Tag Archives: ສະຖານທູດໄທປະຈໍານະຄອນຫຼວງວຽງຈັນ

ຄະນະຜູ້ແທນ ເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈໍາ ສປປ ລາວ ມາຢ້ຽມຢາມ ແລະ ເຮັດວຽກຢູ່ ແຂວງອດົມໄຊ ສປປ ລາວ

ຕອນແລງ ເວລາ 14:35 ນາທີ ຂອງວັນທີ 03 ກັນຍາ 2015  ຄະນະຜູ້ແທນ ເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈໍາ ສປປ ລາວ ມາຢ້ຽມຢາມ ແລະ ເຮັດວຽກຢູ່ ແຂວງອດົມໄຊ ສປປ ລາວ  ນໍາໂດຍ ທ່ານ ພິດສະນຸ ຈັນວິທັນ ເອກອັກຄະຣາຊະທູດໄທ ປະຈໍາ ສ ປປ ລາວ ພ້ອມດ້ວຍຄະນະ   14  ທ່ານ, ຍິງ 03 ທ່ານ ພິທີການຕ້ອນຮັບທາງການຢູ່ທີ່ໂຮງແຮມງາມລາວນໍາໂດຍ ທ່ານ ສົມດີ ສີລາທອດ ຮອງຫົວໜ້າພະແນກສຶກສາທິການ ແລະ ກິລາ ພ້ອມດ້ວຍຄະນະການຕ້ອນຮັບແຂກ ແລະ ອາຈານ, ນັກຮຽນສາມັນກິນນອນຊົນເຜົ່າ ແຂວງອຸດົມໄຊ ຈໍານວນໜຶ່ງດ້ວຍບັນຍາກາດອົບອຸ່ນຖານບ້ານໃກ້ເຮືອນຄຽງ.

ເວລາ 15:00 ນາທີ ທ່ານ ເອກອັກຄະຣາຊະທູດ ແຫ່ງ ຣາຊະອານາຈັກໄທ ພ້ອມດ້ວຍຄະນະ ເຂົ້າຢ້ຽມຂໍ່ານັບ ທ່ານ ຄໍາແພງ ຈິດຕະວົງ ຮອງເຈົ້າແຂວງ, ແຂວງອຸດົມໄຊ ທັງສອງຝ່າຍໄດ້ຜັດປ່ຽນກັນສົນທະນາຂໍ້ມູນຂ່າວສານເຊິ່ງກັນ ແລະ ກັນ ທັງດ້ານການພັດທະນາເສດຖະກິດ, ຜະລິດຕະພັນເປັນສິນຄ້າພາຍໃນແຂວງ.

ເວລາ 15:30  ນາທີ ເອກອັກຄະຣາຊະທູດໄທ  ພ້ອມດ້ວຍຄະນະ ເດີນທາງໄປເຂົ້າຮ່ວມພິທີເຊັນບົດບັນທຶກ ກັບ ບໍລິສັດກະດີງກໍ່ສ້າງ, ໂຄງການກໍ່ສ້າງຕຶກອາຄານຮຽນສອງຊັ້ນ ແລະ ຫ້ອງນ້າໜຶງຫຼັງ  ມູນຄ່າ   7.723.289 ບາດ, ( ໂດຍທຶນຂອງສົມເດັດພະເທບ ) ໃຫ້ໂຮງຮຽນສາມັນກິນນອນຊົນເຜົ່າ ແຂວງອຸດົມໄຊ, ໂດຍການປະທານຮ່ວມຂອງ ທ່ານ ຄໍາແພງ ຈິດຕະວົງ ຮອງເຈົ້າແຂວງ ແຂວງອຸດົມໄຊ, ຫຼັງຈາກນັ້ນໄດ້ໄປຮ່ວມພິທີເທປູນການກໍ່ສ້າງ, ແລ້ວເຂົ້າຊົມການສະແດງສິນລະປະວັນນະຄະດີຂອງນ້ອງນັກຮຽນ, ໂຮງຮຽນສາມັນກິນນອນຊົນເຜົ່າ ແລະ ຢ້ຽມຊົມສະຖານທີ່ຕ່າງໆໂຮງຮຽນສາມັນກິນນອນຊົນເຜົ່າ ແຂວງອຸດົມໄຊ.