ພິທີໃຫ້ທິດໂອ້ລົມຂອງທ່ານເພັດສາຄອນ ຫຼວງອາໄພ ເຈົ້າແຂວງ ແຂວງອຸດົມໄຊ

ຕອນເຊົ້າເວລາ 9:00 ນາທີຂອງວັນທີ 4 ສີງຫາ 2016 ພະແນກການຕ່າງປະເທດແຂວງອຸດົມໄຊ ໄດ້ເຂົ້າຮ່ວມ ພິທີໃຫ້ທິດໂອ້ລົມຂອງ ທ່ານເພັດສາຄອນຫຼວງອາໄພເລຂາພັກແຂວງ, ເຈົ້າແຂວງ, ແຂວງອຸດົມໄຊຕໍ່ກັບສະມາຊີກພັກ – ພະນັກງານລັດຖະກອນພະແນກການຕ່າງປະເທດ ພິທີດັ່ງກ່າວມີຜູ້ເຂົ້າຮ່ວມທັງໝົດ 31 ສະຫາຍ, ຍີງ  9 ອ່ານເພີ່ມເຕີມ »

ພີທີ ມອບຮັບໜ້າທີໃຫ້ແກ່ຄະນະບໍລິຫານງານພັກແຂວງຜູ້ເກົ່າ-ຜູ້ໃໝ່,ຫົວໜ້າພະແນກການ, ອົງການອ້ອມຂ້າງແຂວງຈຳນວນໜຶ່ງ

ທີມອບ-ຮັບຄະນະບໍລິຫານງານພັກແຂວງ, ຫົວໜ້າພະແນກ ແລະ ອົງການຈັດຕັ້ງ ໄດ້ໄຂຂື້ນໃນຕອນແລງຂອງວັນທີ 14 ມີນາ 2016 ທີ່ຫ້ອງປະຊຸມຫ້ອງວ່າການປົກຄອງແຂວງອຸດົມໄຊ ໃຫ້ກຽດເປັນປະທານໂດຍ ທ່ານ ເພັດສາຄອນ ຫຼວງອາໄພ ກຳມະການສູນກາງພັກ, ເລຂາພັກແຂວງ ເຈົ້າແຂວງໆອຸດົມໄຊ. ອ່ານເພີ່ມເຕີມ »

ອວຍພອນຄະນະກອງບັນຊາການທະຫານແຂວງເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 67 ປີ

    ເວລາ 2: 30 ນາທີ ຂອງວັນທີ 19 / 01 / 2016  ອ່ານເພີ່ມເຕີມ »

ຄະນະ ພຕທ ເຂົ້າຮ່ວມເນື່ອງໃນໂອກາດການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ 20 ມັງກອນຢູ່ກອງຮ້ອຍ ຄໍ 141 ທະຫານຊາຍແດນທີ່ເມືອງນາໝໍ້

​            ໃນ​ຕອນ​ເຊົ້າ​ຂອງ​ວັນ​ທີ 23 / 01 / 2015 ຄະ​ນະ​ແນ​ກການ​ຕ່າງປະ​ເທດ​ ​ແຂວງອຸດົມ​ໄຊ ພ້ອມ​ດ້ວຍ​ພະນັກ​ງານ​ວິຊາ​ການ​ໄດ້​ເດີນທາງ​ໄປ​​ຮ່ວມ​​ການສະ​ເຫຼີ​ມສະຫຼອງວັນສ້າງຕັ້ງກອງທັບປະຊາຊົນລາວ ອ່ານເພີ່ມເຕີມ »

ໜ່ວຍງານຄົ້ນຄ້ວາແຜນຍຸດທະສາດການພັດທະນາເສດຖະກິດມອບເຄື່ອງໃຫ້ກອງ ບັນຊາການ ປກຊ ແຂວງອຸດົມໄຊ

     ໃນວັນທີ 22 ມີນາ 2014 ໜ່ວຍງານຄົ້ນຄ້ວາແຜນຍຸດທະສາດການພັດທະນາເສດ ຖະກິດສູນກາງໄດ້ມອບເຄື່ອງໃຊ້ຫ້ອງການມອບໂດຍທ່ານບົວສອນ ບຸບຜາວັນ ແລະ ຕາງໜ້າຮັບໂດຍທ່ານ ພົຈວ ຈັນທະວອນໄຊຍະຜົງ ຫົວໜ້າກອງບັນຊາ ການ ອ່ານເພີ່ມເຕີມ »

ປະຫວັດແຂວງອຸດົມໄຊ

 ແຂວງອຸດົມໄຊ ແຕ່ກ່ອນເປັນພຽງເຂດໜຶ່ງທີ່ຂຶ້ນກັບແຂວງຫລວງພະບາງ ມາຮອດປີ ຄ.ສ 1956 ໂຮມເອົາ ເມືອງຄື: ເມືອງໄຊເມືອງຮຸນ ແລະ ເມືອງປາກທາ ມາສ້າງຕັ້ງເປັນກິ່ງແຂວງໄຊຍະພູມຂຶ້ນກັບແຂວງຫລວງພະບາງ.

 

      ພາຍຫຼັງເມືອງໄຊ ໄດ້ຮັບການປົດປ່ອຍປີ 1961ສູນກາງພັກຈຶ່ງຕົກລົງເອົາກິ່ງແຂວງດັ່ງກ່າວ ມາສ້າງເປັນແຂວງລ້ານຊ້າງ ໃນວັນທີ 15 ກໍລະກົດ ປີ 1962; ມາຮອດປີ 1965 ແຂວງລ້ານຊ້າງກໍໄດ້ປ່ຽນຊື່ມາເປັນແຂວງເມືອງໄຊ ແລະ ມາເຖິງປີ 1967 ແຂວງເມືອງໄຊຈຶ່ງປ່ຽນຊື່ມາເປັນແຂວງອຸດົມໄຊຈົນເຖິງປັດຈຸບັນ.

2. ທີ່ຕັ້ງ,ຈຸດພິເສດ -ປະຫວັດຄວາມເປັນມາຂອງແຂວງອຸດົມໄຊ

ແຂວງອຸດົມໄຊເປັນແຂວງໜື່ງທີ່ຕັ້ງຢູ່ໃຈກາງຂອງພາກເໜືອລາວ,ເຊີ່ງໄດ້ຮັບການສ້າງຕັ້ງໃຫ້ເປັນແຂວງຂື້ນໃນວັນທີ່ 15 / 7 / 1962, ແຂວງອຸດົມໄຊ ຕັ້ງຢູ່ລະຫວ່າງກາງເສັ້ນຂະໜານ 20, 15 ແລະ ເສັ້ນຂະໜານ 200,30  ເໜືອ ເປັນແຂວງທີ່ຕັ້ງຢູ່ຈຸດໃຈກາງຂອງບັນດາແຂວງພາກເໜືອຄື໋

ທິດເໜືອຕິດກັບ ສປ ຈີນ 24,4 ກິໂລແມັດ ແລະ  ແຂວງຜົ້ງສາລີ  66,5 ກິໂລແມັດ.

ທິດໃຕ້ຕິດກັບ ແຂວງໄຊຍະບູລີ  120 ກິໂລແມັດ.

ທິດຕາເວັນອອກຕິດກັບ ແຂວງຫຼວງພະບາງ 183,25 ກິໂລແມັດ.

ທິດຕາເວັນຕົກຕິດກັບ ແຂວງຫຼວງນ້ຳທາ 160 ກິໂລແມັດ ແລະ ບໍ່ແກ້ວ 110 ກິໂລແມັດ .

ແຂວງອຸດົມໄຊ ມີເນື້ອທີ່ທັງໝົດ 15.370 ກິໂລຕາແມັດ . ມີພົນລະເມືອງທັງໝົດ 307.622 ຄົນ,  ຍິງ 151.371 ຄົນ; ແຂວງອຸດົມໄຊ ກວມ 85% ຂອງເນື້ອທີ່ພູດອຍ ພື້ນທີ່ສູງ-ຊັນໃນລະດັບ 300-1.850 ແມັດ ( ທຽບກັບໜ້ານ້ຳທະເລ) , ເສັ້ນຊາຍແດນຕີດກັບ ສປ ຈີນ 24,4 ກິໂລແມັດ, ຂອບເຂດຫຼັກໝາຍທີ່ 27-28 ລະຫວ່າງບ້ານໝູຕືນ ເມືອງນາໝໍ້ ຫາບ້ານສ້າງຍອງ ເມືອງລ້າ ສປ ຈີນ

      ຂອບເຂດການປົກຄອງແຂວງອຸດົມໄຊ ປະກອບມີ 7 ເມືອງຄື:

1). ເມືອງໄຊ: ເປັນເມືອງເທສະບານແຂວງ , ມີເນື້ອທີ່ທັງໝົດ 2.817  ກິໂລຕາແມັດ ມີ 97 ບ້ານ, ມີພົນລະເມືອງທັງໝົດ 79.535 ຄົນ, ຍີງ: 38.920 ຄົນ, 14,600 ຄົວເຮືອນ, ຈັດແບ່ງເປັນ 11 ເຂດຄຸ້ມຄອງ, ຫຼັງຊຸມ 1990  ມີ 12 ຕາແສງ , ສະເລ່ຍຄວາມໜາແໜ້ນຂອງປະຊາກອນ 27 ຄົນຕໍ່ 1 ກິໂລຕາແມັດ.

2).ເມືອງຮຸນ: ມີເນື້ອທີ່ທັງໝົດ  2.778 ກິໂລຕາແມັດ, ມີ: 93 ບ້ານ, ມີພົນລະເມືອງທັງໝົດ 74.254 ຄົນ, ຍີງ: 36.110 ຄົນ, 13,100 ຄົວເຮືອນ, ຈັດແບ່ງເປັນ 14 ເຂດຄຸ້ມຄອງ, ຫຼັງຊຸມ ປີ 1990 ມີ 15 ຕາແສງ, ສະເລ່ຍຄວາມໜາແໜ້ນຂອງປະຊາກອນ 21 ຄົນຕໍ່ 1 ກິໂລຕາແມັດ.

3). ເມືອງແບງ: ມີເນື້ອທີ່ທັງໝົດ  2221 ກິໂລຕາແມັດ, ມີ  58 ບ້ານ, ມີພົນລະເມືອງທັງໝົດ 37.491 ຄົນ, ຍີງ: 18.751 ຄົນ, 7,200 ຄົວເຮືອນ, ຈັດແບ່ງເປັນ 4 ເຂດຄຸ້ມຄອງ, ຫຼັງຊຸມປີ 1990 ມີ 9 ຕາແສງ, ສະເລ່ຍຄວາມໜາແໜ້ນຂອງປະຊາກອນ 14 ຄົນຕໍ່ 1 ກິໂລຕາແມັດ.

4). ເມືອງນາໝໍ້: ມີເນື້ອທີ່ທັງໝົດ  2070 ກິໂລຕາແມັດ, ມີ 62 ບ້ານ, ມີພົນລະເມືອງທັງໝົດ 38,826 ຄົນ, ຍີງ: 19,461 ຄົນ, 7,000 ຄົວເຮືອນ ຈັດແບ່ງເປັນ 8 ເຂດຄຸ້ມຄອງ, ຫຼັງຊຸມປີ 1990 ມີ 9  ຕາແສງ, ສະເລ່ຍຄວາມໜາແໜ້ນຂອງປະຊາກອນ 9 ຄົນຕໍ່ 1 ກິໂລຕາແມັດ.

5).ເມືອງຫຼາ: ມີເນື້ອທີ່ທັງໝົດ  1917  ກິໂລຕາແມັດ, ມີ 44 ບ້ານ, ມີພົນລະເມືອງທັງໝົດ 17.173 ຄົນ, ຍີງ: 8.474 ຄົນ, 3,500 ຄົວເຮືອນ ຈັດແບ່ງເປັນ 6 ເຂດຄຸ້ມຄອງ, ຫຼັງຊຸມ ປີ 1990 ມີ  6  ຕາແສງ, ສະເລ່ຍຄວາມໜາແໜ້ນຂອງປະຊາກອນ 10 ຄົນຕໍ່ 1 ກິໂລຕາແມັດ.

6).ເມືອງງາ: ມີເນື້ອທີ່ທັງໝົດ  2359  ກິໂລຕາແມັດ, ມີ: 62 ບ້ານ, ມີພົນລະເມືອງທັງໝົດ 30,938 ຄົນ, ຍີງ: 14.942 ຄົນ, 5,700 ຄົວເຮືອນ ຈັດແບ່ງເປັນ 8 ເຂດຄຸ້ມຄອງ, ຫຼັງຊຸມປີ 1990 ມີ 8  ຕາແສງ, ສະເລ່ຍຄວາມໜາແໜ້ນຂອງປະຊາກອນ 13 ຄົນຕໍ່ 1 ກິໂລຕາແມັດ.

7).ເມືອງປາກແບງ: ມີເນື້ອທີ່ທັງໝົດ  1.208 ກິໂລຕາແມັດ, ມີ 55  ບ້ານ, ມີພົນລະເມືອງທັງໝົດ 29,405 ຄົນ, ຍີງ: 14.659 ຄົນ ຈັດແບ່ງເປັນ 11 ເຂດຄຸ້ມຄອງ, ຫຼັງຊຸມປີ 1990 ມີ 11 ຕາແສງ, ສະເລ່ຍຄວາມໜາແໜ້ນຂອງປະຊາກອນ 30 ຄົນຕໍ່ 1 ກິໂລຕາແມັດ.

ສັງລວມແລ້ວ:  ແຂວງອຸດົມໄຊ ມີພົນລະເມືອງທັງໝົດ 307.622 ຄົນ, ຍີງ: 151.317 ມີເນື້ອທີ່ທັງໝົດ 15,370 ກິໂລຕາແມັດ, ເທົ່າກັບ 6,5% ຂອງເນື້ອທີ່ທົ່ວປະເທດ, ຈັດຢູ່ອັນດັບທີ່ 9 ຂອງ ສປປ ລາວ. ສະເລ່ຍຄວາມໜາແໜ້ນຂອງປະຊາກອນ 15 ຄົນຕໍ່ 1 ກິໂລຕາແມັດ.

ແຕ່ງຕັ້ງ ຜູ້ຮັກສາການຊົ່ວຄາວ ເລຂາຄະນະພັກ ເຈົ້າຄອງນະຄອນຫລວງວຽງຈັນ

ຂປລ. ໃນວັນທີ 29 ພຶດສະພາ 2014, ຢູ່ທີ່ຫ້ອງວ່າການປົກຄອງນະຄອງຫລວງວຽງຈັນ ໄດ້ມີພິທີປະກາດແຕ່ງຕັ້ງ ຜູ້ຮັກສາການເລຂາຄະນະພັກ, ເຈົ້າຄອງນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງສະຫາຍ ດຣ ບຸນປອນ ບຸດຕະນະວົງ ກຳມະການກົມການເມືອງສູນກາງພັກ, ຫົວ

ໜ້າຫ້ອງວ່າການສູນກາງພັກ, ມີບັນດາຄະນະພັກນະຄອນຫລວງ, ເຈົ້າເມືອງຈາກ 9 ເມືອງ, ຫົວໜ້າພະແນກການ, ຫ້ອງການພ້ອມດ້ວຍພະນັກງານທີ່ກ່ຽວຂ້ອງອ້ອມຂ້າງນະຄອນ ຫລວງວຽງຈັນເຂົ້າຮ່ວມ. 

ໃນພີທີ ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ເລກທີ 56/ຄລສພ ວ່າດ້ວຍການບົ່ງຕົວແຕ່ງຕັ້ງ ຜູ້ຮັກສາການຊົ່ວຄາວ ເລຂາຄະນະ ພັກ ນະຄອນຫລວງວຽງຈັນ ແລະ ດຳລັດ ເລກທີ 187/ນຍ ວ່າດ້ວຍການແຕ່ງຕັ້ງຜູ້ຮັກສາການຊົ່ວຄາວ ເຈົ້າຄອງນະຄອນຫລວງວຽງຈັນ ຊຶ່ງມະຕິຕົກ ລົງ ແລະ ດຳລັດດັ່ງກ່າວ ໄດ້ແຕ່ງຕັ້ງ ສະຫາຍ ສົມວັນດີ ນາຖາວົງສ໌ ເປັນຜູ້ຮັກສາການຊົ່ວຄາວເລຂາຄະນະບໍລິຫານງານພັກນະຄອນຫລວງວຽງຈັນ, ເຈົ້າຄອງນະຄອນຫລວງວຽງຈັນ.

ໃນພິທີອັນມີຄວາມໝາຍສຳຄັນນີ້, ສະຫາຍ ດຣ ບຸນປອນ ບຸດຕະນະວົງ ໄດ້ໃຫ້ກຽດໂອ້ລົມ ໂດຍຍົກໃຫ້ເຫັນວ່າ: ການປ່ຽນແປງໜ້າທີ່ວຽກງານຂອງ ການນຳນະຄອນຫລວງວຽງຈັນ ໃນຄັ້ງນີ້ແມ່ນມີຄວາມຈຳເປັນອັນຮີບດ່ວນຂອງວຽກງານເນື່ອງຈາກເລຂາຄະນະບໍລິຫານງານພັກ, ເຈົ້າຄອງນະຄອນ ຫລວງວຽງຈັນຜູ້ເກົ່າໄດ້ເສຍຊີວິດຈາກອຸບັດເຫດເຮືອບິນ ຕົກໃນເວລາເຄື່ອນໄຫວວຽກງານ ສະນັ້ນ ຈຶ່ງຕ້ອງໄດ້ແຕ່ງຕັ້ງຜູ້ໃໝ່ ເພື່ອມາຮັບຜິດ ຊອບວຽກງານຊີ້ນຳນຳພາຂອງນະ ຄອນຫລວງວຽງຈັນໃຫ້ສາມາດດຳເນີນ ຕໍ່ໄປຢ່າງມີຜົນສຳເລັດຕາມແຜນການທີ່ວາງໄວ້, ພ້ອມນີ້ ສະຫາຍຍັງ ຮຽກຮ້ອງ ໃຫ້ອຳນາດການປົກຄອງທຸກຂັ້ນຂອງນະຄອນຫລວງວຽງຈັນ ພ້ອມກັນສືບຕໍ່ຊີ້ນຳນຳພາວຽກງານຮອບດ້ານຂອງນະຄອນຫລວງວຽງຈັນ ໃຫ້ຜົນສຳເລັດ ຈົບງາມຕາມແຜນການທີ່ວາງໄວ້, ໂດຍສະເພາະແມ່ນການກະກຽມດຳເນີນ ກອງປະຊຸມໃຫຍ່ອົງຄະນະພັກເມືອງແຕ່ລະເມືອງໃຫ້ມີຜົນ ສຳເລັດ, ສືບຕໍ່ເຄື່ອນໄຫວຊີ້ນຳນຳພາການຈັດຕັ້ງປະຕິບັດວຽກງານສາມສ້າງໃຫ້ມີຄວາມຄືບໜ້າ ແລະ ຍາດໄດ້ຜົນສຳເລັດອັນໃຫຍ່ຫລວງ ເພື່ອເປັນ ຜົນງານຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ X ຂອງ​ພັກທີ່ຈະມາເຖິງນີ້./.