັງສອງຝ່າຍມີຄວາມເຂົ້າໃຈເຊິ່ງກັນ ແລະ ກັນເຖິງວ່າການພົບປະຄັ້ງນີ້ບໍ່ມີບົດບັນທຶກຊ່ວຍຈຳນຳກັນສອງຝ່າຍກໍ່ຕາມ, ແຕ່ຄະນະຜູ້ແທນທັງສອງຝ່າຍໄດ້ພ້ອມກັນທົບທວນຄືນບົດບັນທຶກທີ່ໄດ້ລົງນາມເຊັນນຳກັນໃນໄລຍະຜ່ານມາເຫັນວ່າຍັງຫຼາຍດ້ານທີ່ຄວນເອົາໃຈໃສ່ປະຕິບັດໃຫ້ປະກົດຜົນເປັນຈິງ,ຮຽກຮ້ອງທຸກພາກສ່ວນ,ຂະແໜງການເອົາໃຈໃສ່ຖອດຖອນບົດຮຽນ

ນໍາກັນ, ພົບປະຊ່ວຍເຫຼືອກັນພ້ອມກັນພັດທະນາຢ່າງໝັ້ນຄົງ.

          ໃນການມາເຮັດວຽກຄັ້ງນີ້, ນະຄອນລາຍເຈົ່າ ແຂວງລາຍເຈົ່າ ໃນນາມແຮກສ່ຽວລະຫວ່າງ ເມືອງໄຊ ກັບນະຄອນລາຍເຈົ່າ, ນະຄອນລາຍເຈົ່າ ໄດ້ມອບເງິນຊ່ວຍເຫຼືອ ໃຫ້ ເມືອງໄຊ ຈຳນວນ 1.500.000.000 ລ້ານດົງ (ໜຶ່ງຕື້ຫ້າຮ້ອຍລ້ານດົງ) ເພື່ອກໍ່ສ້າງ ໂຮງຮຽນ ມສ ນ້ໍ້າແຫງ ເມືອງໄຊ ແຂວງອຸດົມໄຊ ພ້ອມທັງ ຄອມພິວເຕີໂນດບຸກຈຳນວນ 4 ເຄື່ອງເພື່ອນຳໄປໃຊ້ໃນຂົງເຂດການບໍລິຫານ ໂຮງຮຽນ ດັ່ງກ່າວຕາມການສະ   ເໜີຂອງໂຮງຮຽນ ແລະ ໄດ້ມອບເງິນຊ່ວຍເຫຼືອຈຳນວນ 200 ລ້ານດົງເພື່ອຊື້ຄອມພິວເຕີຈຳນວນ 20 ຊຸດໃຫ້ຄະນະປະຈຳພັກແຂວງ ຫ້ອງວ່າການປົກຄອງ, ພະແນກການຕ່າງປະເທດ ແຂວງອຸດົມໄຊ.

ຕອນບ່າຍ ເວລາ 13:00 ຄະນະຜູ້ແທນຂັ້ນສູງທັງສອງຝ່າຍໄດ້ເດີນທາງໄປທີ່ ໂຮງຮຽນ ມສ ນ້ຳແຫງ ເພື່ອສຳຫຼວດຈຸດທີ່ຈະສ້າງ ໂຮງຮຽນຫຼັງດັ່ງກ່າວ ແລະ ກໍ່ໄດ້ຮັບການຕ້ອນຮັບຈາກຄະນະອຳນວຍການໂຮງຮຽນນ້ຳແຫງ, ນັກຮຽນ ແລະ ປະຊາຊົນເຂດດັ່ງກ່າວຢ່າງເອົາໃຈໃສ່, ຫຼັງຈາກນັ້ນ ກໍ່ໄດ້ເດີນທາງໄປທ່ຽວຊົມທຳມະຊາດອັນແສນງາມທີ່ ຖ້ຳຈອມອອງ ເມືອງໄຊ ແຂວງອຸດົມໄຊ.

ຕອນແລງ ເວລາ 19:00 ໄດ້ມີພິທີບາສີສູ່ຂັວນ, ງານລ້ຽງຕ້ອນຮັບ – ສົ່ງ ຄະນະຜູ້ແທນຂັ້ນສູງ ແຂວງລາຍເຈົ່າ ທີ່ ຫ້ອງອາຫານໂຮງແຮມມິດຕະພາບ ໂດຍການເຂົ້າຮ່ວມຂອງ ທ່ານ ຄຳພຽງ ຍາຈົງວາ ຮອງເລຂາພັກແຂວງ ປະທານກວດກາພັກ – ລັດແຂວງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມຈຳນວນຫຼວງຫຼາຍ, ຄະນະຜູ້ແທນສອງຝ່າຍກໍ່ໄດ້ແລກປ່ຽນວັນນະຄະດີ ຢ່າງມ່ວນຊື່ນ ແລະ ເປັນກັນເອງ.

ພະແນກການຕ່າງປະເທດໄດ້ສ້າງຂະບວນການແຂ່ງຂັນກິລາເປຕັງຊີງຂັນເຈົ້າແຂວງ,ແຂວ …

​            ວັນ​ທີ 6 ມີນາ 2015 ພະ​ແນ​ກການ​ຕ່າ​ງ​ປະ​ເທດ ສ້າງ​ຂະ​ບວນການ​ແຂ່ງຂັນ​ກິລາ​ເປ​ຕັງ ຊີງ​ຂັນ​ເຈົ້າ​ແຂວງ ​ແຂວງ​ອຸດົມ​ໄຊ ​ແລະ ຫົວໜ້າ​ພະ​ແນ​ກການ​ຕ່າງປະ​ເທດ ​ແຂວງ​ອຸດົມ​ໄຊ ​ເພື່ອ​ຂ່ຳນັບ​ຮັບ​ຕ້ອນ​ກອງ​ປະຊຸມ​ໃຫຍ່ 05 ປີ ຂອງ​ພະ​ແນ​ກການ​ຕ່າງປະ​ເທດ, ​ເນື່ອງ​ໃນ​ໂອ​ກາດ​ສະ​ເຫຼີ​ມສະຫຼອງ​ສອງ​ວັນ​ປະຫວັດສາດ​ຄື: ວັນ​ສ້າງ​ຕັ້ງ​ວັນ​ແມ່ຍິງ​ສາກົນ ວັນ​ທີ 08 ມີນາ ຄົບຮອບ 105 ປີ ​ແລະ ວັນ​ສ້າງ​ຕັ້ງ​ພັກ​ປະຊາຊົນ​ປະຕິວັດ​ລາວ ຄົບຮອບ 60 ປີ      ( ວັນ​ທີ 22 ມີນາ 1955 – ວັນ​ທີ 22​ ມີນາ 2015 )​, ວັນສ້າງຕັ້ງອົງຄະນະພັກ​ແຂວງ​ອຸດົມ​ໄຊ ຄົບ​ຮອບ 60ປີ ​ໂດຍ​ມີ​ນັກ​ກິລາ​ເຂົ້າ​ຮ່ວມ​ທັງ​ໝົດ​ຈຳນວນ 5 ພາກສ່ວນ​ຄື: ພະ​ແນ​ກການ​ຕ່າງປະ​ເທດ, ຫ້ອງ​ວ່າການ​ປົກຄອງ​ແຂວງ, ​ໂຮງຮຽນ​ການ​ເມືອງ​ການ​ປົກຄອງ​ແຂວງ, ພະ​ແນ​ກຊາຍ​ແດນ-ກອງຮ້ອຍ 141 (ປກຊ ​ແຂວງ) ​ແລະ ທະນາຄານ​ແຫ່ງ​ ສປປ ລາວ​ພາກ​ເໜືອ​ທີ່​ແຂ​ວງອຸດົມ​ໄຊ ຜ່ານ​ການ​ແຂ່ງຂັນ​ເປັນ​ເວລາ 1 ວັນ ​ເຊີ່ງມີ​ບັນຍາກາດ​ເຕັມ​ໄປ​ດ້ວຍ​ຄວາມ​ສາມັກຄີ​ນ້ຳ​ໃຈ​ນັກ​ກິລາ, ຜົນ​ການ​ແຂ່ງຂັນ​ປະ​ເພດ​ທີ​ມຊາຍ ​ລາງວັນ​ທີ I ແມ່ນ​ພະ​ແນ​ກການ​ຕ່າງປະ​ເທດ​ແຂວງ​ໄດ້​ຮັບ​ຂັນ​ເງິນຂອງ​ທ່ານ​ເຈົ້າ​ແຂວງ​ອຸດົມ​ໄຊ ພ້ອມ​​ເງິນລາງວັນ​ ຈຳນວນ 500.000ກີບ ​ແລະ ປະ​ເພດທີ​ມຍີ​ງລາງວັນ​ທີ I ​ແມ່ນ​ໂຮງຮຽນ​ການ​ເມືອງ​ການ​ປົກຄອງ ​​ໄດ້​ຮັບ​ຂັນ​ເງິນ​ຂອງ​ຫົວໜ້າ​ພະ​ແນ​ກການ​ຕ່າງປະ​ເທດ ​ແຂວງ​ອຸດົມ​ໄຊ ພ້ອມ​​ເງິນລາງວັນ​ ຈຳນວນ 500.000ກີບ.


            ​

ພະແນກການຕ່າງປະເທດ ແຂວງອຸດົມໄຊ ໄດ້ເປີດກອງປະຊຸມເຜີຍແຜ່ບັນດາເອກະສານສຳຄັ …

ໃນຕອນແລງເວລາ 1:10 ນາທີຂອງວັນທີ 26 ກຸມພາ 2015 ທີ່ຫ້ອງປະຊຸມຂອງພະແນກການຕ່າງປະເທດແຂວງອຸດົມໄຊ ໄດ້ເປີດກອງປະຊຸມເຜີຍແຜ່ເອກະສານສຳຄັນຂອງພັກ ແລະ  ລະບຽບກົດໝາຍຂອງສະຫະພັນກຳມະບານ

 ໂດຍການເປັນປະທານຂອງ ທ່ານ ວັນນາ ແກ້ວສັນຕິ, ເລຂາໜ່ວຍພັກ ຫົວໜ້າພະແນກການຕ່າງປະເທດແຂວງອຸດົມໄຊ ພ້ອມດ້ວຍຄະນະພະແນກ ແລະ ທ່ານ ບຸນແກ້ວ ສຸລິວົງ ຫົວໜ້າໂຄສະນາອົບຮົມສື່ມວນຊົນ ຂອງສະຫະພັນກຳມະບານແຂວງອຸດົມໄຊ ພ້ອມຄະນະທີມງານຂອງສະຫະພັນກຳມະບານແຂວງ. ພະນັກງານ-ລັດຖະກອນ ສັນຍາແຮງງານ, ພະນັກງານອາສາສະໝັກ ແລະ ພະນັກງານຝຶກງານເຂົ້າຮ່ວມທັງໝົດ 21 ສະຫາຍ, ຍິງ06 ສະຫາຍ, ກອງປະຊຸມໄດ້ດຳເນີນເປັນເວລາ 01​ ຕອນ.

vຈຸດປະສົງ:
ກອງປະຊຸມເຜີຍແຜ່ບັນດາເອກະສານທີ່ສຳຄັນຂອງພັກຄັ້ງນີ້ໄດ້ແບ່ງເປັນສອງຂັ້ນຕອນ.

  1. ຄະນະໜ່ວຍພັກ, ຄະນະພະແນກການຕ່າງປະເທດ ໄດ້ພ້ອມກັນເຜີຍແຜ່ເຊື່ອມຊືມເອກະສານສຳຄັນ

  ຕ່າງໆຂອງພັກ-ລັດມີຄື:

     ເອກະສານໂຄສະນາ-ປາຖະກະຖາການກຳເນີດເກີດຂື້ນ ແລະ ການເຕີບໃຫ່ຍຂະຫຍາຍຕົວຂອງອົງຄະ

   ນະພັກແຂວງອຸດົມໄຊ (ໃນເນື່ອງໃນໂອກາດວັນສ້າງຕັ້ງພັກ ຄົບຮອບ 60 ປີ).

ເຜີຍແຜ່ເອກະສານວັນສ້າງຕັ້ງພັກ ຄົບຮອບ 60 ປີ ( 22/ມີນາ/1955-22/ມີນາ/2015 )

2. ທ່ານ ບຸນແກ້ວ ສຸລິວົງ  ຫົວໜ້າຂະແໜງໂຄສະນະອົບຮົມສື່ມວນຊົນ ຂອງສະຫະພັນກຳມະບານແຂວງ.

     ເຜີຍແຜ່ເອກະສານ ກົດໝາຍວ່າດ້ວຍກຳມະບານ, ກົດລະບຽບຂອງສະມາຊິກກຳມະບານ ແລະ ຮູບການເຄື່ອນໄຫວຂອງສະຫະພັນກຳມະບານ.

ການຕ້ອນຮັບ ທ່ານ ແດນນຽວ ເອ ຄລູນ ເອກອັກຄະລັດຖະທູດ ສະຫະລັດອາເມລິກາ

ໃນລະຫວ່າງວັນທີ 15-16 ກຸມພາ 2015 ທ່ານແດນນຽວເອຄລູນເອກອັກຄະລັດຖະທູດສະຫະລັດອາເມລິກາປະຈຳສາທາລະນະລັດປະຊາທິປະໄຕປະຊາຊົນລາວພ້ອມດ້ວຍພັນລະຍາແລະຄະນະໄດ້ເດີນທາງມາຢ້ຽມຂໍ່ານັບການນຳແຂວງອຸດົມໄຊແລະຕິດຕາມກິດຈະກຳຂອງອົງການອາຫານໂລກທີ່ຈັດຕັ້ງປະຕິບັດຢູ່ບ້ານຈອມອອງເມືອງໄຊແຂວງອຸດົມໄຊໃຫ້ກຽດຕ້ອນຮັບທ່ານພ້ອມດ້ວຍຄະນະໂດຍພະແນກການຕ່າງປະເທດແຂວງອຸດົມໄຊສົມທົບກັບຫ້ອງວ່າການປົກຄອງແຂວງພະແນກສຶກສາທິການແລະກິລາແຂວງແລະການຈັດຕັ້ງເມືອງໄຊ.

ຕອນເຊົ້າຂອງມື້ຕໍ່ມາທ່ານເອກອັກຄະລັດຖະທູດກໍ່ໄດ້ໄປຢ້ຽມຂໍ່ານັບທ່ານຄຳຫຼ້າລິ້ງນະສອນເຈົ້າແຂວງອຸດົມໄຊຫຼັງຈາກນັ້ນກໍ່ໄດ້ເດີນທາງໄປຢ້ຽມຢາມໂຄງການອາຫານເສີມທີ່ຈັດຕັ້ງປະຕິບັດໂດຍອົງການອາຫານໂລກທີ່ໂຮງຮຽນປະຖົມແລະມັດທະຍົມບ້ານຈອມອອງຈາກນັ້ນເພື່ອເປັນກຽດໃຫ້ແຂກຊາວບ້ານຈອມອອງກໍ່ໄດ້ຈັດພິທີບາສີໃຫ້ຄະນະຂອງທ່ານທູດພາຍຫຼັງພິທີບາສີແລ້ວທີມງານຂອງແຂວງເມືອງໄຊຊາວບ້ານຈອມອອງແລະຄະນະທ່ານທູດໄປທ່ຽວຊົມຖ້ຳຈອມອອງທີ່ມີຄວາມສວຍສົດງົດງາມຫາອັນປຽບບໍ່ໄດ້ເຊິ່ງທ່ານທູດພ້ອມດ້ວຍຄະນະແມ່ນມີຄວາມປະທັບໃຈຫຼາຍແລະຈະກັບມາທ່ຽວແຂວງອຸດົມໄຊອີກ.

ຄະນະຜູ້ແທນທະຫານອາສາສະໝັກ, ຊຽວຊານການທະຫານ ແລະ ສະມາຄົມມິດຕະພາບ ຫວຽດນາມ ̵ …

ເວລາ 14:15 ນາທີ ຂອງວັນທີ 07 ພະຈິກ 2015, ຄະນະຜູ້ແທນທະຫານອາສາສະໝັກ, ຊຽວຊານການທະຫານ ແລະ ສະມາຄົມມິດຕະພາບ ຫວຽດນາມ – ລາວ ແຂວງຝູເຖາະ ແຫ່ງ ສສ ຫວຽດນາມ ນໍາໂດຍ ສະຫາຍ ວູ ກວາງຍາກ ຄະນະບໍລິຫານງານສູນກາງສະມາຄົມມິດຕະພາບ ຫວຽດນາມ – ລາວ, ປະທານ ສະມາຄົມມິດຕະພາບ ຫວຽດນາມ – ລາວ ແຂວງຝູເຖາະ ພ້ອມດ້ວຍຄະນະ ລວມທັງໝົດ 44 ສະຫາຍ, ໄດ້ເດີນທາງມາຢ້ຽມຢາມ ແຂວງອຸດົມໄຊ; ພິທີການຕ້ອນຮັບຄະນະຈັດຂື້ນທີ່ໂຮງແຮມມິດຕະພາບ ນໍາໂດຍ ສະຫາຍ ຄໍາພຽງ ຢາຈົງວາ ຮອງເລຂາພັກແຂວງ, ປະທານສະມາຄົມມິດຕະພາບ ລາວ – ຫວຽດນາມ ແຂວງອຸດມໄຊ,

  ພ້ອມດ້ວຍຄະນະທີ່ຖືກແຕ່ງຕັ້ງ, ການເດີນທາງມາຢ້ຽມຢາມ ແຂວງອຸດົມໄຊ ຄັ້ງນີ້ຖືວ່າເປັນຄັ້ງທໍາອິດພາຍຫຼັງທີ່ເຮັດສໍາເລັດໜ້າທີ່ການປະຕິວັດຢູ່ ສປປ ລາວ ໂດຍສະເພາະແມ່ນຢູ່ ແຂວງອຸດົມໄຊ ກໍ່ຄືການຄຽງບ່າຄຽງໄຫຼ່ກັບອ້າຍນ້ອງທະຫານ ແລະ ປະຊາຊົນລາວໃນການຕໍ່ສູ້ຕ້ານກັບຈັກກະພັດຜູ້ຮຸກຮານໃນໄລຍະ 30 ປີກວ່າ ທີ່ຜ່ານມາ.

   ເວລາ 16:00 ນາທີ ຂອງວັນດຽວກັນ ຄະນະຜູ້ແທນໄດ້ເຂົ້າຢ້ຽມຢາມຂ່ຳນັບການນຳພັກ – ອຳນາດການປົກຄອງ ແຂວງອຸດົມໄຊ ທີ່ຫ້ອງປະຊຸມຊັ້ນ 3 ຂອງ ຫ້ອງວ່າການປົກຄອງແຂວງ ຕາງໜ້າການນຳແຂວງ ສະຫາຍ ຄຳພຽງ ຢາຈົງວາ ຮອງເລຂາພັກແຂວງ ປະທານສະມາຄົມມິດຕະພາບ ລາວ – ຫວຽດນາມ ແຂວງອຸດົມໄຊ ໄດ້ໃຫ້ການເຂົ້າຕ້ອນຮັບການເຂົ້າຢ້ຽມຂ່ໍານັບຂອງຄະນະໃນຄັ້ງນີ້ ພ້ອມທັງແຈ້ງສະພາບລວມ ການພັດທະນາເສດຖະກິດ – ສັງຄົມຂອງແຂວງ, ລາຍງານສະພາບການພົວພັນຮ່ວມມືລະຫວ່າງ ແຂວງອຸດົມໄຊ ກັບບັນດາແຂວງຂອງ ສສ ຫວຽດນາມ ໃນໄລຍະຜ່ານມາ, ທ່ານໄດ້ຕີລາສູງຕໍ່ຜົນງານການຊ່ວຍເຫຼືອອັນໃຫຍ່ຫຼວງໃນອາດີດກໍ່ຄືປັດຈຸບັນທີ່ພັກ – ລັດຖະບານ ແລະ ປະຊາຊົນ ຫວຽດນາມ ໃຫ້ແກ່ລາວເວົ້າລວມ ເວົ້າສະເພາະແມ່ນແຂວງອຸດົມໄຊ.

        ທ່ານ ພັອ ວູ ກວາງຍາກ ຫົວໜ້າຄະນະ ໄດ້ກ່າວສະແດງຄວາມຂອບອົກຂອບໃຈຕໍ່ການອຳນວຍຄວາມສະດວກໃຫ້ແກ່ການຕ້ອນຮັບຄະນະຢ່າງອົບອຸ່ນ, ທ່ານຍັງໄດ້ແຈ້ງໃຫ້ຮູ້ວ່າການມາຢ້ຽມຢາມບັນດາແຂວງຂອງ ສປປ ລາວ ໃນຄັ້ງນີ້ແມ່ນເພື່ອມາຢ້ຽມຢາມສະໜາມຮົບເກົ່າໃນອາດີດບັນດາສະຫາຍເຄີຍເປັນອາສາສະໝັກ, ຊ່ຽວຊານການທະຫານຢູ່ບັນດາແຂວງຂອງລາວ ແລະ ໄດ້ກັບຄືນປະເທດຫ່າງຈາກນີ້ປະມານ 40 ກ່ວາປີ.
ເວລາ 16:30 ນາທີ ຄະນະຮັບຜິດຊອບຕ້ອນຮັບແຂກໄດ້ນຳພາຄະນະໄປວາງພວງມາລາຢູ່ອານຸສາວະລີຮ່ວມນ້ຳໃຈສາມັກຄີສູ້ຮົບ ລາວ – ຫວຽດນາມ: 
ຫຼັງຈາກນັ້ນໄດ້ນໍາພາຄະນະໄປທ່ຽວຊົມ ພູທາດໄຊມຸງຄຸນລັດຕະນະມິ່ງເມືອງ, ຊົມຫໍມູນເຊື້ອຂອງແຂວງ ແລະ ທ່ຽວຊົມສະໜາມກິລາແຂວງ, ຕອນຄ່ໍາການນໍາແຂວງໄດ້ຈັດງານລ້ຽງ ຮັບ – ສົ່ງ ຄະນະຢູ່ທີ່ຮ້ານອາຫານໂຮງແຮມມິດຕະພາບ ແລະ ຊົມການສະແດງ, ລໍາວົງລາວເຕັມໄປດ້ວຍຄວາມມ່ວນຊື່ນ.

        ເວລາ 7:25 ນາທີ, ຂອງວັນທີ 8 ພະຈິກ 2015 ຄະນະຮັບຜິດຊອບຕ້ອນຮັບແຂກໄດ້ຈັດສົ່ງຄະນະຢູ່ທີ່ໂຮງແຮມມິດຕະພາບ, ຄະນະໄດ້ເດີນທາງໄປຢ້ຽມຢາມ ແຂວງບໍ່ແກ້ວ, ດ້ວຍຄວາມສະຫວັດດີພາບ.

ຄະນະ ພຕທ ເຂົ້າຮ່ວມເນື່ອງໃນໂອກາດການສະເຫຼີມສະຫຼອງວັນສ້າງຕັ້ງກອງທັບປະຊາ …

​            ໃນ​ຕອນ​ເຊົ້າ​ຂອງ​ວັນ​ທີ 23 / 01 / 2015 ຄະ​ນະ​ແນ​ກການ​ຕ່າງປະ​ເທດ​ ​ແຂວງອຸດົມ​ໄຊ ພ້ອມ​ດ້ວຍ​ພະນັກ​ງານ​ວິຊາ​ການ​ໄດ້​ເດີນທາງ​ໄປ​​ຮ່ວມ​​ການສະ​ເຫຼີ​ມສະຫຼອງວັນສ້າງຕັ້ງກອງທັບປະຊາຊົນລາວ 20 ມັງກອນ​ ຄົບຮອບ 66 ປີ ແລະ ການ​ສະ​ເຫຼີ​ມສະຫຼອງ ​ວັນ​ສ້າງ​ຕັ້ງ ​ກອງຮ້ອຍ ຄໍ 141 ຄົບຮອບ 04 ທະຫານ​ຊາຍ​ແດນ​ທີ່​ເມືອງ​ນາ​ໝໍ້​ແຂວງອຸດົມ​ໄຊ.ການສະ​ເຫຼີ​ມສະຫຼອງ​ວັນ​ສ້າງ​ຕັ້ງ​ດັ່ງກ່າວ​ໄດ້​ມີ​ພິທີ​ມອບ​ຮັບ ​ຫຼຽນ​ໄຊ, ຫຼຽນ​ກາ, ​ໃບ​ຍ້ອງຍໍ​ຜົນງານທີ່ດີເດັ່ນໃນໄລຍະ 01 ປີ ​ແລະ 4 ປີ ​ໃຫ້​ແກ່​ພະນັກງານ​ນັກຮົບ​ກອງ ຄໍ 141 ​ເປັນ​ກຽດ​ເຂົ້າ​ຮ່​ວມ​ໂດຍ ທ່ານ ສົມ​ຈັນ ທະວີ​ວັນ​ຮັກ ຮອງ​ເລຂາພັກ​ເມືອງ, ຮອງ​ເຈົ້າ​ເມືອງ, ​ເມືອງ​ນາ​ໝໍ້ ພ້ອມ​ດ້ວຍ​ພະນັກ​ງານ​ນັກຮົບ, ພະນັກງານ​ລັດ​ຖະກອນ​ ​ແລະ ພໍ່, ​ແມ່ ປະຊາຊົນເມືອງ​ນາ​ໝໍ້ນັບ​ເປັນ​ຈຳນວນ​ຫຼວງ​ຫຼາຍ.

ພະ​ແນ​ກການ​ຕ່າງປະ​ເທດ ​ແຂວງ​ອຸດົມ​ໄຊ ນຳ​ໂດຍ ທ່ານ ວິ​​ໄສ ອິນ​ດາລາ ຮອງ​ຫົວໜ້າ​ພະ​ແນ​ກການ​ຕ່າງປະ​ເທດ ພ້ອມ​ດ້ວຍ​ພະນັກງານ​ຈຳນວນ 05 ທ່ານ​ເຂົ້າ​ຮ່ວມ ​ແລະ ​ໄດ້​ມອບ​ອຸປະກອນ​ເຄື່ອງ​ໃຊ້​ຫ້ອງການ​ຈຳນວນ​ໜື່ງ​ເພື່ອ​ມອບ​ໃຫ້​ເປັນ​ຂອງຂວັນ​ລວມມູນ​ຄ່າ 750.000 ກີບ.

​ໃນ​ພິທີ​ດັ່ງກ່າວ​ໄດ້​ມອບ​ຫຼຽນ​ໄຊ​ແຮງ​ງານ​ຊັ້ນສອງ​ມີ: 03 ສະຫາຍ, ຫຼຽນ​ໄຊ​ແຮງ​ງານ​ຊັ້ນສາມ​ມີ: 06 ສະຫາຍ, ຫຼຽນ​ກາ​ແຮງ​ງານ​ມີ: 11 ສະຫາຍ, ມອບ​ໃບ​ຍ້ອງຍໍ​ລັດຖະບານ​ມີ: 06 ສະຫາຍ, ມອບ​ໃບ​ຍ້ອງຍໍ​ກົມ​​ໃຫຍ່ການ​ເມືອງ​ມີ: 05 ສະຫາຍ, ມອບ​ໃບ​ຍ້ອງຍໍ​ກອງ​ບັນຊາ​ການ ປກຊ ມີ: 05 ສະຫາຍ, ມອບ​ໃບ​ຍ້ອງຍໍ​ຫ້ອງການ​ເມືອງ​ມີ: 05 ສະຫາຍ ​ໃນ​ຕອນ​ທ້າຍ​ຂອງ​ພິທີ ທ່ານ ສົມ​ຈັນ ທະວີ​ວັນ​ຮັກ ກໍ່​ໄດ້​ຂື້ນ​ກ່າວ​ໂອ້​ລົມ​ບັນດາ​ພະນັກງານ​ນັກ​ຮົບ​ກອງ ຄໍ 141 ​ໃຫ້​ສື​ບຕໍ່​ເອົາ​ໃຈ​ໃສ່​ປົກ​ປັກ​ຮັກສາ​ມູນ​ເຊື້ອ​ປະຕິວັດ, ພາຍ​ໃຕ​້ການ​ຊີ້​ນຳພາ​ອັນ​ສະຫຼາດ​ສ່ອງ​ໃສ​ພັກ ​ແລະ ​ເສີມ​ຂະຫຍາຍ​ມູນ​ເຊື້ອ​ການ​ປະຕິວັດ​ດ້ວຍ​ຄວາມ​ເຂັ້ມ​​ແຂງ.

ການພົບປະລະຫ່ວາງ ຄະນະຜູ້ແທນຂັ້ນສູງ ແຂວງອຸດົມໄຊ ສປປ ລາວ ກັບ ຄະນະຜູ້ແທນຂັ …

ໃນເວລາ 16:00 ນາທີ ຂອງວັນທີ 09 ມັງກອນ 2015 ທີ່ຫ້ອງປະຊຸມຊັ້ນ III ຂອງຫ້ອງວ່າການປົກຄອງແຂວງໄດ້ເປີດກອງປະຊຸມພົບປະ ລະຫວ່າງ  ຄະນະຜູ້ແທນຂັ້ນສູງ ແຂວງອຸດົມໄຊ ສປປ ລາວ ກັບ ຄະນະຜູ້ແທນຂັ້ນສູງກິ່ງແຂວງສີບສອງພັນນາ ສປ ຈີນ ທີ່ມາຢ້ຽມຢາມ ແລະ ເຮັດວຽກ ທີ່ ແຂວງອຸດົມໄຊ ຄະນະຜູ້ແທນຂັ້ນສູງ ຝ່າຍ ແຂວງອຸດົມໄຊ ນໍາໂດຍ: ທ່ານ ຄໍາຫຼ້າ ລິ້ງນະສອນ ເລຂາພັກແຂວງ, ເຈົ້າແຂວງ ແຂວງອຸດົມໄຊ ພ້ອມຄະນະ ລວມທັງໝົດ 14 ທ່ານ, ຍີງ 02 ທ່ານ, ໃນນັ້ນພາກສ່ວນທີ່ເຂົ້າຮ່ວມນໍາມີຄື: ຫ້ອງວ່າການປົກຄອງແຂວງ, ພະແນກແຜນການ ແລະ ການລົງທຶນ, ພະແນກອຸດສາຫະກໍາ ແລະ ການຄ້າ, ພະແນກຖະແຫຼ່ງຂ່າວ, ວັດທະນາທໍາ ແລະ ທ່ອງທ່ຽວ, ພະແນກກະສິກໍາ – ປ່າໄມ້ ແລະ ພະແນກການຕ່າງປະເທດແຂວງອຸດົມໄຊ. ຝ່າຍ ກິ່ງແຂວງສີບສອງພັນນາ ນໍາໂດຍ: ທ່ານ ເສີນອີ້ໂຫ ເລຂາພັກກິ່ງແຂວງສິບສອງພັນນາ ແຂວງຢູນນານ ສປ ຈີນພ້ອມດ້ວຍຄະນະ ລວມທັງໝົດ 16 ທ່ານ, ຍິງ 03 ທ່ານ, ໃນນັ້ນພາກສ່ວນທີ່ເຂົ້າຮ່ວມນໍາມີຄື: ຫ້ອງການຄົ້ນຄວ້ານະໂຍ ບາຍ, ຫ້ອງການຄົມມະນາຄົມ ແລະ ຂົນສົ່ງ, ປະທານຄຸ້ມຄອງເຂດພັດທະນາເສດຖະກິດສິບສອງພັນນາ, ຫ້ອງ ການການຄ້າ, ຫ້ອງການທ່ອງທ່ຽວ, ຫ້ອງການພົວພັນຕ່າງປະເທດ ແລະ ຕົວແທນນັກທຸລະກິດ ກິ່ງແຂວງສິບສອງພັນນາຈໍານວນໜື່ງ.

ເພື່ອເປັນການເພີ່ມທະວີການພົວພັນຮ່ວມມືສັນທະວະໄມຕີ ແລະ ເພື່ອສົ່ງເສີມການຮ່ວມມືແລກປ່ຽນບົດ ຮຽນໃນຫຼາຍຂົງເຂດ ລະຫ່ວາງ ແຂວງອຸດົມໄຊ ສປປ ລາວ ກັບ ກິ່ງແຂວງສິບສອງພັນນາ ແຂວງຢູນນານ ສປ ຈີນ.

ຄະນະຜູ້ແທນຂັ້ນສູງຂອງທັງສອງຝ່າຍໄດ້ຜັດປ່ຽນກັນລາຍງານການພັດທະນາເສດຖະກິດ ວັດທະນາທໍາ – ສັງຄົມ ການພົວພັນຮ່ວມມື ລະຫ່ວາງ ແຂວງອຸດົມໄຊ ກັບບັນດາເຂດ, ເມືອງ, ກິ່ງແຂວງ, ແຂວງຢູນນານ ແລະ ແຂວງອື່ນໆ ຂອງ ສປ ຈີນ ບັນດານັກທຸລະກິດທີ່ມາເຄື່ອນໄຫວດໍາລົງຊີວິດທໍາມາຄ້າຂາຍ ດໍາເນີນທຸລະກິດ ແລະ ລົງທຶນ ຢູ່ ແຂວງອຸດົມໄຊ ເຫັນວ່າມີປະສິດທິຜົນທີ່ໜ້າເພີ່ງພໍໃຈ, ການພົບປະທີ່ເຕັມໄປດ້ວຍໄມຕີຣຈິດມິດຕະ ພາບ ຖານເພື່ອນມິດຍຸດທະສາດ ທີ່ເຊື່ອໃຈ ເຊິ່ງກັນ ແລະ ກັນ ຄະນະຜູ້ແທນຂັ້ນສູງຂອງທັງສອງຝ່າຍກໍ່ເຫັນດີເປັນເອກະພາບຕໍ່ຜົນງານການພົວພັນການຮ່ວມມື ລາວ – ຈີນ ສ້າງຂື້ນໃນໄລຍະຜ່ານມາຈົນເຖີງປະຈຸບັນເຫັນວ່າມີບາດກ້າວຂະຫຍາຍ ຕົວເຂົ້າສູ່ລວງເລິກເທື່ອລະກ້າວ. ນອກຈາກນັ້ນຂະນະຜູ້ແທນຂັ້ນສູງຍັງໄດ້ລາຍງານເຖີງຜົນສໍາເລັດຂອງກອງປະຊຸມ 04 ປະເທດ 08 ຝ່າຍ ຄັ້ງທີ V ທີ່ໄດ້ຈັດຂື້ນຢູ່ທີ່ ແຂວງບໍ່ແກ້ວ ໃນວັນທີ 07 ມັງກອນ 2015 ນີ້.

ງານພົບປະມິດຕະພາບຊາວໜຸ່ມ ODX-LNT

ຊາວ​ໜຸ່ມ​ພະ​ແນ​ກການ​ຕ່າງປະ​ເທດ ​ແຂວງ​ຫຼວງ​ນ້ຳ​ທາ ມາ​ຢ້ຽມຢາມ ​ມິດຕະພາບ​ ກັບ​ ຊາວ​ໜຸ່ມ ພະ​ແນ​ກການ​ຕ່າງປະ​ເທດ​ແຂວງ​ອຸດົມ​ໄຊ ວັນ​ທີ 30 – 31 ພຶດສະພາ 2014

ຕອນ​ແລງ​ຂ​ອງວັນ​ທີ 30 ພຶດສະພາ 2014 ຄະນະ​ທີ​ມງານ​ຊາວ​ໜຸ່ມ​ພະ​ແນ​ກການ​ຕ່າງປະ​ເທດ​ ​ແຂວງ​ຫຼວງ​ນ້ຳ​ທາ ນຳ​ໂດຍ​ ທ່ານ ​ສີພອນ ກອງຈໍາປາ ພ້ອມດ້ວຍຄະນະ ໄດ້ມາຢ້ຽມຢາມມິດຕະພາບກັບຊາວໜຸ່ມພະແນກການຕ່າງປະເທດ​ ​ແຂວງອຸດົມໄຊພິທີຕ້ອນຮັບຢູ່ທີ່ພະແນກການຕ່າງປະເທດ​ ​ແຂວງອຸດົມໄຊນຳໂດຍ​ ທ່ານວັນນາ ​ແກ້ວສັນຕິ ພ້ອມດ້ວຍຄະນະ.

ທ່ານ ຮອງນາຍົກລັດຖະມົນຕີ ທອງລຸນ ສີສຸລິດ ຕ້ອນຮັບ ຮອງປະທານ ຄະນະກຳມາທິການຮ …

       ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂ່ຳນັບຂອງທ່ານ ຫງວຽນ ຈື້ ຢຸ້ງ ລັດຖະມົນຕີຊ່ວຍວ່າການຜູ້ປະຈຳການກະຊວງແຜນການ ແລະ ການລົງທຶນ ຮອງປະທານຄະນະ ກຳມາທິການຮ່ວມມືຫວຽດນາມ-ລາວ ແລະຄະນະໃນວັນທີ 26 ພຶດສະພາ 2014 ຢູ່ກະຊວງການຕ່າງປະເທດ ໃນໂອກາດທີ່ທ່ານເດີນທາງມາຢ້ຽມຢາມ ແລະ ເຮັດວຽກຮ່ວມກັບ ຄະນະກຳມາທິການຮ່ວມມືລາວ-ຫວຽດນາມ ໃນລະຫວ່າງວັນທີ 24-26 ພຶດສະພາ 2014 ນີ້.

     ໃນໂອກາດນີ້ ທ່ານ ທອງລຸນ ສີສຸລິດ ໄດ້ສະແດງຄວາມຊົມເຊີຍ ພ້ອມທັງຕີລາຄາສູງຕໍ່ ທ່ານ ຫງວຽນ ຈື້ ຢຸ້ງ ແລະ ຄະນະ ທີ່ໄດ້ເດີນທາງມາຢ້ຽມ ຢາມ ແລະ ເຮັດວຽກຮ່ວມກັບຄະນະກຳມາທິການຮ່ວມມື ລາວ-ຫວຽດນາມ ຂອງ ສປປ ລາວ ໃນຄັ້ງນີ້ຊຶ່ງເປັນການປະກອບສ່ວນອັນສຳຄັນເຂົ້າໃນ ການເພີ່ມທະວີການ ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ລາວ-ຫວຽດນາມ ໂດຍສະເພາະແມ່ນ ການພົວພັນຮ່ວມມືລະຫວ່າງ ສອງຄະນະກຳມາທິການຮ່ວມມືຫວຽດນາມ-ລາວ ແລະ ລາວ-ຫວຽດນາມ ໃຫ້ນັບມື້ນັບກວ້າງຂວາງ ແລະ ເຂົ້າສູ່ລວງເລິກເທື່ອລະກ້າວ.

       ທ່ານ ຫງວຽນ ຈື້ ຢຸ້ງ ໄດ້ສະແດງຄວາມຂອບໃຈຕໍ່ ທ່ານ ທອງລຸນ ສີສຸລິດ ທີ່ໄດ້ໃຫ້ການຕ້ອນຮັບ ອັນອົບອຸ່ນ ໃນຄັ້ງນີ້ພ້ອມທັງໄດ້ຢືນຢັນຈະເພື່ມ ທະວີສາຍພົວພັນມິດຕະພາບ ແລະ ຄວາມສາມັກຄີ ແບບພິເສດ ແລະ ການຮ່ວມມືຮອບດ້ານກັບຄະນະກຳມະທິການຮ່ວມມືລາວ-ຫວຽດນາມ ໃຫ້ນັບ ມື້ນັບກ້ວາງຂວາງຍິ່ງຂຶ້ນ.

ລາວ-ຫວຽດນາມ ສືບຕໍ່ເສີມຂະຫຍາຍການພົວພັນຮ່ວມມືດ້ານສື່ສິ່ງພິມ

     ໃນຕອນບ່າຍຂອງວັນທີ 21 ພຶດສະພາ 2014 ນີ້, ທີ່ກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວ (ຖວທ), ທ່ານ ສຈ.ດຣ ບໍ່ແສງຄຳວົງດາລາລັດຖະມົນຕີວ່າການກະຊວງຖວທໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງຄະນະຜູ້ແທນໜັງສືພິມເຢິນເຢິນສຽງຂອງສູນກາງພັກຄອມມູນິດຫວຽດນາມນຳໂດຍທ່ານເລກັວນແຂັງຮອງຫົວໜ້າບັນນາທິການໃຫຍ່ໜັງສືພິມເຢິນເຢິນໃນໂອກາດເດີນທາງມາຢ້ຽມຢາມສປປ ລາວ ໃນລະຫວ່າງວັນທີ 20-25 ພຶດສະພາ 2014 ນີ້ ຕາມຄຳເຊີນຂອງຫົວໜ້າບັນນາທິການໜັງສືພິມປະຊາຊົນສຽງຂອງສູນກາງພັກ ປປ ລາວ. 
ທ່ານສຈ.ດຣບໍ່ແສງຄຳວົງດາລາໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ ທ່ານ ເລກັວນແຂັງ ທີ່ໄດ້ນຳພາຄະນະເດີນທາງມາຢ້ຽມ ຢາມ ສປປ ລາວໃນຄັ້ງນີ້ ຊຶ່ງເປັນການປະກອບສ່ວນອັນສຳຄັນເຂົ້າໃນການສົ່ງເສີມສາຍພົວພັນມິດຕະພາບ, ການຮ່ວມມື ແລະ ຄວາມເຂົ້າອົກເຂົ້າໃຈ ລະຫວ່າງ ລາວ ແລະ ຫວຽດນາມ ເວົ້າລວມເວົ້າສະເພາະລະຫວ່າງສື່ສິ່ງພິມ ລາວ-ຫວຽດນາມ ພ້ອມນັ້ນທ່ານຍັງ ໄດ້ສະແດງຄວາມຂອບອົກຂອບໃຈ ຕໍ່ລັດຖະບານຫວຽດນາມ ທີ່ໄດ້ໃຫ້ການຊ່ວຍເຫລືອທາງດ້ານວັດຖຸສິ່ງຂອງ,  ເຄື່ອງອີເລັກໂຕນິກ ຕ່າງໆ ແກ່ ສປປ ລາວ ຕະຫລອດມາ.

     ທ່ານເລກັວນແຂັງ ກໍໄດ້ກ່າວສະແດງຄວາມຂອບໃຈຕໍ່ທ່ານ ລັດຖະມົນຕີວ່າການກະຊວງ ຖວທ ທີ່ໄດ້ສະລະເວລາອັນມີຄ່າມາຕ້ອນຮັບການເຂົ້າ ຢ້ຽມຂ່ຳນັບໃນຄັ້ງນີ້ ພ້ອມທັງສະແດງຄວາມ ເສົ້າສະຫລົດໃຈ ແລະ ເສຍໃຈ ຕໍ່ການເສຍຊີວິດຂອງການນຳຂັ້ນສູງ ແລະ ພະນັກງານຈຳນວນ ໜຶ່ງທີ່ແຂວງຊຽງຂວາງ ເມື່ອວັນທີ 17 ພຶດສະພານີ້, ການຢ້ຽມຢາມໃນຄັ້ງນີ້ ເປັນການສືບຕໍ່ເສີມຂະຫຍາຍການພົວພັນຮ່ວມມື ແລະ ຫວ່າງສອງຊາດລາວ-ຫວຽດນາມໂດຍສະເພາະລະຫວ່າງ 2 ສື່ສິ່ງພິມ ຫວຽດນາມ-ລາວ ໃຫ້ນັບມື້ນັບໄດ້ຮັບການເສີມຂະຫຍາຍຂຶ້ນໄປເລື້ອຍໆ