Tag Archives: ສປຈີນ

ໜ່ວຍສະຫະພັນແມ່ຍິງຂອງພະແນກການຕ່າງປະເທດແຂວງອຸດົມໄຊ ໄປແລກປ່ຽນຖອດຖອນບົດຮຽນ ກັບໜ່ວຍສະຫະພັນແມ່ຍິງຫ້ອງການພົວພັນຕ່າງປະເທດກິ່ງແຂວງສິບສອງພັນນາ

ລະຫວ່າງ​ວັນ​ທີ 03 – 05 ມີນາ 2016,ຄະນະໜ່ວຍສະຫະພັນແມ່ຍິງພະແນກການຕ່າງປະເທດແຂວງ ອຸດົມໄຊ ນໍາໂດຍ ທ່ານ ວັນນາ ແກ້ວສັນຕິ, ກໍາມະການພັກແຂວງ, ຫົວໜ້າພະແນກການຕ່າງປະເທດແຂວງ, ຜູ້ຊີ້ນໍາ ໜ່ວຍສະຫະພັນແມ່ຍິງພະແນກການຕ່າງປະເທດແຂວງ ພ້ອມດ້ວຍຄະນະ ລວມ 10 ທ່ານ, ຍິງ 08 ທ່ານ ໄດ້ໄປແລກປ່ຽນຖອດຖອນບົດຮຽນການເຄື່ອນໄຫວວຽກງານການຕ່າງປະເທດ ກັບ ໜ່ວຍສະຫະພັນແມ່ຍິງຫ້ອງການພົວ ພັນຕ່າງປະເທດກິ່ງແຂວງສິບສອງພັນນາ ແຂວງຢູນນານ ແຫ່ງ ສປ ຈີນ ໄດ້ຮັບການຕ້ອນຮັບຢ່າງເປັນທາງການ ນໍາໂດຍ ທ່ານ ອ້າຍຈືນ, ຫົວໜ້າຫ້ອງການພົວພັນຕ່າງປະເທດກິ່ງແຂວງສິບສອງພັນນາ ​ພ້ອມ​ດ້ວຍ​ຄະນະພະນັກງານຫ້ອງການພົວພັນຕ່າງປະເທດກິ່ງແຂວງສິບສອງພັນນາ ດ້ວຍບັນຍາກາດອັນອົບອຸ່ນ ແລະ ໄມຕຣີຈິດມິດຕະພາບຖານບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ ແລະ ຄູ່ຮ່ວມມືທີ່ດີ.

ຕອນເຊົ້າ ເວລາ 09 : 00 ນາທີ ຂອງວັນທີ 04 ມີນາ  2016 ຄະນະຜູ້ແທນສອງໜ່ວຍສະຫະພັນແມ່ຍິງພະແນກການຕ່າງປະເທດແຂວງອຸດົມໄຊ – ກິ່ງແຂວງສິບສອງພັນນາ ແຂວງຢູນນານ ເຂົ້າຮ່ວມພິທີພົບປະແລກປ່ຽນວຽກງານການເຄື່ອນໄຫວພົວພັນຕ່າງປະເທດ ຢູ່ທີ່ຫ້ອງປະຊຸມຫ້ອງວ່າການປົກຄອງກິ່ງແຂວງສິບສອງພັນນາ ແຂວງ ຢູນນານ ໂດຍການເປັນປະທານຂອງ ທ່ານ ວັນນາ ແກ້ວສັນຕິ, ກໍາມະການພັກແຂວງ, ຫົວໜ້າພະແນກການຕ່າງປະ ເທດແຂວງອຸດົມໄຊ, ຜູ້ຊີ້ນໍາໜ່ວຍສະຫະພັນແມ່ຍິງຂອງພະແນກ.

ຄະນະຜູ້ແທນຝ່າຍໜ່ວຍສະຫະພັນແມ່ຍິງຂອງພະແນກການຕ່າງປະເທດ​​ແຂວງ​ອຸດົມ​ໄຊ ນໍາ​ໂດຍ​ທ່ານນາງ ຈັນທະລາ ອິນສົມພອນ, ຄະນະໜ່ວຍສະຫະພັນແມ່ຍິງຂອງພະແນກ ພ້ອມ​ດ້ວຍ​ສະມາຊິກສະຫະພັນແມ່ຍິງ ທີ່ຖືກ ແຕ່ງຕັ້ງເຂົ້າຮ່ວມ  ລວມທັງໝົດ  08 ທ່ານ.

ຄະນະ​ຜູ້​ແທນ​ຝ່າຍ​ໜ່ວຍສະຫະພັນແມ່ຍິງຫ້ອງການພົວພັນຕ່າງປະເທດກິ່ງແຂວງສິບສອງພັນນາ ນໍາ​ໂດຍ ທ່ານ ນາງ ໝ່າເສີນຫຼີນ, ຮອງຫົວໜ້າຫ້ອງການພົວພັນຕ່າງປະເທດກິ່ງແຂວງສິບສອງພັນນາ, ຜູ້ຊີ້ນໍາໜ່ວຍສະຫະພັນແມ່ຍິງຫ້ອງການພົວພັນຕ່າງປະເທດພ້ອມ​ດ້ວຍ​ສະມາຊິກສະຫະພັນແມ່ຍິງແມ່ຍລວມທັງໝົດ  03 ທ່ານ.

         ພິທີ​ພົບປະ​, ຜູ້ຕາງໜ້າຄະນະ​ຜູ້​ແທນສະຫະພັນແມ່ຍິງທັງ​ສອງ​ຝ່າຍ​ໄດ້​ຜັດປ່ຽນກັນ​ ແຈ້ງສະພາບຂອງແຂວງ, ການເຄື່ອນໄຫວວຽກງານການຕ່າງປະເທດ ແລະ ວຽກງານອົງການຈັດຕັ້ງມະຫາຊົນ ໂດຍສະເພາະແມ່ນວຽກງານໜ່ວຍສະຫະພັນແມ່ຍິງຂອງສອງຝ່າຍ​ເວົ້າ​ລວມ, ​ເວົ້າ​ສະ​ເພາະ​ແມ່ນໜ່ວຍງານລະຫວ່າ​ງສອງແຂວງ​ອຸດົມ​ໄຊ -​​ ກິ່ງແຂວງສິບສອງພັນນາ ​ໃນ​ໄລຍະ​ຜ່ານ​ມາ ​ແລະ ຈະສືບ​ຕໍ່​ສົ່ງ​ເສີມ​ສາຍ​ພົວພັນ​ສາມັກຄີ​ມິດຕະພາບ​ທີ່​ດີ​ທີ່ມີ​ມາ​ກ່ອນ​ແລ້ວ​ນັ້ນ ໃຫ້ຈະ​ເລີ​ນງອກ​ງາມ ​ແລະ ຍາວ​ນານ​ຕະຫຼອດ​ໄປ; ໃນການພົບປະຄັ້ງນີ້ ໄດ້ຕົກລົງເຫັນດີສືບຕໍ່ຜັດປ່ຽນກັນແລກປ່ຽນຖອດຖອນບົດຮຽນລະຫວ່າງສອງໜ່ວຍສະຫະພັນແມ່ຍິງນໍາກັນ ເຫັນດີ 01 ຄັ້ງ ຕໍ່ປີ ແລະ ຜັັດປ່ຽນກັນເປັນເຈົ້າພາບ.

ໃນການພົບປະຄັ້ງນີ້, ທ່ານ ວັນນາ ແກ້ວສັນຕິ, ກໍາມະການພັກແຂວງ, ຫົວໜ້າພະແນກການຕ່າງປະເທດ ແຂວງອຸດົມໄຊ, ຜູ້ຊີ້ນໍາໜ່ວຍສະຫະພັນແມ່ຍິງຂອງພະແນກ ຍັງໄດ້ເຊື້ອເຊີນຫ້ອງການພົວພັນຕ່າງປະເທດກິ່ງແຂວງສິບສອງພັນນາ ໃນນາມໜ່ວຍສະຫະພັນແມ່ຍິງຫ້ອງການ ໄປຢ້ຽມຢາມ ແລະ ເຮັດວຽກ ກັບໜ່ວຍສະຫະພັນແມ່ຍິງພະແນກການຕ່າງປະເທດແຂວງອຸດົມໄຊ ຕາມເວລາອັນເໝາະສົມ, ກອງປະຊຸມໄດ້ສີ້ນສຸດ ເວລາ 11:30 ນາທີ; ຫຼັງຈາກນັ້ນ, ທ່ານ ນາງ ໝ່າເສີນຫຼີນ, ຮອງຫົວໜ້າຫ້ອງການພົວພັນຕ່າງປະເທດກິ່ງແຂວງສິບສອງພັນນາ, ຜູ້ຊີ້ນໍາໜ່ວຍສະຫະພັນແມ່ຍິງຫ້ອງການ ໄດ້ນໍາພາຄະນະໄປຢ້ຽມຢາມບ້ານຫັດຖະກໍາ ບ້ານຊ້າງຂອງຊົນເຜົ່າລື້ ຢູ່ເຂດເມືອງຢາງ ເຊິ່ງມີຜະລິດຕະພັນການປັ້ນ, ຈັກສານ, ຖັກແສ່ວ, ງານສີມື ແລະ ອື່ນໆ; ນອກຈາກນັ້ນ ກໍ່ໄດ້ໄປທ່ຽວຊົມທິວທັດທໍາມະຊາດ ແລະ ການພັດທະນາຂອງຕົວເມືອງນະຄອນຊຽງຮຸ່ງ.

         ເວລາ 09 : 00 ນາທີ ຂອງວັນທີ 05 ມີນາ 2016 ພິທີ​ສົ່ງ​ຄະນະຢ່າງ​ເປັນ​ທາງ​ການຢູ່ທີ່ໂຮງແຮມຕາຍຢວນ ນຳ​ໂດຍ​ທ່ານ ນາງ ໝ່າ ເສີນຫຼີນ, ຮອງຫົວໜ້າຫ້ອງການພົວພັນຕ່າງປະເທດກິ່ງແຂວງສິບສອງພັນນາ, ຜູ້ຊີ້ນໍາໜ່ວຍສະ ຫະພັນແມ່ຍິງຫ້ອງການ ພ້ອມ​ດວ້ຍຄະນະ​ຮັບຜິດຊອບ​  ໄດ້​​ສົ່ງ​ຄະນະ​ໜ່ວຍສະຫະພັນແມ່ຍິງພະແນກການຕ່າງປະ ເທດແຂວງອຸດົມໄຊ ເດີນທາງກັບຄືນປະເທດ ດ້ວຍຄວາມປອດໄພ ແລະ ສະຫວັດດີພາບ.

ກອງປະຊຸມກົນໄກການຮ່ວມມືວຽກງານການຕ່າງປະເທດ ຄັ້ງທີ III ລະຫວ່າງ ພະແນກການຕ່າງປະເທດ 5 ແຂວງພາກເໜືອ ແຫ່ງ ສປປ ລາວ ກັບ ແຂວງຢູນນານ ແຫ່ງ ສປ ຈີນ

  ເພື່ອເພີີ້ມພູນຄູນສ້າງ,ສາຍພົວພັນລະຫວ່າງລາວຈີນຮ່ວມມືຍຸດທະສາດການສ້າງສາພັດທະນາບ້ານເມືອງໃຫ້ຈະເລີນຮຸ່ງເຮືອງຂື້ນໄປກ້າວໆ,​ໃນບັນຍາກາດທີ່ເຕັມໄປດ້ວຍຄວາມສາມັກຄີແບບພິເສດມິດຕະພາບອັນຍິ່ງໃຫຍ່ຄວາມເຂົ້າອົກເຂົ້າໃຈ, ເຊື່ອໝັ້ນ ເຊິ່ງກັນ ແລະ ກັນ.

        ໃນວັນທີ 6 – 9 / 03 / 2014 ຄະນະພະແນກການຕ່າງປະເທດ ແຂວງອຸດົມໄຊ ນໍາໂດຍ ທ່ານ ວິໄສ ອີນດາລາ ຮອງຫົວໜ້າພະແນກການຕ່າງປະເທດ ແຂວງອຸດົມໄຊ ພ້ອມດ້ວຍພະນັກງານວິຊາການ ເດີນທາງໄປເຂົ້າຮ່ວມກອງປະຊຸມ ກົນໄກການຮ່ວມມືວຽກງານການຕ່າງປະເທດ ຄັ້ງທີ III ລະຫວ່າງ 5 ແຂວງພາກເໜືອລາວ ກັບ ຫ້ອງການພົວພັນຕ່າງປະເທດ ແຂວງຢຸນນານ ສປ ຈີນ ທີ່ ນະຄອນຕ້າຫລີ (Dali).

ກິ່ງແຂວງຕາລີ, ນະຄອນຕ້າລີ (Dali) ເປັນເມືອງທີສວຍສົດງົດງາມ,​ເປັນເມືອງບູຮານເກົ່າແກ່,​ເປັນກິ່ງແຂວງປົກຄອງຕົນເອງຂອງເຜົ່າໃປ, ເປັນເມືອງແຫ່ງລົມໜາວ, ເມືອງແຫ່ງຫີນມະ, ເມືອງແຫ່ງດອກໄມ້ຄໍາ ແລະ ເມືອງແຫ່ງດວງເດືອນ. ຕ້າລີ ຕັ້ງຢູ່ພາກກາງຫາພາກຕາເວັນຕົກ, ມີດີນແດນກ້ວາງໃຫຍ່ໄພສານ, ມີຊັບພະຍາກອນອຸດົມສົມບູນ,​ທິວທັດພູຜາປ່າໄມ້ສວຍສົດງົດງາມ, ອາກາດໃນ 4 ລະດູການກໍ່ຄື: ລະດູໃບໄມ້ປົ່ງ, ເມືອງເອກຂອງກິ່ງແຂວງຕ້າລີ ແມ່ນນະຄອນຕ້າລີ ເຊີ່ງຫ່າງໄກຈາກນະຄອນຄຸນໝິ້ງ 331 ກິໂລແມັດ ມີເນື້ອທີທັງໝົດ 29459 ກີໂລຕາແມັດ, ໃນນັ້ນເນື້ອທີ່ພູດອຍກວມເອົາ 93,4%, ທົ່ງພຽງກວມເອົາ6,6%, ປະກອບດ້ວຍ 1 ນະຄອນ, 11 ເມືອງ ແລະ 110 ຕາແສງ. ມີປະຊາກອນທັງໝົດສາມລ້ານສີ່ແສນເກົ້າສິບສາມຄົນ,​ໃນນັ້ນປະຊາຊົນເຜົ່າສ່ວນນ້ອຍກວມເອົາ 50%,​ປະຊາຊົນເຜົ່າໃປກິນອັດຕາໜື່ງສ່ວນສາມຂອງປະຊາຊົນທັງໝົດໃນຕ້າລີ, ເປັນກິ່ງແຂວງປົກຄອງຕົນເອັງຂອງເຜົ່າໃປອັນໜື່ງອັນດຽວຂອງປະເທດຈີນ,ເປັນບ້ານເກີດຂອງຮູບເງົາທີ່ມີຫົວຂໍ້ວ່າ: ດອກໄມ້ຄໍາຫ້າດອກ ທີ່ມີຊື່ສຽງດັງທົວສາກົນ,​ ປະລິມານນໍ້າຝົນສະເລຍຕໍ່ປີແມ່ນປະມານ 1000mm, ຄວາມຍາວຂອງສອງແສງຕາເວັນ ສະເລຍຕໍ່ປີແມ່ນ 2345 ຊົວໂມງ, ອຸນຫະພູມສະເລຍຕໍ່ປີແມ່ນ 15 ອົງສາ.

ລີ(LI) ໝາຍຄວາມວ່າຄຸ້ມຄອງບໍລິຫານ (ຕ້າລີ) DaLi ໝາຍຄວາມວ່າຄຸ້ມຄອງບໍລິຫານຂະໜາດໃຫຍ່, ຫຼັງຈາກທ່ານ ຕ້ວນ ສື່ຜິນ ເຈົ້າຊີວິດສ້າງຕັ້ງປະເທດ ຕ້າລີ ໃນສ່ະໄໝລາດຊະວົງທານ, ເພິ່ນກໍ່ໄດ້ວາງນະໂຍບາຍໃໝ່, ດໍາເນີນການປະຕິຮູບ ແລະ ຄຸ້ມຄອງບໍລິຫານແບບໃໝ່ ແລະ ໃຫຍ່, ກໍ່ເລີຍຕັ້ງຊື່ປະເທດວ່າ ຕ້າລີ ເພື່ອເໝາະສົມກັບກັບສະພາບການພັດທະນາຂອງເສດຖະກິດສັງຄົມ, ໃນໄລຍະປະຫວັດສາດເປັນ 500 ປາຍປີນັ້ນ ເຊິ່ງນັບຈາກ(ປະເທດນານຈ່າວ)ຮອດປະເທດຕ້າລີິໃນສະໄໝລາດສະວົງທານ ຫາຊົ້ງນັ້ນ, ຕ້າລີກໍ່ເປັນໃຈກາງການເມືອງ, ເສດຖະກິດ ແລະ ວັດທະນະທໍາຂອງຢຸນນານ, ຈາກນັ້ນໄດ້ຮັບການພັດທະນາເປັນໄລຍະຍາວ ຕ້າລີ ໄດ້ກາຍເປັນດີນແດນອຸດົມຮັງມີ ດ້ານປະຫວັດສາດ, ວັດທະນະທໍາຊົນເຜົ່າແລະເສດຖະກິດຂອງປະເທດຈີນ.

ຕ້າລີ(DaLi) ມີມະຫາໄລທີສາມາດສ້າງບຸກຄາລາກອນ ໄດ້ຫຼາຍຄົນ ( DALI UNIVERSITY ) ເປັນຄູ່ຮ່ວມມືກັບ ມະຫາໄລແຫ່ງຊາດລາວ ໃນນັ້ນມີນັກສືກສາຄົນລາວ 83 ນ້ອງນັກຮຽນ ທີ່ກໍາລັງສືກສາຢູ່ ມະຫາໄລ ຕ້າລີ ( DALI UNIVERSITY ).

         ເພື່ອເພີີ້ມພູນຄູນສ້າງ, ສາຍພົວພັນລະຫວ່າງລາວ-ຈີນ ຮ່ວມມືຍຸດທະສາດການສ້າງສາພັດທະນາບ້ານເມືອງ ໃຫ້ຈະເລີນຮຸ່ງເຮືອງຂື້ນໄປກ້າວໆ,​ໃນບັນຍາກາດທີ່ເຕັມໄປດ້ວຍຄວາມສາມັກຄີແບບພິເສດ , ມິດຕະ ພາບອັນຍິ່ງໃຫຍ່ ຄວາມເຂົ້າອົກເຂົ້າໃຈ , ເຊື່ອໝັ້ນ ເຊິ່ງກັນ ແລະ ກັນ.

          ເວລາ 15:00 ນາທີ (ໂມງຈີນ) ກອງປະຊຸມກົນໄກການຮ່ວມມືວຽກງານການຕ່າງປະເທດ ຄັ້ງທີ່ III ລະຫວ່າງພະແນກການຕ່າງປະເທດ 5 ແຂວງພາກເໜືອລາວ ແລະ ຫ້ອງການພົວພັນຕ່າງປະເທດ ແຂວງຢຸນນານ ສປ ຈີນ ໄດ້ເປີດຂື້ນຢ່າງເປັນທາງການ.

          ໃນກອງປະຊຸມທີ່ເຕັມໄປດ້ວຍບັນຍາກາດການຕ້ອນຮັບອັນອົບອຸ່ນໃນຖານເພືອນມິດຮ່ວມມືຍຸດທະສາດຮອບດ້ານ, ພະແນກການຕ່າງປະເທດ ( ຫ້ອງການພົວພັນຕ່າງປະເທດ ) 6 ແຂວງຊາຍແດນ ລາວ – ຈີນ ກໍ່ໄດ້ປືກສາຫາລື ແລກປ່ຽນຖອດຖອນບົດຮຽນ ເຊີ່ງກັນ ແລະ ກັນ ໃນດ້ານເພີ້ມທະວີການໄປມາຫາສູ່ກັນ ຂອງຄະນະຜູ້ແທນຂັ້ນຕ່າງໆ, ລົງເລີກການຮ່ວມມືທາງດ້ານເສດຖະກິດ – ການຄ້າ, ວັດທະນະທໍາ ແລະ ສັງຄົມ, ສ້າງຄວາມເຂັ້ມແຂງໃນການຄຸ້ມຄອງຊາຍແດນ,​ການຮັກສາຫຼັກໝາຍຊາຍແດນ,​ ຊ່ວຍປະສານງານໃນການຮ່ວມມືຈັດຕັ້ງປະຕິບັດໃຫ້ຖືກຕ້ອງຕາມລະບຽບກົດໝາຍ ແລະ ພັດທະນາເຂດຮ່ວມມືເສດຖະກິດຊາຍແດນເປັນຕົ້ນ. ນັບຕັ້ງແຕ່ກອງປະຊຸມ ຄັ້ງທີ II ເປັນຕົ້ນມາ ພະແນກການຕ່າງປະເທດ 5 ແຂວງພາກເໜືອ ສປປ ລາວ ກັບ ຫ້ອງການພົວພັນຕ່າງປະເທດ ສປ ຈີນ ກໍ່ໄດ້ເສີມສ້າງຄວາມເຂັ້ມແຂງໃນການຮ່ວມມືຂອງການນໍາແຂວງຢ່າງຕັ້ງໜ້າ, ​ຊຸກຍູ້ບັນດາພະແນກການ ໃຫ້ມີກິດຈະກໍາ,​ ແລກ ປ່ຽນຖອດຖອນບົດຮຽນໃຫ້ກ້າວໄປສູ່ລວງເລີກ,​ ຊຸກຍູ້ສາຍພົວພັນໄມ້ຕຣີຈິດ ມິດຕະພາບອັນເປັນມູນເຊື້ອມາແຕ່ດົນນານຢ່າງຕັ້ງໜ້າ, ພະແນກການ, ຫ້ອງການ ຂອງບັນດາແຂວງເຫັນວ່າ ໃນປີ 2014 ເປັນປີຄົບຮອບ 10 ປີ ຂອງກົນໄກສ້າງຕັ້ງປະສານງານການຮ່ວມມື ລະຫວ່າງ 9 ແຂວງພາກເໜືອ ສປປ ລາວ ແລະ ແຂວງຢຸນນານ ສປ ຈີນ, ສືບຕໍ່ເສີ້ມສ້າງກໍາລັງການປະສານງານການຄຸ້ມຄອງລະບຽບກົດໝາຍຊາຍແດນຂອງຕົນ, ເອົາໃຈໃສ່ປະຕິບັດຕໍ່ ສົນທິສັນຍາດ່ານຊາຍແດນ ລາວ – ຈີນ ແລະ ສົນທິສັນຍາລະບອບການຄຸ້ມຄອງດ່ານຊາຍແດນລາວ – ຈີນ ໃຫ້ມີຜົນສັກສິດໃນການນໍາໃຊ້ມາແຕ່ເດືອນ ມີນາ ປີ 2012 ໃຫ້ກ້າວຂື້ນໄປອີກຂັ້ນ, ຫຼຸດຜ່ອນການລ່າເນື້ອ, ລ້ຽງສັດ ແລະ ເກັບເຄື່ອງປ່າຂອງດົງຂ້າມຊາຍແດນ, ການຂົນສົ່ງສີນຄ້າສາກົນທາງ ແມ່ນໍ້າລ້ານຊ້າງ – ແມ່ນໍ້າຂອງ ກໍ່ໄດ້ຮັບການຟື້ນຟູ ສ້າງຂົວຂ້າມແມ່ນໍ້າຂອງ​​ ລາວ -ໄທ, ຂົວຂ້າມແມ່ນໍ້າຂອງ ມຽນມາ – ລາວ ກໍ່ໄດ້ຮັບການປັບປຸງດີຂື້ນ, ຕັ້ງໜ້າຊຸກຍູ້ດ້ານການທ່ອງທ່ຽວ,​ວັດທະນະທໍາ, ການຮ່ວມມືທາງດ້ານກະສິກໍາ – ປ່າໄມ້ ຢູ່ເຂດພາກເໜືອຂອງລາວ ໂດຍຖືເອົາການປູກພືດທົດແທນການປູກຝິ່ນເປັນຫຼັກ ເພື່ອປັບປຸງຊີວິດການເປັນຢູ່ຂອງປະຊາຊົນຂັ້ນທ້ອງຖິ່ນໃຫ້ດີຂື້ນເພີ່ມລາຍຮັບໃຫ້ປະຊາຊົນ,ຊ່ວຍເຫຼືອປະຊາຊົນໃຫ້ຫຼຸດພົ້ນຈາກຄວາມທຸກຍາກ.